فيني مرض روحي وأتعبني هالشي .. وأتعبت أهلي معي

ابحثى بقوقل الرقيه الشرعيه واسمعيها

الله يشفيك يا اختي ...

حبيتي ما فيكي شي الحمد لله ، لا توسوسي 
العزلة لها تفسيرات كتيرة 
في ناس حرفيا شخصياتهم كدا وعايشين مع نفسهم وراضيين بحياتهم يستمتعوا بالقراءة او اي هواية ( ما تحتاج مشاركة مع أشخاص ) 
وفي ناس ممكن تتضايق من التجمعات اللي فيها أشخاص كتير او من الأماكن الكبيرة وممكن تجيها نوبة فزع ( تعرق شديد ، زيادة بضربات القلب ، رجفة باليدين .. ) ممكن تستشيري طبيب نفسي وحيفيدك كتير .. 
انك بتكلمي نفسك او تتخيلي حاجات >> صدقيني طبيعي طالما انك لوحدك فترة طويلة 
الطفل الوحيد او اللي ماحد يلعب معاه ممكن يتخيل انو عندو صديق تخيلي ويتكلم معاه
،،
نصيحتي لكي طالما انك حاسة انو مابتنجزي في حياتك >> احساس جميل معناه انو عندك رغبة قوية بالتغيير 
الهدف انك تتغيري لشخصية فعالة بالمجتمع وبنفس الوقت تكوني سعيدة وراضية عن نفسك 
العزلة بحد ذاتها مو شي سيء ، بس طالما حاسة انها مأثرة على حياتك فهي ممكن زادت عن الحد 
انا رأيي انو تبدأ تدريجيا ترتبي وقتك وتحطي لكي نشاطات 
متلا اول واهم شي ترتبي نومك 
لو بتقرأي شي اجلسي بالصالة معاكي كتابك وناقشي احد باللي تقرأيه ( اي نشاط انتي متعودة تسويه لوحدك اشركي معاكي احد ، زي لو تحبي تشوفي أفلام دائماً المرة الجاية تفرجي مع أختك متلا ) جربي تقرأي بالتطوير الذاتي او التاريخ او ممكن روايات 
روحي مناسبات اجتماعية ( بالبداية صعب يمكن عشان محا تتحملي الناس بس انتي حطي ببالك انو بتغيري جو وماعليكي من الإنتقاد السلبي اللي يجيكي ) 
اطلعي نادي رياضي 
دوري وظيفة تشغل وقتك وتتعرفي فيها على صاحبات جدد 
اعزمي أمك واهلك برا على مطعم 
تعلمي رقص >> جو البنات *_^ ، متى ما تكوني طفشانة اتصلي على قريباتك وتجمعوا وارقصوا ، في مقاطع باليوتيوب لرقصات معينة مرة فلة لو كنتوا مجموعة بنات وتدربوا معاهم عالفيديو 3> ..
،،
ترا اي شخص لو بيغير اي طبع فيه راح يواجه صعوبة بالبداية بس بعدين لو قاوم الصعوبات حيسهل كل شي 
يعني مافي حل سحري ، لازم تتعبي شوية .. 
في نقطة مهمة ، ما عليكي من اللي يرمي كلام سلبي .. أبعدي عنهم قد ما تقدري دي الشخصيات مثبطة ومحبطة والبعد عنهم راااااااحة .. 

اأبشرررك أناا مثلك تماما وحاسة بمعاناتك خاصة في وقت المناسبات ودي أجتمع وأزور وأجتمع بصديقاتي وأدرس وأعيش حياتي صح والمؤلم مثل ماقلتي الناس تتقدم وأحنا مثل ماأحنا عند رغبة داخلية لكن الواقع والضروف صعبة خاصه إذا في أمر يعيقك ع التقدم !!

أنا اقولك ومن تجربتي ألزمي الختمات كل ماخلصتي ختمة من القرآن أبدأي وهكذا جدا قوية الختمات وفيه جلب الرزق ودوام العافية بإذن الله وأستمعي للرقية 3 مرات وحافضي ع الأذكااار الصباح والمساء واسمعي آية الكرسي مرتين باليوم ..

بالنسبة لعدم خروجك تحسين بأعراض تجبرك ع عدم الخروج او الإختلاط أو فيك أعراض ثانية وأنتي أنعزلتي بإرادتك !!

وكيف إحساسك بما تجي المناسبات مثل رمضان والعيد !
الله يشفيكك يارب ويشفيني

ليش صابرة خمس سنين الحمدلله العيادات النفسية موجودة والرقية الشرعية باليوتيوب ارقي نفسك ياعزيزتي الامراض النفسية مثل الامراض البدنية لازم تبحثين عن علاج وماتستسلمين للمرض ولاتعتزلين الناس وخليك مرنة ومنفتحة و لاتكونين عنيدة تمنعين عن نفسك الخير بالاول رح تتعابين وتعانين في مقاومة المرض لكن بعد كذا بيروح بتدريج مع الاصرار والامل في الله قبل كل شي ومرضك هذا ماهو نادر فيه ملاين من الناس يصابون فيه وفيه كثيرين يتجاوزونه ويكون من الماضي الحياة حلوة بطاعة الله لاتهدرين عمرك حرام اكيد علاجك يحتاج عزيمه قويه منك بسبب انك تركتي نفسك فترة طويلة مستسلمة له لكنه بيروح باذن الله ثقفي نفسك واعرفي كيف تعاملين مع وضعك شوفي تجارب غيرك الادويه فقط ماهي حل 
تعلمي اشياء جديدة غيري روتين حياتك اشتغلي ادرسي تعبدي الله واكثري من الاستغفار والدعاء وتعوذي من ابليس
الخروج من وضعك هذا بالطريقة الصحيحة هو تحدي حياتك كم مرة بتعيشين بهذي الحياة حتي تضيعينها
وراك اخرة وجنة ونار تحتاج لعمل والدنيا تحتاج لعمل وصبر 
اعرفي تتعاملين مع روحك هذبيها و لاتخلينها هي تقودك انتي قوديها احتكي بالناس الصالحين والناجحين تعلمي منهم شوفي الدنيا من وجهة نظرهم نافسيهم