انا حامل باليوم ال 20 من التاسع والوحم مستمر معاية للان والحموضة والبلغم والله اني ادخل اصابعي لين استفرغ عشان ارتاح شوي ولا ارتاح احسه يهوج اكثر كرهت بيتي وزوجي وسرت عصبيه ورحت لاهلي من الشهر 8 ولاعاد اجلس مع احد ولا اتكلم واللي زاد الطين بلة من دخلت التاسع ابي اكل تايت او صابونه وحب بعد الغبار الي بالطاقه اجمعه بمنشفة غرقانة وجلس اشمه واصلا ودي اكله بس امسك نفسي
ولا انام الا ساعة باليوم بالقوة ولو صحيت مستحيل ارجع انام واصلا ماانام الا بشراب ينوم للكحة والبلغم خلصت 3 علب وخايفة يضر الجنين بعد بس وش اسوي اسمة اميدرامين الي تعرف انة مايضر تطمني
استخدمه هو وموكسال للحموضة لا وبعد شربته وهو منتهي تاريخة كم مرة ومانتبهت للتاريخ
ااااااااااااااااااهـ يارب رحمتك
اللحين ابي اشاوركم في شي حملي الاول قبل 12 سنه وهذا الثاني وتعبت فية كثير وماسووا لي توسيع وسار عندي تمزق بالانسجه وخيطوني اي كلام وبعدها ب 4 شهور اضطريت اعيد الخياطة بمستشفى خاص ب 5 الاف
ومن الولاده حدث عندي بواسير للان
ولا اعتنيت بنفسي بالنفاس كنت بغربه وجاهله وجاني اكتئاب بعد الولاده
كرهت الحمل والولاده ماانسا ولادتي للان كانت بحكومي وقمه الاهمال والتريقة
واللحين افكر اروح اسوي قيصري من التعب اللي فيني واخاف اخرب من اسفل ولاني تعبانه من الوحم ولا انام ولا اكل بس دموعي تصب ودعي الله
ولا اولد طبيعي بس اخاف يحصلي تمزق او يضر البواسير من مثل حالتي وولدت طبيعي
انا حاليا بالطائف ويمدحون مستشفى النهضه بالحويه سواءطبيعي او قيصري وخاصة الدكتور طارق حبيت اسالكم من ولدت عنده طبيعي او قيصري وش الخطوات والسعر والخياطه زينة وذا قيصري هم تلحيم او تدبيس
وعندهم الكمام المخدر وابره الظهر بعد وذا الي شجعني
وبعد وش رايكم في مستشفى الهدا بالطائف للولاده القيصري او الطبيعي او عبد العزيز
ادري كلامي كثير بس والله من اللي فيني تعبانه الله يفرج على الجميع
دعواتكم لي بالساعة المبروكة والولاده المتيسرة وربي يحفض اللي ببطني من كل شر يااارب
والله يجزاكم خير :44::44::44:
ديمه 88 @dymh_88
عضوة جديدة
يلزم عليك تسجيل الدخول أولًا لكتابة تعليق.
حبيبتي على اجر ان شاء الله وهانت راح الكثير ومابقى الا القليل واميدرامين وموكسال مايصلح تاخذينهم تحملي ماباقي شي
وان شاء الله بنات الطائف يفيدونك وربي يسهل عليك ويقومك بالسلامه
وان شاء الله بنات الطائف يفيدونك وربي يسهل عليك ويقومك بالسلامه
الله يفرجها عليك ويجعلها ساعه هينه لينه يارب عليكى والله مانى من اهل الطائف بس دعوتكى اجبرتنى ع الدخول
غناتي
•
الله يقومك بالسلامه انتي واللي ببطنك
الهدا مجربته بنت خالي قيصريه مرتين الخدمه والكفاءه الطبيه عاليه
استخيري والله يكتبلك الخير
الهدا مجربته بنت خالي قيصريه مرتين الخدمه والكفاءه الطبيه عاليه
استخيري والله يكتبلك الخير
الصفحة الأخيرة
والله مااعرف بس حبيت ادعي لك