السلام عليكم ورحمة الله وبركاته
كيف الحال
اليوم طريقة عمل الاقط او البقل
اذكرو الله وقولو ما شاء الله تبارك الله ولا حولا ولا قوة الا بالله
المقادير
لبن وبس مصدقه نفسي بسوي طبخه
انا استخدم لبن الغنم ومدري اذا ينفع بالبن المراعي او لا
الطريقه هي الي طويله
بسم الله نبدا ويارب يكون الشرح و الصور واضحه
نركب البن على النار
1
ونتركه يغلي ولازم نحركه على طول علشان ما يحترق
2
الوقت ماله وقت محدد على حسب كمية البن الي انا مسويه كثير خذا اكثر من ساعه
نستمر بالتحريك حركي اسفل الطنجر او القدر علشان ما يترسب فيه و يحترق او يغمق لونه
وكل شوي بتنتبهين انه صار اثقل من قبل
هنا بداء يثقل وصار مثل المتقطع مدري وش تسمونه
3
وهنا اثقل من قبل
4
واستمري بالتحريك علشان ما ينعزل الماء عن خلاصة البن مثل طريقة الكرثي الي نزلت قبل كذا
وحركي حركي حركي اذا تعبتي وقفي شوي و وطي على النار
واذا ثقل خلاص وطي على النار علشان ما يحترق
5
واستمري بالتحريك لما تشوفين نشف مره من الماء
جمعيه على جنب وسكري النار واضغطي عليه بالملعقه علشان ينزل اخر الماء و ارفعيه من جهة الاقط علشان
الماء ينزل براحه و سرعه
6
انا قسمته قسمين قسم بتركه بالثلاجه ابيه طري يعجبني
7
وقسم نشفته ابيه يابس ناشف هنا صورته توه ان شاء الله بصور لكم ناشف من قبل و اقولكم وش اسوي فيه
هنا سويته مثل حريم اول لا قوالب ولا شي يسونه باصابعهم علامة الجوده
تاخذين شوي منه وتحطينه على اصابعك وترصين او تضغطين عليه باصابع يدك الثانيه
ترجع للي تركته ابيه طري شوفو وش سويت فيه اليوم
tmr_mHshy
عجنة تمر مع شوي بر محموس وتقدرين تستغني عن البر بس انا ابي ازيد القيمه الغدايه
و كورتها و سويت حفره بالوسط و حطيت اقط
الشكل الثاني عادي حطيت التمر وبجنبه الاقط الطري
ca7b2aaef29fcde2dfe08c730d83c9
7fe199df7abb4f33c991e31dcba1ea
يوه تعبت من هالتحميل
بس مو خساره فيكم
بنات الله يرضى عليكم اذكرو الله مو عن شي بس جارتي مو مصدقه اني الي مسويته والعين حق
مع انه بسيط بس كون انه حاجه شعبيه مستغربه اني اعرف اسويه وكانت تفكره صعب مره
وطلب ثاني ياليت تدعوني لي ان الله يهديني ويرضى علي ويسخر لي زوجي ويطرح حبي بقلبه ولا يشوف
ولا يحب احد غيري ويسخر اعيالي ويصلحهم ويصلحني ويصلح ابوهم
وكل دعوه تطري على بالكم
مشكوووره قلبي عالشرح كفيتي ووفيتي
والله يرزقك ماتتمني