مطلوب شريكه جاده بمشروع جدا مربح في فتره قصيره

مراحب يالغاليات
بدخل بالموضوع دايركت
جاتني فكرة مشروع روووعه من شهر 6السنه اللي فاتت2010 بدأت بالبحث والتنفيذ يعني من اكثر من سنه وانا اركض وراها راح تتحقق هاليومين
تم الاتفاق مع المصنع على عقد تصنيع المنتج المطلوب واستيراد المواد الاساسيه من المانيا وراح يتصنع خصيصا لي 
وراح اقدر اوزعه على المحلات والصيدليات بكل سهوله لأن راح يطلع له تصريح من هيئة الغذاء والدواء
والاسباب بذكرها لشريكاتي مع التفاصيل ماله داعي اكتبها هنا (تضل سر المهنه)
اضافه الى ان المنتج ماراح يقدر يقلده أي احد لأن تسجل بإسمي خلاص راح يكون حصريا لنا فقط
بكل صراحه فرحتي ماكملت لأني بسافر امريكا على نهاية السنه بإذن الله
لذلك أطلب شراكة مع العلم اني داخله بكل قوه واراده في هالمنتج الرائع بشهادة كل من جربه ونزلت كميه بسيطه منه بشهر10بالبدايه ماعليها طلب لأنه جديده على السوق الطلب قليل جدا للأمانه لكن اللي تشتري مره ترجع تطلب لقرايبها ماشاء الله وكل شهر تقريبا يستخدمونه لشي جديد ويطلبون كميات جديده
لكن بعد ماابتداء يشتهر زاد عليه الطلب رغم ان الاعلانات قليله ومحتاج لها وفي مده قليله لأن زادت التجارب الفعليه لها

على رأي الغاليه مليكة القلم(اننا لا نقوم بتصنيع سلعة ما بسبب وجود الطلب عليها بل نحن من يخلق سوقا لها)

اقرأو العباره زين فعلا كذا الانسان يحس بالنجاح
زبدة الموضوع عقد التصنيع فيه 5000حبه وانا راح اشيل 2000حبه لحالي ولو قدرت اكثر راح اشيل ان شاء الله او تتأجل سفرتي واخذه كله لحالي  عشم ابليس بالجنه
المطلوب شريكه او 2 او 3 بالكثيييييير لأن ماودي اتشتت بأكثر من كذا (لاقيت شريكتين فقط) باقي وحده ونكتمل
يشيلون باقي الكميه معي وراح ازودهم بالضمانات المطلوبه لأن المبلغ شوي كبير محتاج جمعيه للبعض مدة التصنيع اسبوع واحد فقط من دفع المقدم(نصف المبلغ) والنصف الثاني نفس يوم الاستلام
والحلو جدا انه في بند في العقد يفيد بأن في حال تأخير تسليم المنتج عن التاريخ المحدد بالعقد ينقص السعر ومبين كل شي بالعقد

في حال وحده منكم حابه تدخل شريكه وماعندها ثقه بي تقولي هي تثق بمين من التاجرات او المشرفات هنا واذا كنت اعرفها حق المعرفه وانا اعرف اغلبهم ماشاء الله اخلاق راح اتفاهم مع اللي توثق فيها واخلي المبلغ مع التاجره وبمجرد تستلم البضاعه بخذ المبلغ من التاجره الثقه (ضمان مستعمل على غفله)
طبعا لأني راح ادفع للمصنع شيك مؤجل وبعد الاستلام راح يصرفون الشيك
(هذا الحل لأني غيرت اسمي اللي تعرفوني فيه من6 سنوات بسبب قريباتي ومراقبتهم لي)
واكيد راح نتساعد بالتوزيع السريع للبضاعه الحصريه عندنا بأسعار راح نتفق عليها والارباح راح تكون خياليه بإذن الله بالخاص
اللي حابه تشاركني تتفضل على الخاص او رقمي اللي بتوقيعي ورجاء لاتضيعون وقتي بالاستفسارات وحب المعرفه فقط تراسلني وحده جاده وموحابه تضييع وقت كفايه سنه ضاعت انتظاااااااااااار

انتظركم حبوباتي


هالموضوع كان خاص بالفي أي بي فقط واتفقت مع 3تاجرات بس الاخيره ماوفت معاي وماكملت لذلك نزلته هنا ابي وحده فقط اتفق معاها رقمي بتوقيعي للي حابه نتفق فورا او على الخاص الكميه جهزت خلاص وماعاد في وقت نبي نبدأ خطتنا التسويقيه الاسبوع هذا