باموت غيره على زوجي>تم نقله للآسريه

الأسرة والمجتمع

اول شي يا بنات انا باعترف لكم بكل شي بس لا احد يقول لي كلام يجرح لاني ما اتحمل اكثر :(

انا متزوجه عندي ثلاث الله يخليهم لي
واحب زوجي لدرجة جنونية .. بس صارت لي معه مشاكل انا سببها واعترف بالشي هذا
وهو محترمني ومعطيني حقوقي ومايقصر معي ولا مع عياله
هو مايحبني مثل ما احبه .. وحتى لا جلس معي مو مثل لما يجلس مع عيالي والا مع خواته
يكون عندي ساكت ولا يضحك كثير وسوالف عاديه مره حتى اني اقوله ليه انت عندي كذا بس ما يرد علي
المهم انه كان راح يطلقني بس الحمد لله وانا السبب :(
وقال لي بعدها انه ماراح يطلقني لكن بتظلين بالبيت معززه مع عيالك
ومن يومها وهو احسه كارهني بزياده بس يحاول ما يبين لكن انا احس :(

المهم يا بنات انه قال لي انه راح يتزوج ثانيه وانا باموت من الغيره و من القهر ومن زمان قالي لي هالكلام ومعلمني حتى لما نقلنا للبيت الجديد مقسمه قسمين القسم لي والقسم للثااانيه
بعدين قلت له انا ماني موافقه انها تسكن جنبي وسويت معه مشكله لين ما قال خلاص راح أأجره
بس بيتزوج وبيسكنها ببيت لحالها
وقال لي لو غيري كان تزوج وحطك قدام الامر الواقع
وبعدها رجع لحالته ما يكلمني عادي

والحين هو متغير وصارت نفسيته احسن من قبل .. حسيت ان موضوع الزواج الثاني له دخل بتحسن نفسيته
وفعلا طلع ظني بمحله
زوجي يشتغل بشغله يضطر انه يكلم بنات ويشتكون له
وهو شكله يحب وحده من اللي حل مشكلتها لانه يقعد بالساعات يكلمها ..هو مايعرف اني ادري عن البنت هذي
بس من عرفها وهو يعيد علي سيرة الزواج
وحتى يكلمها بالنت ويسولف لها سواليف انا نفسي ما اعرفها ويشتكي لها وشكله هيمااان معها آآآه بس
والحين وقته بالاسواق شكله يشتري لها هدايا عشان يلين قلبها :(
والمشكله انها طلعت من جماعته وتمسك فيها اكثر يوم درى انها من قبيلته ومن عايله مناسبينها
ودايم روحاته كثير لبيت اهله وقعداته كثير عند خواته .. يمكن يدرون باللي يصير وانا مخليني آخر من يعلم

واذا قلته له عن هالبنت اعرف رده وش بيكون بيقول لي انتي بتظلين معززه مع عيالك وماراح اظلمك والا بيقول تتجسسين علي والا بينكر مااادري
والا يمكن بيقول لي انا متحملك وصابر عليك :(
بس انا بامووووت من الغيررررره

واذا مافيه حل خلوني افضفض لاني صرت مثل المهبوله معه وهواشنا كثر حتى صرت اضيع اغراضه واخبيهم عشان اقهره بس كلها تطيح براسي

هو راح يتزوج بس انا وش اسوي مع غيرتي ابي انسى هالغيره :06:
36
3K

يلزم عليك تسجيل الدخول أولًا لكتابة تعليق.

تسجيل دخول

ملكني حبك
ملكني حبك
يابنت الحلال والله مااعرف ايش اقولك لاني مو متزوجه بس صدقيني والله حاسه فيكي
بس ممكن اقولك شئ يمكن انتي غيرتك خلته يفكر كذا يعني ممكن هو يكون مو مفكر
في فكرة الزواج بس غيرتك خلته يفتح عينه على هذا الشئ بزياده
وممكن يكون سبب ثاني انه تكوني منقصه عليه شئ سواء في معاشرتكم وقت نومكم >> اكيد فاهمتني
حاولي تفهمي وتشوفي ايش اللي يبغاه وسويه له بشرط انه مايغضب ربنا حاولي تعوضيه لانه الرجال
اذا مو كلهم بس اغلبهم يفكروا في هذا الشئ

وربنا يهديلك زوجك ويسخره لك ويبعد عنه بنات وعيال الحرام
%قطه علي نار%
%قطه علي نار%
انا مش عارفه أقولك ايه بس انا عمري ما كنت هرضي من الاول علي الوضع ده خالص
تعبت من نفسي
تعبت من نفسي
شكرا على ردودكم يا بنات :(

ملكني حبك

انا احبه موت ووهذي المشكله مو قادره امسك نفسي وبسرعه يبين علي
وبالنسبه اني مقصره معاه اي شي يبيه اسويه حتى اذا جيتي على ملابس البيت البس اللي هو يحبه وكله من ذوقه
بس ماادري الله يسخر ويصبرني يارب

قطه على نار

والله ماادري بس هذا البلى اني ما اقدر استغني عنه

الغريبه

الله يجزاك خير
فلاش ميموري
فلاش ميموري
طيب ليه ما تصلحي اغلاطك انتي تقولي السبب منك وانك اذا واجهتيه حيقول لك انو متحملك

حبيبتي عطي نفسك اسبوع او اسبوعين خليه يصييير ملك كل طلباته مجابه وخليك هاديه ومتكشخه ومبتسمه طول الوقت ولا تعملي مشكله ابددد مهما كان
الزبده اهتمي بكللل شي وخاصه وقت النوم اوكي ياحلوه

وشوفي يمكن ربي يزرع حبك في قلبه ومايشوف غيرك ياقمر
{ ملحْ الدنيـَا !
الله يعينك والله مادري شقولك انا بعــد

< مو متزوجـه

ماعندي خبره بهالامور

بس وش شغله بالظبط اللي يخليه يكلم بنااات بالساعات يتشكوون له ؟؟

غريب صراحه ودي اعرف