ما تقبلت شكل طفلتي .. :(

اختي حرام وربي حزنت على الطفله منك ومن ابوها عيب عليك انا عارفه بتزعلين من ردي لكن هذي بنتك والله لو هي مشوه تتقبلينها ...........وغير كذا البنت بتطلع على ابوها واهله او عليك انتي وعلى اهلك ما راح تجيبه من برى يمكن واحد فيكم وهو صغير بنفس ملامح بنتك ويوم كبر تغير ...........

حبيها يا قلبي عليها من الان تعيبون في شكلها :( ؟؟؟؟؟؟؟؟؟؟؟؟

أولاً الحمدلله على سلامتك وسلامة بنتك..

بالنسبة لشكلها راح يزين وتحلو كل ما كبرت،

وأنت لاحظي شكلها بتحسينها أفضل وتغيرت للأحسن عن أول أيام ولادتها..

أختي رزقها ربي ببنت سمراااااء بشكل مع إنها هي وأبوها بشرتهم بيضاء
والحين عمرها سنة ونصف والحمدلله بشرتها أبيض بكثير من يوم هي صغيرة..

إن شاء الله تشوفينها عروووووووووووس ..
ولا يهمك كلام الناس>>>> أحسهم يحبون يجرحون الواحد بأي طريقة..

اتمنى أفدتك..

حراااااااام عليك
وش هالكلام ..والا الخبلات يقولون معرس ومامعرس وعمرها 20 يووم؟؟
استغفر الله
ياختي اصلا معروف ان البنت بتجي كل فتره بوجه لييين تكبر ..
وعمرها جدا صغير .. استني عالاقل لين شهرين بعدين ابكي ..
انا ماااعمري شفت مولود زين الا بعد شهر ونص شهرين ...........................
واللي انتي فيه الان اكتئاب الولاده .. يعني لا تحاتين .. وبالنسبه للي حولك ..لا تسمحين لهمممم ابدا يقولون هالكلام
قولي لا والله بنتي تقول للقمر قوم واقعد مكانك ..واصرررري على كلامك
لانه حتى لو احلوت بعدين ..الناس لامسكت على احد كلمه تعقده بها
..
والله يالغلا فيه ناس تتمنى طفل لو مو حلو ..
استغفري ربك ..
حاولي تحطي لبنتك مسك خفيف ..ولبسيها ملابس حلوه ..وخلي ريحتها دووم حلوه
وما اوصيك ..اعصري عليها من لبن صدرك مباشره ودهني جسمها كله به ..
المفروض هالحركه تكون اول اسبوع .. بس داومي عليها فتره
لانها تصفي البشره وتخفف الشعر وتجعل فالجسم حمره حللللوه ..

والله يحفظها لك ..ويجعلها جميلة الخلق والخلقه ..

اختك روووعه

شوفي ياعمري صدقيني الشكل مومهم اهم شيء ادعيلها إن الله يهديها ويصلحهاويسخر لها عبيده وهذا الاهم
لسى البنت صغيره راح تتغير ملامحها وإن شاء الله بشرتها لما تكبر وتشوفبها احلى عروس

اولا انتي معاك اكتئاب حمل ... هذا واضح وهرموناتك ضاربة بعد كم شهر بتضحكين على نفسك وعلى هالاحساس وخذيها من تجارب غيرك وصدقيني هذي مشاعرك الحين بس بتتغير على قدام
كلمن كان يقول عن بنتي شينة وكانوا يقولون بنت المليحه فضيحة وكانوا يقولون ما يخالف لشين في اللفة زين في الزفة واشياء كثيرة ما تنعد ولا تنحصي ...والحين كل من شافها يقول سبحان الي قلب سحنتها ..اولا البنت بسبع وجيه وهي تكبر تتشقلب ملامحها ألف مره ... يعني شكلها الحين لا يمكن يثبت على ماهو عليه .... ثانيا لا بدت تناغي وتضحك بتاكل قلبك اكل وبتشوفين فيها جمال ما يشوفه غيرك وتتغير نظرتك لها ... ثالثا ... الجمال نعمة لكن زيه زي الذكاء أرزاق وكل واحد ياخذ رزقه وحتى ان جت البنت عادية في الجمال اهم شيء يطلع حظها بالذكاء أكبر وتعوض هالنقص ..... ومحد في هالدنيا بياخذ الا نصيبه من الجمال والحظ والذكاء اتعوذي من ابليس لانك ما رح تقدرين تغيرين شكلها الشي الوحيد الي تقدرين تغيريه هو شعورك نحوها وطريقة تفكيرك والله يكون بعونك .... واذا بتستمرين بهالاحساس إلين ما تكبر البنت وتبدى تفهم فالله يكون بعونها ... ساعدي بنتك واتقبليها زي ما هي ولا تكونين سبب تحطيمها وحاولي تحاربين هالوساوس لانها كلها من الشيطان