السلام عليكم ورحمة الله وبركاتة..
انا قررت انزل هذا الموضووع لاهميتة.. والله على ماقول شهيد..
بنات انتم اكيييد سمعتو قصة محل ام راكان اللي بمارينا مول.. اللي قبال الكشك
وصلنتنا بالايميلات القصة وقريناها بمنتدى عالم حواء؟؟!! نشروها نشر غير طبيعي بكل مكان ويترجونا ننشر السالفه
بكل مكان.. واحنا مع الخيل ياشقراء..
طبعا انا وصديقتي من ضمن اللي دخلوو محل ام راكان.. وكانت امراءة منتهى الذوق ومحتشمة
واكيد فاتحة هالمحل باب رزق لها.. وانا اول ماقريت القصة مت خووف لاني كشفت وجهي.. قلت يوة عسى ماصورتنا انا وصديقتي.. وراسلت الايميل لصديقتي.. وخافت..
وقالت لقريبتها..السالفه عشان تحذرها منهاا ولاتروح لمحلهاا..
علما اني انا وصديقتي مو من اهل الشرقيه.. بس كان عندنا دورة لمدة 3شهوور..وكنا ساكنين جنب المارينا
المهم وهنا بدت الامور تتضح والمستور يبان.. والمخ بدى يشتغل
راحت قريبة صديقتي.. لمحلها عشان تتحق من الموضوع لانها من مرتادين هالمكان
وتجي الصــــــــدمة... الحرمة بلحمها وشحمها موجودة بمحلها وتبيع!!
واللي مو مصدق يروووووح ويشووووف الحرمة موجودة ام راكان نفسهاا..
طيب بعقلنا البسيط المفروض نفكر.. وليه هي موجودة وعلى كلام اللي نشرو الموضوع انها تصور البنات!!؟؟
وهي نفسها مو احد غيرها؟؟!!
لهدرجة الامور عندنا سبهلله!! ومتروك الحابل على الغارب..
ماعندنا شرطة تشمع المحل ماعندنا هيئة الامر بالمعروف والنهي عن المنكر ماعندنا حكومة تاخذ حق المظلووم!!
وجهات مختصه!!؟؟
اكييد عندنا بلادنا الحمدلله بلد امان.. وفيه الخير.. ومايسكتوون عن مثل هالامور لو وقعت
ولكن الحقيـــــــــقه هي ان هالحرمة مظلووووومة... والكلام اللي نشروه البنات اللي هم الطرف الثاني بالمشكله
كذب وزور.. وعلى فكرة ياخوااااات الطرف الثاني من المشكلة هم بنات شيعيااات... (عاد مدري عن سبب كذبهم هو مذهبهم.. والا كرة وحقد على الاخت.. لان هم معروف عندهم ايذاء السني واجب ويؤجر اللي يأذية)
وحتى لو كانو سنياااات العمل اللي عملووة عمل شنيع وتشهير..ولاينسكت عليه ابد ابد
نجي هنا لكتابتهم..
وانا نسخت من كتابتهم ..وبحط الرابط اخر الموضوع ..
تقول(
( انا انصدمت قلت ليه قال هي متهمتكم انكم كسرتوا محلها وضربتوهاوقذفتوها
بكلام يخش الحياء .........انا قلت لأخوي كذابه قال انتي مسكينه يختي هاذي مدير المجمع والحارسات الحريم شهدوامعها انا انهرت صراحه وحضت زوجي وقلت له وديني البيت سكتي وقالي امشي شوي وبنرجعك البيت)
يالله والله شي عجييب..كلهم شاهدين معها!!؟؟ وكذابين وهي مشتكية؟؟
حشا حتى بقصة سالي ماصار كذاا
وهنا تقول
(دخلنا هذيك الدخله الي لا تسر لا عدو ولا حبيب على الضابط ولقيت ابوي ازواج خواتي داخل ينتظرونا
وانا مستحيه من ابوي واحس بالذنب مع اني مالي اى ذنب ولا اختي المهم سمعنا سيل من الاتهامات علينا )
الذنب؟؟
ماهقيت تحسين فيه عقب هالتشهير بالحرمة عشان مية
وهنا تقول
(وبعد ما حولوا اوراقنا لهيئة التحقيق بعد يومين رحنا الصباح وماحصلنا محقق كانوا مشغولين
واليوم الثاني رحنا الا جانا هذاك المحقق الاقشر الي ما يتفاهم وحسيت انه واقف معها ضدنا زي الي قبله
من مدير المجمع الى الشرطه ...............لكن يوم دخل عليه ابوي وسلم عليه تغير كلامه وشاف اسلوبنا )
المحقق الاقشر؟؟!!
