مابعد النفـــــاس❤️

السلام عليكم ورحمة الله وبركاته ياحلوات🌹
يعلم الله أني أعتبركم خواتي رغم أني عضوه جديده بالمنتدى ولكني متابعه قديمه لكم
واضح من العنوان وش بتكلم عنه ولكن قبل ماأبدأ أتمنى القى ردود كثيره مبنيه على التجربه مو على التخمين لاني اتحطم اذا لقيت ردين او ثلاث بعدين ينزل الموضوع لاخر المنتدى من جد تحطيم💔
مالكم بالطويله😜
خلاص خلاص ببدأ😂😂
طبعاً ياحلوات أحب أقولكم شي عن نفسي أنا أنسانه أعشق الرشااااااااااقه وماأتخيل. نفسي دبا 😭
ولكني للأسف في حملي هذا دخلت عالم السمنه من أوسع أبوابه وهذا الشي غصباً عني أنفتحت شهيتي بشكل غررررريب وللأسف أكثر شي حبيته الحلويات و المأكولات الدسمه وكرهت السلطه والفواكه شي غريب غصباً عني وزوجي جداً مصدوووووووم مني لدرجة صرت أكل بالسر عنه😂😂 وهو عدوه اللدود السمنه ودايم يطري برشاقاتي
المهم اللي راح راح وأنا كلها شهرين وأولد بالسلامه بإذن الله وودي اسوي ريااااااضه مكثفه وانا انسانه أعشق المشي بس المشكله أني بعيده عن أهلي وين أحط المولود عشان امشي لاتقولون عند الشغاله والله يابنات أني ماأثق بالشغالات ابداً
وأخاف منهم ولاأحد يقول جيبي اجهزه مستحييييل شريت أكثر من جهاز وكلها خساره بخساره أكرهها كره غير كذا ألم شديد بركبي وانا طبيعة جسمي ماينحف الا بالمشي السريع لان سمنتي أكثر شي با أردافي
ياربي والله عندي حمااااااااس أنحف بس اللي كاسر ظهري البيبي فكرت اذا أنام اطلع اسوي رياضه بس نفس الشي اخاف عليه من الشغاله والله جدا من كثر مانشوف في المقاطع
وجسمي من النوع اللي لازم أستمر على الرياضه على الاقل شهرين متواصلين لانه من النوع اللي يقاوم ماينحف بسرعه ولكن اذا استمريت يطلع جسمي خيااااااال ماشاء الله عن تجربه
وبيتي شقه صغيره مافيه مجال للحركه
أتمنى أنكم فهمتوني💔
والله يابنات مقهووووره ليت عندي أحد أمون عليه أحط عيالي عنده ياشين بعد الأهل الله يقربني لهم على خير
تكفون اللي عندها حل او رياضه سهله وممتعه في البيت وخصوصاً للبطن والارداف تفيدني مرررره متحمسه وودي أرتب جدولي من الآن
ورجاء يامشرفاتنا العزيزات لاتنقلون موضعي لأن هذا أنشط قسم حسب متابعتي له
ولكم مني جزيل الشكر وخالص الدعاء😘😘😘