مشكلتي مع اختي الكبيره

السلام عليكم
خواتي انا اريد مشورتكن
انا متزوجه في منطقه بعيده عن اهلي 500كيلوو وابوي مطلق امي ومتزوج وعنده بنات واولاد كبار اختي متزوجه في نفس مدينه ابوي واخوي كذلك امي ساكنه في قريه تبعد عن مدينه ابوي تقريبا 15كيلو فقط عند اخوي من امي
امي لها بيت في نفس القريه فاضي لانه سكنت مع اخوي بعد ماتزوج
اذا رحت لامي اجلس ببيته الفاضي وهي تجي عندي نبي ناخذ راحتنا وخصوصا ان عندي اطفال صغار
مشكلتي ان اختي اللي بمدينه ابوي تجلس بالاشهر ماتجي ولا تزور امي الا اذا انا جيت تجلس تتحراني يمى اجي انظف البيت واتقضى الاغراض وتجي عندناا
المشكله اذا جت انا اتحووول واصير شغاله له ولعيالهاا الخمسه امي كبيره ولا تقدر على الشغل
عيالها جدا جدا جدا قذرين وملاقيف يضربون عيالي والله ياخواتي انواع الجروح بوجه عيالي شوهو وجيههم وحتى انا يضربوني وكذا مره يكسرون جوالي وايبادات عيالي
عجزززت عنهم بكل الطرق حاولت معهم ولافيه فايده وهي ابدد ماتقول لعياله شي اذا شكيت له تقول عجزت عنهم
هي عصبيه جداا جداا جداا بس تهاوش وتخانق مع كل الناس امي ابوي خواتي زوجه ابوي وزوجهاا
المهم فوق غثا عيالها تعصب وتجلس تهاوشني انا وامي ولا تكست ابدد طول اليووم تهاوشنا وتهاوش وووو
تزعل يوم يومين وبعدين فجاءه تجلس تضحك وتعتذر وتقول غصب عني
ماتعاوني بشغل البيت ابد كل شي علي اجلس طول اليوم انظف ورى عيالها واطبخ واكنس وهي طول بس نيمه ولا قامت لبست عباته وسيرت عالجيران
اذا قلت لها عاونيني او نظفي ورى عيالك زعلت وهاوشت
جربت وتركت الشغل قلت اني مريضه ونفس الشي ماسوت شي البيت تحول لزباله اكرمكم الله وامي قامت تطبخ وهي عاادي عنده رحمت امي ورجعت اشتغل
متكله علي بكل شي تخيلن تجي وحتى رضاعه الحليب لولدها ماتجيبه معهاا وتاخذ رضاعات عيالي وانا اتقرف كل مستلزمات عيالها من علاج وشامبو واغراض ماتجيبه تعتمد على اغراضي
واذا رحت يم ابوي راحت معي وين مااروح تتبعني
تعبت تعبت انا ساكنه بغربه واجلس بالشهور مااشوف احد واذا رحت لاهلي الا هي وعياله وراي مااتونس
والله العظيم يابنات اني كرهت الروحه لاهلي عشانهاا والحين عطله مارحت بسبتها خصوصا اني حامل
يعني وشلووون احشر نفسي عشانهاا؟؟؟
مارحمتني حتى وانا نفاااس طالعه من العمليه تجي عندي والشغاله اللي استاجرها بنفاسي تزعل وترفض تشتغل من عيالهاا
والحين مستحيل انفس عند امي خلاص ابجلس ببيتي
وش الحل ؟؟؟ اكتب لكن وانا متضاااايفه مشتاقه لامي وامي تتصل علي تقول تعالي ابشوفك واشوف عيالك
بس ادري لارحت وش بيصيرررر لي ؟؟؟
شورو علي ولاتقولون اختك وتحمليهاا عجززززت انا من حقي لا رحت لهلي اتونس انا بغربه وهي بنفس ديرة اهلي