واقف معها ضدنا؟؟ بعد حتى المحقق لاانتم قصة فووق الخيال كل الناس ضدكم؟؟
وهنا تقول
(واصواتنا الخافته وقلةحيلتنا كبنات وان احنا متنازلين عن التعويض ودية الضرب المهم نبي الموضوع يتسكر ونبي الستر
عكسها هي مصره على المحاكم والفضايح لانها ماهي بنت عرب ماادري وش اصلها)
اصواتكم خافتة ومتنازيلين عن التعويض ودية الضرب وتبون الموضوع يتسكر؟؟
شلوون وانتم ماخليتو موقع ولاايميل الا نشرتو فيه هالقصة؟؟ والابس تبونة يتسكر
بقسم الشرطة؟؟ لانكم انتو الغلطانين والادله كلها ضدكم؟؟ حاكونا باللي يصدقة العقل..
وهنا تقول ان هذا موضوع مقتبستة من بنت شافت قصتهم؟؟وباين التاليف الشديد جدا والله انه مايدخل العقل حتى لو ندخله بالغصب
(ودخلوا بنتين يبغون يرجعون شغله اشتروها من ربع ساعه اعتقد انها كريم تسمير بشره
يا بنات والله ان هالبياعه الي اسمها ام راكان غلطت عليهم وهزأتهم هالمساكين وخرجوا
بعدين طلعت ورا هالبنتين وسمعتهم يقولون ان هالحرمه عندها كاميرا تصور الحريم داخل
فأنا وش سويت دخلت وسوت نفسي اتفرج وفعلا شفت الكاميرا وطبعا بعض البنات اذا دخلوا
عندها يكشفون وجوههم وبعضهم يجربون ملابس عندها بغرفه خاصه واكيد فيها كاميرا)
معقوله طيب ليه محلها مفتووح الى الان والله لو هي بنت مين.. وكشفو عندها هاللي تقولون امداهم شمعو محلها وسكروة وسجنوها بعد..!!؟؟ سبحان الله عجبي من هالتاليف.. ولاحظو تقول انها شافت الكاميرا؟؟!!
وهنا تقول
(تحذيرررررررررررررر لكم يا بنات العوايل .
لا عاد تشتروا من هالمحل المشبوه الي فيه كاميرات سريه تكشف عورات بنات المسلمن)
سرية؟؟ وانتي توك تقولين شفتيها؟؟ وش هالتناقضات ؟؟
.وهنا تقول..
(انا مصدومه اول مره اشوف صاحبة محل متوحشه لهذه الدرجه وماعندها لا ذوق ولا اخلاق وربي انها شلعت شعر البنت بيدها وخربشتها واهانتها كثيررررررررر على كم قرش مااعرف كم بس والله والله الدنيا ما تسوى .
انا من قهري كتبت الموضوع واتمنى كلكم يا بنات تقاطعون هالمحل الفاشل مدر وهالمجرمه
ام راكان.
((اتمنى نشر هالرساله بكل المنتديات وعسى الي تنشرها الله يحرم وجهها على النار ))
تحياتي)
من قهرها نزلت الموضوع؟؟ وتقاطعون؟ المحل ومجرمة؟؟ نفس الفاظ كاتبة القصة الاساسية؟؟ سبحان الله؟؟
وتتمنى نشر هالرساله؟ بكل المنتديات وتدعي للي ينشر ان الله يحر وجة عن النار خخخخخ
لاحول ولاقوة الا بالله.. وش هالكذب والله شي مايصدقة العقل
والله لونا بشيكاغو مو بلاد الحرمين
واكييد تبي تنشر وتشوه سمعت صاحبة المحل انتقام منها لانها سحبتهم للشرطة
ومحكوم عليهم 80 جلدة
ويستحقوون اكثر من كذاا
وهنا تقول
(..........المهم جا ابوي وطمنا قال هالحرمه هاذي الله كشفها لان الشرطه يوم راحت تبي تثبت التكسير في محلها فتشوا ولقوا عندها اشرطه مصوره البنات الي يشترون منها بأوضاع غير شرعيه
يعني الي كاشفه والي تجرب روج والي تحط ملابس داخليه على جسمها وتقايس من برا برا يعني .
وافلام اباحيه كمان ......................والحمد لله انقلب السحر على الساحر والله سبحانه نجانا من كيدها)
لالالا صااااااادقين مررررة انقلب السحر على الساحر؟؟ شلوون ومحلها مفتوح وهي بشحمها ولحمها.تبيع.؟؟
وكشفو عندها كل هذا وعاااادي بالله ويييييين حنا..؟؟ وين عايشييييييين؟؟ اتقو ناراا وقودها الناس والحجارة
كفاااااااااايه قذف بالملسمات وخافو ربكم كل هالدعارة بمحلها ومفتووح اتقن الله اتقن الله اتقن الله
...............
