يالله صباح خير ( هم من الصبح)

صباح الخير يبنات

مع ان صباحي مره موشي احس بتشاؤم مدري ليش:44:

نفسي اخذ موقف في حياتي مع زوجي ونفسي اقلكم على كل شي بالتفصيل

لاني احس اني بجد موعارفه الصح من الغلط وفي نفس الوقت مهما حكيت عن حياتي

ماراح يوصلكم كل شي بالصورة الصحيحه الكامله فعشان كذا بعد تفكييييييييييير طويل

قلت خليني اقلكم ايجابيات زوجي وسلبياته وايجابياتي وسلبياتي وراح اكتبها بدون ترتيب سابق

لعل وعسى القى ايجابياته اكثر عشان اقدر اسامحه واستسيغ عيشتي معاه:(

يللا راح ابدا اول شي بالسلبيات :

اناني درجه اولى - يكره اهلي ومايوصلهم ابدا

احس انه اب مقصر عاطفيا من ناحية اولاده وعادي عنده مايشوفهم بالايام:mad:يقههههههههر

في المشاكل سلبي مررررره ومايحلها يكتفي بالسكوت او الانصياع لاراء اهله

خاين وملوش امان:icon33:

عنيد مرررررررررره واللي في راسه في راسه

مو واثق من نفسه - ضعييييييف شخصيا

احسه اجوف(ان شالله تفهمو معناها لانو موالكل يفهم معنى اجوف)

عندو استعداد يخسرني في سبيل راحته

في اشياء ثانيه بس هذا اللي يحضرني الحين , اما الايجابيات

كريم - رومانسي - يحب اهله

مكافح في عمله مشالله تبارك الله ونشيط

هذا اللي يحضرني بس :(

اما انا سلبياتي هي :

عصبيه - احب اطلع اللي بقلبي للشخص اللي احبه اذا زعلت منه حتى لو كان كلام جارح

طموحه لدرجة اللاحدود(وزوجي يكره الطموحه موووووت)

اتمنى اوصل للكمال (الكمال لله وحده)

ساذجه وهبله واشوف الناس بعين طبعي الغبي

احاول اني اكون شريره بس مومبسوطه بهذا الشي :44:

اعطي اللي حولي اكثر من مااخذ

ايجابياتي هيا:

والله مدري احس اني مالي نفس اكتب ايجابياتي لان ماوداني لورى

الاهي . والله يبنات مدري اللي كتبته فضفضه اكثر من مهي تعريف عني وعنو

ودي اعرف مين الغلط ومين الصح ودي اخذ قرار استمر في حياتي معاه وللا انهيها

خلاص مليت والله مليت غربه وهم للركبه :icon33: الحمدلله على كل حال

ودي اصبر نفسي باني اروح لاهلي في الاجازه وهو اصلا رافض فكرة اني اسافر لاهلي في الاجازات

يعني لايرحم واعيش معاه في هدوء ولا اني اروح اريح اعصابي عند اهلي , طيب اكمل دراستي انتساب

برضو لا طيب ادخل دورات برضو لا طيب احضر نشاطات في الجمعيه الخيريه او اروح تطوع برضو لا والله يبنات

ملل وفراغ رهييييييب والراغ يخللي الشيطان يدخللي من الف باب وهو مايفهم ولا يبغى يفهم

احس اني خلاص مومتقبلته النفس عاااااااااااااااااااافت قد مااحاول اشوف الاشياء الحلوه فيه موقادره

احس كل حبال الموده انقطعت بيني وبينه , دعيت وصليت وبكيت واتصدقت واستغفرت استفر الله العظيم

مافي فايده احس ضعف شخصيته نزلته من عيني مررررررره وسلبيته حسستني بعدم الامان موعارفه ايش الحل

بجد موعارفه ايش الحل .

بنات شاركوني همي هزئو علقو هاوشوني انصحوني قولو اي شي بس خليني احس ان في الدنيا ناس

لسه تفهم والله خايفه لاصير بجد شريره صارت تعجبني اي وحده قويه ومفتريه وظالمه احس اني اشوف

نفسي فيها وانا مااقدر اكون نصها حتى:44:

والله الرجال هذا بيوديني لورى مدري لوين حااوصل :angry:

انتظركم يبنااااااااااااااااااااااااااااااااات