نوتـه :

بقولك تجاربي مع دكاتره البشره قبل سنتين حتى لو مافدتك عالاقل مايلعبون عليك اول مره رحت للزلال صراحه غثا وراعين طويله خذا لي عينه من الحبه وقالي اسبوع وتطلع النتيجه واخرها كتب لي علاجات استمريت عليها ولاجابت ربع النتيجه الي قالها ماعندهم الادكتور جلديه واحد اسمه القحطاني الظاهر وبعدين رحت للحبيب اول شي عند صالح الرشيد جلست معه 3 شهور وكل مارحت له قالي معليش كملي استمري اقوله يابن الحلال طقت كبدى والعلاجات مو رخيصه تخلص كل اسبوعين يعني لازم كل اسبوعين اشتري من جديد والمشكله استمريت 3 شهور بانتظام ولافادني شي وبعدين رحت للفضلي بنفس الحبيب من اول ماجلست وشاف وجهي قال بكتب لك الروكاتين طبعا عييت لاني خفت منه قالي براحتك ماعندى غيره ولاكملت معه الي هذا اوله ينعاف تاليه وبعدين رحت عبدالعظيم للبسام يوم كان بعيادات الشدوخي وكتبت موضوع عنه هنا بالمنتدى اسال البنات وكلهم مانصحوني اكمل عنده بس مدري وين مواضيعنا القديمه من عقب الارشفه والاكان جبته لك المهم اني استمريت معه من اول مره ولاارتحت بس اني رحت له على مدح صديقتي وواثقه فيها وهو للامانه بالليزر مره كويس بس بشره ابدا ماانصحك وربي بغى يحرق وجهي كان يكتب لي علاجات وخلطات مره قويه قبل يكشف على بشرتي ويعرف نوعها وش يناسبها ومايناسبها تخيلي عقب اسبوع رجعت له وشاف وجهى وارتاع قلت انت السبب هذا علاجك قال مو مشكله بنغير العلاج وغيره قلت اوكي وقالي تعالي عقب اسبوع ورحت وقال اووووه بنغير وربي ثالث مره قلت خير حقل تجارب عندك وكان بيعطنى علاج ب1200 هو مسويه وطلعه من عنده قلت يصير خير بروح اصرف واجى وهجيت واخرها رحت لوحده بالحبيب مدري وش اسمها بس انها مصريه من اول ماشفت خشتها وجهن ودر وبثرتها وخربطتها قلت ماهنا امل منيب ناقصه خساير طبعا كل تجاربي قبل سنتين للامانه يمكن تغيرو الحين والحين بفضل ربي مافي احسن من بشرتي بدون دكاتره ولاخرابيط الحمدلله والشكر يارب الله لايغير علي واسمعي نصيحتي والله لو بشرتك حلوه ومافيها شي يستاهل اتركيها لاتلعبين بها وتندمين انا بشرتي كانت من احسن مايكون وربي لكن طقتني حبوب وحاله ذيك الايام ولاصبرت عالطول رحت للعيادات والدكاتره ولادريت انها عين الا عقب ماخسرت وقتي وفلوسي عاد ادعيلي تعبت وانااعصر مخي واتذكر والله في غيرهذولي الي قلتهم بس اني ناسيتهم لاني اذكر فيه عياده بطريق الامير عبدالله بس ناسيتهم ياصبر اهلي علي بس ذيك الايام :09:

بقولك تجاربي مع دكاتره البشره قبل سنتين حتى لو مافدتك عالاقل مايلعبون عليك اول مره رحت للزلال...

ابنة المطر :

جزاكم الله الجنان اخواتي قمراي شكرا يالغالية والله يتمم لبشرتك جمالها:26:

جزاكم الله الجنان اخواتي قمراي شكرا يالغالية والله يتمم لبشرتك جمالها:26: