الحرمــ أنين ـــان @alhrm_anyn_an

عضوة جديدة

مخنوووووووووووقة وأبي أتكلم ..

السلام عليكم ورحمة الله وبركاته ..

عمري 38 سنة ..

مطلقة وعايشة أنا وعيالي عند أهلي ..

بصراحة الوضع في بيت أهلي دمّر نفسيتي ونفسية عيالي ..

لدرجة ساءت علاقتي بعيالي .. وصرنا كأننا أعداء ..

ووصلت لحالة ما اقدر أتحمل أكثر ..

وصرت أفكر بحلول .. لكن كل حل يوقف في وجهه 100 صعوبة وصعوبة ..

حاولت أطلع في بيت أنا وعيالي لكن ما قدرت ..

انتظرت يمكن أنخطب لكن ما سمعت بأي شخص خطبني .. مع أني متميزة في كل الجوانب .. والكل ينصدم لما يعرف إني تطلقت ..

حتى إنه أكثر من مرة تسألني وحدة وتقول : أنتي كاملة والكامل وجهه .. معقولة وصلت الحال بكم إلى إنك ما تقدرين تتحملين أكثر؟!!

المهم ..

مرت السنوات وأنا ما انخطبت ..

آخر حل وصلت له إني أروح أي مكان رسمي يستقبلني أعيش فيه باقي عمري .. وعيالي بيضطر أبوهم ياخذهم عنده .. على الأقل يكونون عنده عايشين مثل الناس ..
أما عندي وفي بيت أهلي .. تعذيب نفسي قاااااااااتل ..

قبل فترة سألتني وحدة عن موقفي من الزواج .. قلت لها ما عندي مانع .. لكن ما أبي يكون عن طريقي وما أفكر أعطي أحد أي معلومة عني أو عن أهلي ولا حتى أرقام تليفونات ..
إذا فيه أحد يبي يتقدم لي فالأفضل يكون عن طريق أبوي .. عشان يكون الشخص أكثر جدية .. لأني أخاف من اللعابين من كثر ما أسمع من القصص ..

المهم ..

أرسلت لي اليوم تقول .. إن الشخص إللي كانت عنده رغبة يخطبني .. بحث وسأل حتى حصل رقم جوال أبوي ووصف البيت ..
وإنه اتصل كثير لكن الجوال مقفل ..
وبعدها راح للبيت وقابل أبوي عند الباب .. وعرّف أبوي بنفسه ..
وسأله أبوي : مين دلّه علينا ؟
قال له : معارف لكم ..
رد عليه أبوي بأسلوب سيء : ما عندي بنات للزواج ..
ورفض يضيّفه ..
يعني طرده ..
:(
وتقول : لو ما كان الشخص مستقيم وملتحي ومؤذن مسجد وهيئته محترمة .. كان عذرت أبوك وقلت يمكن شك فيه ..
لكن تقول : هذا الشخص الكل يتمناه ..

طبعاً هي كأنها تلومني ليه ما قلت لها إني أبوي ممكن يتصرف كذا .. عشان ما أحطها في هالموقف المحرج مع الشخص ..

وأنا والله انصدمت بقوة من تصرف أبوي ..
وألحين أحس الدنيا سوداااااااااااااااااااااااااااااااء ..
وودي أطلع من البيت حتى لو أسكن في الشارع ..

ما يكفي إنه غصبني على الزواج الأول ..
وأخواتي الباقيات ما غصبهم ..
بالعكس كان يشاورهم وإذا رفضوا اقتنع برأيهم ..
أما أنا فمن أول خاطب زوجني إياه ..
مع إني مو أكبر ولا أصغر وحدة ..
لكن كنت أول وحدة يزوجها ..

أخواتي زوجهم الأشخاص إللي وافقوا هم عليهم ..

أما أنا زوجني شخص ما وافقت عليه ..
وما فكر يسأل عني أو يشوف هل أنا مبسوطة أو لا ..

طبعاً مو هو لحاله ..
أمي وأخوالي شركاء معه في كل شيء ..

وبعد سنوات طويييييييييلة رجعت لهم مطلقة وانكشف لهم المستور وإللي كنت كاتمته طول هذي السنين ..
وشافوا بعيونهم تصرفات طليقي وإهماله لعياله ونسيانه لهم بالأشهر ..

ومع ذلك ما حسوا بالذنب وما أنّبهم ضميرهم ..

بالعكس يتعاملون معي وكأني أسعد إنسانة وكأن متوفر عندي وعند عيالي كل متع الحياة .. ويرحمون ويعطفون كثير على باقي أخواتي وعيالهم .. مع إنهم في بيوتهم مع أزواجهم ..
وأنا وعيالي محرومين من أساسيات الحياة ..

كل هذا ما أعتبره شيء بالنسبة إلى إنه يحرمني من حقي في الزواج ..
وعلى أي أساس يرفض إني أتزوج .. طيب على الأقل يستشيرني في الموضوع ..

لو كنت صغيرة ممكن أعذره وأقول يعرف مصلحتي ..
لكن أنا في عمر أعرف مصلحة نفسي ومصلحة عيالي ..
ويكفي إنه تسبب في ضياع أفضل سنوات عمري في عذاب ..

والله ودي أفاتحه في الموضوع لكن لأني كتومة ما أعرف أعبّر عن إللي داخلي ..
وما عندي ثقة في نفسي ..
وأصلاً أخاف منه ..

والله حالتي الآن ما تسر صديق ولا حتى عدو ..

الإحساس بالظلم والحرمان وخاصة من أمك وأبوك إحساس يذذذذذذذذذذذبح بدون سكين ..

ياااااااااااااااااااااااااا رب فرج همي .. وهم كل مهموم ..

أخواتي .. أحتاج دعواتكم ..

يمكن ما رجع للموضوع ..

لكن لا تنسوني من الدعاء ..

125

يلزم عليك تسجيل الدخول أولًا لكتابة تعليق.

تسجيل دخول

agym • 13 سنة

الله يفرج همك ياقلبي ويرزقك ومالك الا ترفعي صوتك وتسمعيه اهلك الكتمان مايحل شي ولا تخافي ماراح يسويلك شي ابوك انتي ام عيال

a7la-fashion • 13 سنة

الله يفرج همك

لبيك الله • 13 سنة

**** يفرج همك يالغالية ويسر امرك
التجئ لرب السموات والارض وابكي بين يدية فهو ارحم من الوالدة على ولدها
دعواتي لك

مجهوولة الهويه • 13 سنة

ياقلبي والله حاسه فيكي

يارب يفرج همك ويعوضك

صلي ركعتين وادعي الله ييسر امرك الحل عنده

واستغفري

.. آلطرف آلكحيل .. • 13 سنة

agym :

الله يفرج همك ياقلبي ويرزقك ومالك الا ترفعي صوتك وتسمعيه اهلك الكتمان مايحل شي ولا تخافي ماراح يسويلك شي ابوك انتي ام عيال

الله يفرج همك ياقلبي ويرزقك ومالك الا ترفعي صوتك وتسمعيه اهلك الكتمان مايحل شي ولا تخافي ماراح...

والله ماازيد على كلام اختي الفاضله

والله يفرج همج وتتزوجين وتعيشين انتي وعيالج باقي عمركم بسعاده