اولا السلام عليكم اخواتي العزيزات عضوات عالم حواء بصراحه احس يدي ترتجف وانا اكتب مو عارفه السبب يمكن رهبه الموقف او انا مبالغه المهم راح ادخل بالموضوع على طول لاني ماحب المقدمات ورجاء يااخوات اللي عندها رد يجرح تحتفظ به لنفسها ولا تنساني من دعواتها
الموقف الاول :كنت معزومه في زواج قريب لي وتعرفون زحمة العطله والحجوزات رحت ادور مشغل احجز عنده ماحصلت كلها فل والزواج نهايه الاسبوع اتصلت استنجد باختي فدلتني على مشغل ومدحته وقالت انهم بدون حجز وتسريحاتهم خيال وجديدة قلت يالله اجربهم تخيلوا رحت من بعد صلاة الظهر ولقيت صاحبه المشغل رحبت فيني وعطتني رقم كان قبلي وحدة شعرها بوي يابنات يعني ملتقدر ترفعه الله يهدينا وياها لمل دخلت طولت يعني تقريبا جلست ساعه دخلت اشوفها ليه تاخرت لاني بعدها ومستعجله شفتها مسويه تسريحه روعه وكبيرة حيل استغربت من وين طلع هالشعر سالتها ماتت ضحك وتركتني وراحت ماردت اصلا وش ترد تقول دخلت انا بعدها سالتني الكوافيرة تبين وصله والا بدون والله يابنات ذهلت وطارت عيوني قلت الوصل حرام وجلست اقول الحديث لعن الله الواصله والمستوصله قالت ايه عارفين الحكم بس صاحبه المشغل تجبرنا يانسويه ياتطردنا وجلست تشكي لي من حالتها الماديه وانها محتاجه وماادري ايش قلت لها بس الواصله مطرودة من رحمه الله وش لك بفلوس الحرام وهي سعوديه وحسيتها طيبه وتتقبل النصيحه قالت لي اني اجلس ابكي بعد مااسوي الوصل احس بقلبي ينقبض قلت لها بروح انصح صاحبه المشغل طلعت ادور عليها ماحصلتها قالوا طلعت كنت ابغى انصحها مع اني متاكدة انها عارفه الحكم لا ولما رجعت قال لي الكوافيره انها تنمص الحواجب وتقنع الزبونات بهالشي يارب انك تهديها معقوله صار التهاون بامور الدين لهالدرجه ارجوكم يابنات ادعوا لها بالهدايه ولما خلصت التسريحه جت بعدي معلمه وجايبه وصل لها ولبناتها اعمارهم عشر وثمان جلست تسولفوتحكي في مدرستها وعرفت انها مربية اجيال يارب عفوك علينا وعليهم
الموقف الثاني :حضرت زواج وياليتني ماحضرت بس اضطريت اروح مع امي لانها كبيرة في السن الله يطول بعمرها وام العريس ملزمه عليها تحضر بصراحه كنت مذهوله من المناظر مافيه فستان تحت الركبه كلها فوقها الله يهديهم والعروس معلمه وجايات صديقاتها مربيات الاجيال والله وحده مطلعه بداية موخرتها ونصف صدرها والاخرى نمص وفستان حد الكلوت والباقيات حدث ولا حرج اسال الله لهن الهدايه تقريبا انا وكم وحدة ننعد على الاصابع اللي لابسين طويل وكاننا جايين من كوكب ثاني نظرات غريبه ماقدرت اجلس اقنعت امي انا مانطول اهم شي سلمنا يالله معقوله انتزع الحيا لهالدرجه يارب انك تستر على ذريتي ومن قال امين يارب انك تهديهن وتفتح على قلوبهن فعلا القابض على دينه كالقابض على الجمر
هاللي كتبته مجرد فضفضة الرجاء من اخواتي الفاضلات عدم التجريح لاتجي وحدة وتقول ماعليك منهن هن حرات لا والله علي منهن هاذولا اخواتي في الاسلام وحقهن علي الدعاء لهن تقبلوا موضوعي بصدر رحب وامسيتن على خير
ليالي حزينة @lyaly_hzyn
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
جد جد ودري اسال كل ام ليه عادي عندك تخلين بنت تلبس هاللبس وليه تخلينها تنمص
المشكله يدرون انه حراااااااااااااام