اخو زوجي وبنت خالته

هلوو بنات
بقولكم سالفتي اللي سويتها بدون رغبه واحس صرت بنار
زوجي عنده اخ يدرس بالجامعه ويبي بنت خالته وخطبوها له من سنتين و6 شهور تقريبا
الان دق زوج خالته عليهم انو متى تجون رسمي وكلام طويل قالو له حنا قايلين لك انو يدرس ان شاء الله لين تستقر اموره
وعصب زوج خالته وانتو تخدعوني طولتو وانو اختها متقدم لها رجال والنعم ومابي تنكسر فرحه الكبيره
قام اخو زوجي كلم خالته انو ابي البنت وكذا وكلمي العم فلان قالت له الموضوع مو بيدي ومالي سلطه
المهم راحو له الرجال معنهم مو بنفس الديره وشرشحهم زوج خالته وكان فيه رجال وقالهم نفس الكلام غشيتوني وخذعتوني قلتو قريب الزواج وطولتو
وهو تخصص صعب مايقدر يتوظف اي شغله ويدرس وباقي له سنه ويتخرج ان شاء الله
المهم زوجي كل قلبي من الحنه الا كلمي مرت اخوك طبعا مرت اخوي انا اخت هالبنت
قلت له انتو كلمو خالتكم خل امك تكلمها تمونو عليهم اكثر انا بحكي لكم عن مرت اخوي هي حليوه وكذا بس حياتها الخاصه واهلها ماتتكلم كثير اصلا اهلي درو مني انو اختها بتاخذ حماي
ماقالت ابد هي الا مره بعد كنا رايحين نبارك لهم منزل جديد وتكلمت هي وامها
قالي اخوي طالبني انو تكلمينها لاتحرجيني وانو خواته مايتفاهمون بصعبونها عليه وهو شاري البنت
بعد طول هذره كلمت مرت اخوي وقلت لها فلان ترا رجال والنعم وماشاء الله بيتخرج قريب وباذن الله وظيفه مرموقه وهو ولد خالتكم وتعرفون اخلاقه
ليش الوالد يبي يتم الزواج بسرعه هل في كلام طلع ع البنت او شي قالت هم قالو قريب وطولو ومتقدم لها واحد ونعم وابوي يقول بيزوجها لو ذولا ماجو خطلبو رسمي
المهم انا قلت لها بس هم شارينكم وجاين لين عندكم مافيها لعبه ولا انو يسحب عليها مو لهالدرجه قالت هذا كلام ابوي عاد تفاهمي مع شايب
اللي صدمني انو تقول جايها معرس وهو قال لهم ابو البنت جاي ل اختها الصغيره مرت اخوي ماذكرت سالفه معرس ل اختها
انا ماقدرت اوصل ل حق ولا باطل معها وانا اعرف مرت اخوي مو من النوع الكذاب
مدري وش اقول لزوجي هل اقوله الكلام اللي قالته
او اقوله ردت علي بنفس مارد ابوها
شاريها يروح يخطبها رسمي يودي لها شبكه ولا يحللون ولا يملكون
علما انو المهر حقه جاهز من ابوه بس ماعنده سكن ولا وظيفه
عمره 23 وهي عمرها 19