نجي هنا لكلام ام راكان...
طبعا قلتلكم اللي راحت لها.. تفجأت بوجودها وقالت لو كان صحيح هالكلام اقلها بقفلون محلها
وسالتها عن السالفه.. وقال صحيح صارت هوشة من بنات تطاولي علي وسبوني وشتموني وقذفوني قدام الناس
والموجودين شاهدين عليهم..
وقالت كل يووم يجي ابوهم يبغاني اتنازل ودايم القى اهلهم صافين عند محلي يبوني اتنازل.. وانا مابي تعويض
وفعلا هم كاتبين كذا بقصتهم انها تبي تسجنهم وتقاضيهم وابوهم حاول فيها تتنازل ويدفع لها اللي تبي؟؟هم بانفسهم..كاتبينه؟؟شلوون؟؟ يدفع لها وهم مظلومين؟؟
ولوكانت انسانة مادية كان وافقت
لكن تبي حقها الشرعي.. وتاهامهم لها باخلاقهاا
وتقول ام راكان.. انها يوم من الايام جت محلها ولقت شي مكبوب قبال الباب وفيه زي الرغوة وخافت.. وكلمة الهيئة..وجو
وقالو هذا سحر الحمدلله اللي مادستي علييه..وتقول الان زوجها يلح عليها انها تقفل المحل لانة يقرى اللي مكتوب عن زوجتة بالنت.. ويسمع السوالف اللي عليهم والمشاكل.. وهي رافضة تقفله لانها تخسرت عليه وتبي تكمل.. مشروعها
يابنات.. والله كتبت هذا الموضووع وانا ليس لي علاقة مع ام راكان غير اني شفتها مرة لمة دخلت لها بمحلها..واشتريت منها اسوارة واضائات وانا اصلا ماني من اهل الشرقيه بس رحنا للشرقيه 3 شهور دورة عند ازواجنا..
وكل اللي يعرفوني هنا بالمنتدى يعرفون هالشي اني ماني من ذيك الديرة واني من الرياض
وشكلة حرمة طيوبة محتشمة بلبسهاا.. واحسبها كذا والله حسيبها ومو بس انا.. انا وصديقتي وقريبتهاا كلنا نفس الشي
وسبحان الله شي دفعني انزل هالموضووع يمكن ربي يبي ينصرها ويبين الحقيقه للناس.. ويمكن دعوة من دعواتهاا
بس احنا دايم نقرأ المواضيع بدوون تركيز وانا كنت من اللي تفاعلو لمة قريت الموضوع بس حتى لمة قريتة مادخلت السالفه راسي.. وحسيت فيها اشياء غامضة ومكذووبة لانهم مايحاكونا بالمنطق وباللي يقبله العقل
وصديقتي الله يجزاها خير تاكدتلي من السالفه وصديقتي حرمة خيرة..الله يجزاها خير..وقالت لي هالحرمة مظلومة.. وتحمست انزل الموضووع.. والله يابنات والله علي شهيد.. لاتربطنا بالحرمة هذي صلة قرابة او صداقة او أي شي ثاني
لكن نصرة لاختنا المسلمة
اتمنى نشر هالموضووووع .. لانه تم التشهير بالحرمة بدون وجة حق..
واحنا مانرضى الظلم وربي مايرضاه..
(ومن فرج كربة على مسلم فرج الله عليه كربة من كرب يوم القيامة)
انشروة بايملاتكم زي مانشرو عنها وحطوة وانقلوة بكل منتدى..
ولاحول ولاقوة الا بالله
قذف وتشيهر وقطع ارزااااق باويلهم من عذاب ربي يمهل ولايهمل..
وهذي روابط مواضيعها اللي منزله بعالم حواء وبكل مكان سوو بحث بقوقل وشوفو المنتيات
الله المستعان
http://forum.hawaaworld.com/showthread.php?t=2263355
**بنت التميمي** @bnt_altmymy_3
محررة ذهبية
يلزم عليك تسجيل الدخول أولًا لكتابة تعليق.
نواعم8
•
لاحول ولاقوة الابالله
الله يعطيك العافيه وينصرك كما نصرتي اختك المسلمه والمفروض من ادارة المنتدى اي موضوع فيه تشهير تحذفـــــــــــــه اول ماينزل.....
الصفحة الأخيرة