مشكورةاختي سااارررووونه الله لايهينك ارسليلي فضيت الصندوق ويجزاك الله الف خير

اختي شيكي على الخاص

تسلمون حبايبي ما تقصرون والله اللهة يجزاكم الجنه

بس ياليت مساعده في تخطيط المشغل يعني اللي عندها مخطط بسيط تفيدني من ناحية

كم غرفه؟

وش الغرف اللي لازم تكون جنب بعضها؟


مساحة الغرف تقريبا ؟ مساحة غرفة الحمام المغربي؟ والغرف الباقيه ؟غرفة الحلاوه كيف تكون؟

اختي الغاليه انا باعطيكي فكره باللي اعرفه المشغل اقل شي يكون غرفتين مثلا تفتحي معرضين على بعض او تاخذي شقه لكن المحلين لازم تكون متوسطه مو مره صغيره وممكن تعملي حركه لو المكان صغير طبعا اول شي غرفة الخياطه وخلي لها اكبر المحلين عشان طاولة الخياطه الكبيره والمانيكان وبداخلها اعملي حاجز تقريبا ثابت بالارض عشان يصير مقل الجدار وهذا استخدميه كغرفه للقياس ضعي به مراه كبيره من الجهتين او وحده والثانيه اعطيها للزبونه متحركه ولاتنسي تفصلي دائره عاليه شوي بالخشب عشان توقف عليها الزبونه لما تقيس المهم الغرفه الثانيه للاستقبال والكوافيرات طبعا للاستقبال مكتب صغير وجيبي كنب حلو اثنين مثلا والمرايات تبع التجميل اعملي مثل تسريحه بالخشب تفصيل راح يكون ديكور كلاسيك ويكفي للمساحه الصغيره وممكن تعملي فكره حلوه جدا وهي تعالي من منتصف الغرفه بزاويه واعملي درج سلم ثلاث او اربع ومثل البرنده او البلكونه هذي خليها لشغل الكوافير وتحت الاستقبال واما الديكور ممكن ترسمي على الجدار رسمه بالفانوس السحري مثلا ممكن تستاجري وبعدين قصي عليها الفلين بمقص الفلين ولونيها وسوي اللي تبيه على كل الجدار باحلى ديكور ومن برا مو لازم فاترينه ارسمي ايضا على الجدار واصيغيه او باللمبات او نباتات حلوه تفنني وكل هذه بديكور ناعم راح تكون حلوه حتى لو محلك صغير وبالنسبه للمغسله تبع الشعر انتي ممكن لو في مغسله باحد المعرضين تسويلها لباده عشان ماتعور الراس وتستخدميها وسوي دواليب صغيره للمعدات والارض مشمع او سيراميك براحتك ولوحات صغيره والمكاين جيبي جاكور الياباني اقل شي اثنين يطاوله وماكينة اللفقه اما غرف الحمام المغربي والحلاوه ماعندي فكره ولازم ايضا تكون عندك دورتين مياه على الاقل واحده للزبائن وزينيها وواحده للعاملات وادوات تنظيف ونحوه وايضا الكنب لو تسويه اطلبيه بخزائن من تحت الكنبه عشان تستفيدي منهاوملاحظه كل شي تفصليه من اثاث للمشغل راعي انه يكون يصلح لمنزلك ايضا من كنب او تسريحه او كراسي او دواليب ليش عشان لو تبي تغيري النشاط او الديكور بيوم تستفيدي منه بالنسبه للعاملات اثنين ممكن بالاول وحده معلمة قص والقانيه خياطه واهم شي راعي السرعه مع الاتقان يعني اعرف وحده بمشغل ممكن تسوي فستان بليله وحدها قص وخياط ووحده بمشغل اخر متقنه لكن الفستان ممكن يجلس شهر ماخلص والناس تشتكي