انا جيييييييت اكمل لكم <<< الله يعينا عليك

مره من المراريت جاني سعودي وقال وش رايك نتزوج صدق عاد انا تشققت من الوناسه اخيييييييييرا بصير حرمه ويصير عندي عيال واشتري لهم حفايظ <<< هذا اللي همك خخخخخ
واستحيييييييييت وحمرت خديداتي واقعد اقبص في اصابعي من الحياء لين انقطع اصبعي <<< بلا نصب

قلت مدري بسال امي
قال خلاص بكره علميني تراني مستعجل وانا مت من الحياء واروح اركض وادخل البيت << خطبه في الشارع
وادخل غرفتي وانا اسعد انسانه في العالم واخيرا بتتحقق لعبتي وبصير حرمه صدقيه بس ضاق صدري يوم ذكرت اهلي
اكيييييييد بيعيون:( وقعدت اصيح وافكر واصيح وافكر << اخلصي
قلت بروح اقول لامي وشوله اصيح يمكنها موافقه خلني اوفر الدموع لبعد مايرفضون
واروح لميمتي
قلت يوووومه متى تزوجتي قالت اووه تزوجت يومني بزر (ماتلاحظون كل الحريم يقولون تزوجنا واحنا صغااااااااااااااااااااار عشان مايكبرون نفسهم خخخخخخخخخخ)
المهم قلت يعني كبري :) قالت لااااا اللي كبرتس وش يعرفهم بالعرس اللي كبرتس توهم يرضعون
:icon36:
وضاااااق صدري عقب كلامها وجتني الصيحه بس طردتها وقلت لااااااازم انهي الموضوع الرجال مستعجل ويبي الرد بكره
قلت يمه تراني اعرف اقطع لحم يعني اقدر اتزوج <<<< والزواج تقطيع لحم خخخخخخخ
قالت اقول طسي فيذاك خليني اطبخ قلت بساعدس عشان تعرفيني اني كبرت وسحبتني بكشتي وطلعتي وسكرت الباب :10_1_103v
عاد هالمره ماقدرت اطرد دموعي وقعدت اصيح جت اختي قالت وش فيك قلت انتي ليش ماتزوجتي قالت توني صغيره عمري 17 قلت طيب يصلح اتزوج انا ماتت علي من الضحك وراحت وخلتني
واروح لغرفتي ودميعاتي تقوطر
وش في اهلي علي ليش مايبوني اصير حرمه واركب قدام واطبخ غدا واجيب عيال واجيهم كل خميس ليش يبوني اعنس زي اختي <<< 17 عانس الله يخلف على اميمتس
اخاف اذا رفضت سعد ماعاد يخطبني احد :(
وقعدت افكر وافكر وشلوووووووون اعرس
وجاء اليوم المنتظر وهو يوم الرد وجاء سعد وقال هاه وش قلتي قعدت اصيح قال وش فيك قلت عيو وتخنقه العبره يابعد سبدي قال اميره انا احبك واذا ماتزوجتك منيب متزوج ابد قلت حتى انا ابي اتزوجك << وجه مغسول بمرق
قال طيب وش رايك نتزوج وهم مايدرون قلت اخاف يطقوني قال لا ننحاش ولاعاد نرجع قلت موافقه قال خلاص الساعه 2 اذا نامو اطلعي
واروح لغرفتي وانا مبسووووووطه واخيرررررا لقينا الحل
واقعد اجهز عفشي :7_18_2: وخلاقيني وعرايسي واسرق عبايه امي وجزمتها الكعب ( مايصلح حرمه بدون كعب خخخخخخ)
واسوي نفسي نايمه يوم تاكدت ان اهلي نايمين واخذ شنطتي والبس عباتي واطلع
وامشي شوي شوي عشان مااخبط ولا سلمت من التخبيط كل شوي طايحه والقى زوجي يحتريني عند بابهم ومعه شنطته ولابس بنطلون جنز وشماغ ابوه خخخخخخخ
يوم شافني خاف بغى يدخل بيتهم قلت سعودي تعال قال من انتي قلت انا اميره قال يوووم صرتي حرمه واستحيييييييييت جاء وعطاني ورده :26: << هذي الشبكه
ومسك يدي وقعدنا نمشي ونمشي ونمشي لين تعبت من هالكعب قلت وين نروح قال سرقت مفتاح بيتنا الجديد من ابوي ( بيتهم الجديد وراء حارتنا ) وصلنا الباب وقعدنا نص ساعه نحاول نفتح لييييييين قدرنا ودخلنا البيت
قال وش رايك نلعب سيكل << امحق ليله
ركب واركب وراه ويسوق بي ويفحط بي ليييييين دخنا
قلت ابي انوم قال حتى انا ودخلنا جوا ندور سرير مالقينا
مفرش ماااااااافيه
زوليه مااااااافيه
وافرش عباتي ونرقد عليها لييييييييييين الظهر
واهلنا يدورونا ولا لقونا احسسسسسسسسسن يستاهلون ماحد قال لهم يمنعون زواجنا خخخخخ
ويطلعون يدورون في الشارع واكتشفوا اني انا وسعودي مختفين شكو في الموضوع ومابقى احد ماسالوه ولا احد شافنا ويروحون يبلغون الشرطه وسعد يابعد سبدي ابوه ماجاب خبره قاعد يدور مفتاح فلته ولا لقاه خخخخخ
عاد انا وسعد قمنا ميتيييييييين من الجوع وندور اكل في المطبخ مالقينا قال خلاص بروح اشتري غداء قلت بروح معك قال لا امي ماتروح مع ابوي للبقاله اقعدي هنا احتريني <<< ياحوبي له رجال
وراح للبقاله وشراء تسالي كاتشب وكتكات وبيبسي << وش هالغداء
وتغدينا وقعدنا نلعب وسمعنا صوت الباب ومتنا من الخوف وقعدت اصيح حراااااااااااااامي
مادرينا الا وابووووووووووووووووووووه داخل علينا ( لقى السبير )
وانبسطنا ابوه ولا حرامي وابوه انصدم
خاف زوجي قال ترانا تزوجنا << امحق عذر
ويسحبنا ابوه حنا وعفشنا ويذبني عند اهلي وجلدوني اهلي وعلقوني على المروحه وشغلوها على واحد ( الظاهر ان 1 اقوى شي ) وانا اصيح ابي اصير حرمه رجعوني لبيتي
وصارو يقفلون علي اهلي
والحين يقولون لو ندري انك بتعنسين زوجناك وانتي صغيره خخخخخخ ضيعو مستقبلي حسبي الله على بليسهم
ودي اكلمه الحين اقوله تعال اخطبني اهلي موافقين تهقون يوافق ؟؟

أميرة صج هالقصة ولا من نسج الخيال..

بس أنتي تحفة..مت من الضحك....

ههههههههههههههههههههههههههههههههههههههههههههههههه


من جدكـ انتي الحين انحشتي معه <<<< تراني صدقتـــ



لاهنتـــــــــي

اميره صدق والا تستهبلين؟؟؟؟؟؟؟
امانه قولي الصدق تراي صدقت!!!!!!!!!
اما اذا هي صدق خخخخخخخخخخخخخخخخخ من جد جرأه

ههههههههههههه روعه بس صز ولا من خيالك