اخواتي العزيزات ابي مقادير الساقو شكلي ماضبطته

على حسب الكمية الي تكفيك :
اولا خذي الساقو واغسليه بمشخال وبعدها حطيه بالقدر
مع مويه ساخنه بقدر معين وتابعيه ولو احتاج مويه زيادة ضيفي
واتركيه يطبخ مع التحريك حتى الحبه تصير لزجة
وينضج وبعدها ضيفي السكر واوزنيه على كمية الساقو والهيل والزعفران
واستمري بالتحريك حتى يتماسك شوي وبس , > اذا تفضلين اكله بارد
صبيه بزبديه وع الثلاجة > وحلاته سااخن االذ ..

مشكوره فخوره
ابي المقادير بالكاس

شنو الساقو اول مره اسمع بالاسم

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

لمقادير :

2كاس سكر
2كاس ساقو حب مومطحون
كاسين ونص ماء مغلي
ملعقتين ونص هيل
وحدة زبده
3 ملاعق زعفران اذا تبي يصير
أحمر واذا تبي يصير أصفر ملعقه ونص زعفران مذوبه في نص كوب ماء ورد
مكسرات مطحونه
او جوز هند حسب الرغبة.


الطريقه :

نجيب القدر ونضع فيه السكر
ونحرك فيه حتى يذوب السكر ويصير مثل الكرميل بني الون
اول ما يبدأ يذوب نستمرفي التحريك حتى يصير لونه بني مو غامق محروق حتى ما يصير مر
نحضر كاسين ونص الماء المغلي ونضيفه على السكر المحروق
يجب الانتباه راح يطلع بخار كثير ويطشر فابتعدي عنه
نأخذ الساقو بعد ما غسلناه ونقعناه جيداً وصار لين
ربع ساعه تكفي لو اقل منها نصفيه من الماء زين بمنخل ونضيفه عليه
ونحركه شوي
بعدين نضيف الكوب الثاني الي بقى
على الساقو بس نلاحظ اذا تبونه حالي اي سكر زياده نضيف الكأس كله واذا وسط نقلل السكر فيه
حسب الرغبه
نسخن الزبدة ونضيفها لأن المذوبة تعطي طعم أحلى
ونضيف بعدها الهيل المطحون
ونحرك زين لمن تختفي الزبده
والهيل مع بعض
بعدها نضيف الزعفران ومثل ما قلنا اصفر نقلل والاحمر نزيده
ونحركه حتى يتلون
طبعا ما ننسى نحركه
ونتأكد من أن الحبات اختفت أو شبه مختفيه على حسب الرغبه
ناس يفضلون فيه حبات شوي

بعدها نحطه بالزبديات ( الصحون الصغيرة)ونزينه بالمكسرات أو جوز الهند حسب الرغبة .