اول شي ادا تبغين كسكسي صح لازم العدة وهي قدر وعليه مشخال حديد تحصلينه في قصر الاواني ,عند القدور او اسالي العامل .وبعدين ترروحين كارفور او بندة او السدحان فيه انواع الكسكسي تلاقينه جنب السميد والعدس احسن نوع جربته هو ريجينا ناعم.الطريقه حطي كاسين فقط لانه بيزيد غسليه وشيلي الزائد من الماء ثم تيفي ملح و شوية زيت نباتي مقدار واحد ملعقة وخليه ,تجبين القدر وتحطي فيه مويه وتخليه يغلي ولما الكسكسي يتشرب كل الماء ويصير ناشف حطيه في المشخال الي يجي مع القدر وغطيه خليه 20 دقيقة نار متوسطة وتشيليه وتحطيه في اناء ما يكون بلاستيك لانه حار وتجبين ملعقة خشب وتحاوليه تخلطيه او بمعنى تفصلينه حبات الكسكي عن بعض لما يطلع كل البخار رشي عليه ماء وخليه لين يبرد وينشف مرة تانية وتعيدي تحطينه على البخار ونفس الشي متل المرة الاولى و هو حار تضيفه عليه شوية زبدة وتخلطيه وبس ,نجي للمرق هو نفسه مرق الكوسه والجزر والبطاطس قطع متوسطه مقطعة بالطول والحمص حب علب تغسليه وتضيفيه في الاخير وبهارات ملح فلفل اسود فلفل احمر او بابريكا وشوية قرفة ,وقت التقديم : نحط الكسكسي على شكل جبل و نزينه بالخضار ونحطه اللحمه او الدجاج في الوسط ونشربه بالمرق ,اهم شي لا يجي الكسكسي متكتل لازم يجي مفكوك عن بعضه وبالهنا والشفا

م آعرفهـآآ آن شـآءالله يكون آفآدوكك آلبنـآت

السلام عليكم
الكسكسي ينباع في كرتون صغير في الناعم الي هو كرتونته خضرا و هذا ما يصلح مرة لانه يتعجن مع التبخير وفي البرتقالي الي هو وسط خودي الوسط . و القدر حق التبخير ينباع في محلات الأواني .
نجي للمقادير و الطريقة ، انا و زوجي و بنتي نعمل نص العلبة ترى هو بعد ما تبليه و تبخريه يتبارك و يتكاثر ماشاء الله . إذا لحم أطبخ اللحم في الضغط و ابخر الكسكسي في إناء التبخير لوحده بالما و إذا دجاج أطبخ الدجاج في قدر التبخير و بعدين أحط الكسكسي يتبخر على المرقة نفسها .
في الطنجرة احك بالحكاكة حبة طماطم و أضيف لها بصلة مقطعة شرائح و أحط اللحم و شوية زيت و أخد حزمة صغيرهم من الكزبرة و البقدونس اغسلهم و أقصى السيقان و اربط الحزمة بالخليط و أحطها على المقادير السابقة الحمص إذا انتي منقعاه حطيه مع اللحم و إذا اشتريتي حق القوارير الي يجئ منقع جاهز خليه بعدين مع الخضر . نجي للبهارات حق الكمية البسيطة لعندك حطي راس ملعقة فلفل اسود نص ملعقة زنجبيل بودرة قرفة كركم ملح إذا الدجاج أحسن حطي ماجي كمان أضيفي موية و اقفلي على اللحم لين يستوي إذا دجاج نحط الخضر مع الدجاج تستوي مرة واحدة و إذا اللحم نضيف الخضار بعد ما تستوي اللحم . اما الخضر الي تمشي مع الكسكسي هي قرع احمر ، جزر ، دبة ، كوسة ، ملفوف فجل ابيض بطاط للي يحبها ما تزيد على حبة و طبعا مؤ لازم تكون كلها ممكن تكتفين بلي تحبيبها بس بعد ما تستوي اللحمة نضيف الخضار و تغطيها بالموية و نخيلها تستوي .
نجي للكسكسي انا اغسله مرتين و أخيل يقطر و ينشف و تحركه بيدي كل شوية عشان ينشف كله أحط قدر التبخير تحت موية والي مخروم أحط فيه الكسكسي احطه يتبخر وعادي قبل ما يستوي مرة انزله ارش عليه ملح و أدهنته بسمن و أرجعه يتبخر و عشان اعرف هو استوى ولا لا أخد حبات و ادعسها بأصبعي إذا انعجنت فهو استوى كذا .
التقديم احطه في صحن كبير شويت افكفكه بملعقة لين يرجع حبيبات مثل اول و أزيده شوية سمن وأوزعه في الصحن بشكل مرتب بيدي. و ابتدئ اغرف اول شي اللحمة في الوسط و بعدين أوزع الخضر حواليها و بعدين اسقي كل الكسكسي بالمرق على شرط ما أغرقه مرة و اقدمه وبالصحة و العافية على قلوبكم ممكن أحط جنبه طاسة فيها من المرقة إذا حسيته يبغالو زيادة مرقة أثناء الأكل .
و أي سؤال انا جاهزة وعلى فكرة انا حطيتلك أسهل طريق .