بسم الله الرمن الرحيم
السلام عليكم ورحمة الله بركاته احبتي حوائيات
بدخل في الموضوع على طول
انا طول الايام الي ادخل فيها المنتدى اقرى المواضيع الي تخص ترتيب المنزل وكيفيت انهاء الاعمال باسرع مايكون
وفي اخوات جزاهن الله الف خير على النصائح الي يبدونها كل وقت والثاني وبصراحه استفدنا كثيرمنهن
بالنسبه عن الموضوع الي ابغى اوصل له موضوع الاستغناء عن الخادمه
انا بصراحه ماعندي خادمه لان بيتي شقه مكونه من ثلاث غرف وصاله وثنتين دورات مياه اعزكم الله
وعندي طفلين بس ساعات احس اني اطفش من شغل البيت والمسؤليه الي فوق ظهري من اقوم الصبح الى الليل يعني احيان انام ماخلصت شغلي ومن اصحى الصباح وانا افكر وش بسوي اليوم :time:
حتى اني احيان اعاف الطلعه لان عندي شغل بالبيت
سامحوني اطلت عليكم
قريت موضوع امس ان الوحده تقدر تستغني عن الخادمه بالادوات الكهربائيه زي غسالة المواعين والغساله الاتماتيكيه للملابس والنشاف الحراري
بس احس هذا كله مايكفي يعني المسؤ ليه فيني فيني الشغل هو نفسه ماتغير يعني مافي مجال اني اريح مخي شوي من التفكير ووش بسوي اليوم ووش بسوي بكره :44:
الملابس بعد الغسيل يبغالها فرز وتصفيط وترتيب في الدولاب يعني الاجهزه بتساعدني
وارضية المطبخ والفرن والرخام يبغالها تمسيح يعني الاجهزه بتسويها
والحمامات وانتوا بكرامه يبغالها غسيل يومي هذا غير الكنس والترتيب الي مايخلص وين الجهاز الي ينفع في هالحاله
وفي اشياء كثيره في شغل البيت انتوا حريم وعارفين الشغل الي مايخلص يخلص العمر والشغل ما يخلص :angry:
انا معاكم ان الخادمه تكبت الحريه في البيت بس الى متى نتعب؟!
احس الشغل حتى ماخذني من عيالي احيان اعصب عليهم لما يطلبون مني شي لاني ابغى اخلص الشغل الي في يدي بس لو عندي خادمه كان روقت معاهم وعرفت كيف ارضيهم
هذا غير الزوج لما يجي من برى يلقى الزوجه جسمها منهك من الشغل ونفسها في خشمها ولما يبغى منها شي تتنرفز وتقول كل شي علي الحالي :mad:بعد الاجهزه بتحل الموضوع
اسفه اني كثرت في الحكي
اكيد ولابد فيه احد عجبه كلامي وفي احد معارض الي قراه وهذا شي طبيعي في اي مجال
لاني من فتره ابغى استسيغ حكاية الاجهزه الكهربائيه انها ممكن تغنينا عن الخدم بس لابد هناك شغل متعب ويبيله جهد يومي
اخواتي العزيزات هذا الي عندي وقلته
وادعي ربي انه يرزقني ببيت اوسع من هذا ويبارك في دخلنا حتى اقدر اجيب خادمه والله يسخهرها لي ولعيالي وعساها تكون بنت حلال
حتى اتفرغ لنفسي وارضي زوجي:arb: وادلع عيالي:04:
بس اهم شي الحمد لله على نعمة الصحه والعافيه والامن والاستقرار ياربي لاتغيرها امين
واذا فيه اي حاجه ما اعجبتكم في موضوعي تذكروا انها وجهة نظر لا اكثر ولا اقل
ودمتم احبتي
اكبروتكبرمسؤلياتي @akbrotkbrmsolyaty
عضوة فعالة
يلزم عليك تسجيل الدخول أولًا لكتابة تعليق.
ديماا~
•
كلامك صح 100% انا كمان عندي ثلاث اطفال وبيتي اربع غرف وصاله ودورتين مياه ويومي كله كرف وتنظيف وطلبات عيالي اللي ماتخلص ووقتي كله شغل كأنك تتكلمي عني يعني حالتك تشبه الكثيررررر مامعانا الا الصبرر ونهون كل شئ عشان الحياه تمشي وتكون احلى وياليت البنات يساعدونا بالافكار ومشكوره يالغلااا موضوعك حلو وكلامك معبر
سمرقند81
•
حل وسط جيبي خادمه نص دوام
تجي تنظف وتمشي وتعيشي ملكخ ببيتج وتستقبلي زوجج بنفس حلوة وتستانسين مع عيالج
ريحي نفسج حبيبتي واللي عندها اطفال ضروري عندها خادمه
والله يعينج
تجي تنظف وتمشي وتعيشي ملكخ ببيتج وتستقبلي زوجج بنفس حلوة وتستانسين مع عيالج
ريحي نفسج حبيبتي واللي عندها اطفال ضروري عندها خادمه
والله يعينج
كلامج عدل لمتى وحنا نتعب بس عشان ينقال عنا سنعات لازم الوحده تتفرغ لنفسها ولعيالها ولزوجها لايكلف الله نفساً الاوسعها
الله يعين على شغل البيت مايخلص دايم انا جايتني نفسيه من يوم سجلت فالمنتدى ابغى كل شي نضيف حتى لوالبيت نضيف احسه وسخ تعبت مدري شسوي عاد ابسوي جدول للتنضيف ان شا ءالله ينفعني
الصفحة الأخيرة