كــل ربة بيت شاطرة تدخل

مشكوره ام فيصل يا ويه الخير :)

محد عبرني غيرج خخخ .. الله يسامحكم يابنات

ليش جذي :( ماكو تعاون !

كل وحده فينا تعطي افكار للثانيه .. كل وحده تطرح سؤال واللي تدخل ويكون عندها رد تجاوب

وبجذي كلنا نستفيد :)

أختي طلبك مرررررة صعب..
يعني يحتاج قصة حياة بأكملها.. وأتوقع الجواب موجود في كل مواضيع القسم..
لكن إن شاء الله تلقين من يرد عليك..
ويا ليت تبدئين أنت علشان نعرف المطلوب بالضبط..

رسيل

لا صعب ولاشي ! انا ادري ان في مواضيع كثيره والكل مو مقصر معانا ويامال العافيه ان شالله لكم كلكم .. لكن انا فتحت هالموضوع كنوع من تبادل الخبرات والتجارب من ربات البيوت

وآنا ماعندي سؤال معين بخصوص البيت وأموره والا جان طرحت سؤالي بموضوع واخذت الاجابه صح والا لا! انا ابي الكل يستفيد ابي يكون هالمووضوع مرجع لكل زوجه تبي تهتم في بيتها وخلق الجو المريح والمناسب بالمنزل و ايضا للفتيات اللي على وشك زواج!

عشان الكل يصل لما يريده ونوصل للسعاده بحياتنا الزوجيه .. واداء واجباتنا باكمل وجه

وانا ابي موضوع كلنا نتعاون في ونشجع بعض وكل وحده تقول النتايج الحلوه اللي وصلت لها بفضل مساعدة العضوه الفلانيه وتدعى لها وان الله ييسر كل امورها ويسعدها

وآنا ابي تعاون من الجميييع ومو كل وحده تفكر بمشكلتها وبس! بالموضوع هذا نساعد بعض بالافكار والخبرات ونستفيد كلنا ونستمتع

ومشكوره حبيبتي عالرد :) وان شالله قدرت اوصل رغبتي بشكل واضح لكم

وانا سؤالي اهو لكل ست بيت ابتدت من الصفر

كيف بدأتي ؟ ومنو اخذ بايدج وشجعج ؟

وهل حققتي نجاح سريع او مانجحتي الا بعد عدة تجارب فاشله

واهم سؤال اهووو

اشلون تغلبتوا على الصعوبات وطريقة الحياه اللي كنتوا عايشينها من فتاه غير مسؤوله الى ربة بيت مسؤوله وام اولاد !

وبانتظااااار الاجابات ولاتبخلون علينا بسوالفكم الحلوه :)

اختي والله موضوعك حلو وان شاء الله راح نستفيد منه وانا هنا بالنتدى طرحت مشكلتي

والان جالسه اعود نفسي على الوضع الجديد وهو بدون خادمه لفتره معينه

الي يساعدني هو حبيبي زوجي دايم حماس وتشجيع وكفايه انه حاس فيني

اما عن شغل البيت فانا احس انه كل يوم يعدي اتعود على شغل البيت ويكون انظم من اليوم الي قبله

انا بيتي كبير مره علينا فسوية جدول يومي واسبوعي وشهري ...... عاشان اقدر انضم وقتي وزوجي حبيبي ساعدني فيه

وسن تحلى ايامج يابعد قلبي

والله يخلي لج زوجج سند دايم دوم قولي آآآمين ... وصراحه عجبتيني باصرارج واعتمادج على نفسج :) وانا متأكده في بنات كثير عندهم كلام يقولونه وانا بانتظار ردود اكثر وتجاوب

منج ومنهم كلهم

:) ونتاقش بامور البيت ككل يالللللللللللللله كلكم تعالوا نشارك ونستفيد