بنات ابدعي لكم الي تحل مشكلتي (حياتي باختصار)

السلام عليكم ورحمة الله وبركاته


بنات ابقولكم حياتي باختصار وأتمنى منكم تساعدوني ماتدرين يمكن رد منك يغير حياتي والله تايهه مالي غيركم بعد الله


انا انسانه أصغر وحده من خواتي متزوجات ومنشغلين عنا وأختي ثنتين ماتزوجوا بس كلن همه نفسه


طبعا انا مو متزوجة
من يوم جت الإجازة ما اعرف إلا سريري والله يكرمكم دوره مياه
ونوم


أحس مالي قيمه بالحياة ماغير على الجوال

مهمله نفسي كثير أكون معكم صريحه ماحس اني بنت ريحتي عرق
معنى اتروش قبل ماروح الدوام لكن يطلع لي عرق ريحتي سببت لي نفور من الناس
عند كذا معلمه يوم كنت صغيرة تنصحني وتقول تطلع منك ريحه
كنت ماعندي أحد ينصحني


من الفراغ جاني وسواس بالوضوء اقعد ساعه بالحمام أتوضئ وأعيد وعالحاله

انعزلت عن الناس من فتره

ابغى اهتم بنفسي وبشكلي وجسمي حاطه بأيام الدوامات هدف اني اتغير بالاجازه لكن جت الإجازة وتغير كل شيء لو تشوفون شكلي مرهقه وفيني فقر الدم حاد تشوفون وجهي اصفر


لي فتره جاني الوسواس 


اشيل هم أستغفر الله الصلوات من الوسواس يقضي اليوم واشيل هم بكره حق صلاه الظهر وأحس شيء مو مرتاحه في شيء بقلبي احتري واشيل هم الصلوات


وأختي حست إن فيني وسواس فمره طولت الله يكرمكم بالحمام بسبب الوضوء أعيده قالت وهي تهاوش وتصرخ روحي تعالجي يأمريضه وحتى بعده بكم يوم قمت من النوم توضيت بعد وصليت ورحت افتح النت ولقيت السلك مأخوذ وادوره رحت لمها قلت طلعي السلك وطلع معها وماصدقت فرصه الا وتهاوش شوفي فلانه كيف تطبخ  وكيف تنظف مب مثلك على السرير جالسه ولا روحي تعالجي انا ماهمتني ولا كلأمها لأنها ماخلت أحد بحاله


انا ودي ارتاح بالصلاه مو ارتاح منها وماأسرع فيها علشان (مايصير الحدث) لأن فيني غازات بالبطن وامسك نفسي لين أقضي 
وارتاح مب اشيل هم وكذلك فيني إفرازات لازم قبل كل صلاه الله يكرمكم ادخل الحمام


 انا صراحه يالله شرحت لكم مدري وش اقول ومدري وش اخلي
بقلبي كلام كثير مالي غيركم بعد الله اقولكم



انا مو جالسه احتري الدوامات علشان تجي وتشغلني ودي من الحين أشغل نفسي لأن ماجاب لي الهم إلا الفراغ


بالنسبه للماده
انا فاتحه مشروع بسيط يجيب لي عيشه يومي
وابدأ أكون مثل البنات اشتري واروح واجي


وشخصيتي ودي اغيرها ابذكرلكم لكم عشان تكونوا بالواجهه (انا انسانه اخجل اذا قابلت احد واتلعثم مدري واندم وماعرف أتعامل من الناس واواجهم صديقاتي محدودات ودي أكون اجتماعيه ويكون لي صديقات لكني مشكلتي كيف اصادق وادخل معاهم انا اشوف بنات ماشاء الله تسلم على هذي
وهذي تمشي معاها وصدقاتها مو محدوده انا عند كذا صديقه فيه بنات انقلوا فما بقالي إلا هالثلاث
ودي اغير شخصيتي أحس ماعرف اتحاور واتداخل معاهم بالسوالف
ولما اصادق مدري كيف أدخل معها واسولف




ابغى أكون بنت بمعنى الكلمه اشتري مستحظرات تنظيف ومكياج وملابس للأسف خواتي مثل ما قلت منشغلين وكل واحد بهمه 
الحين ابغير نفسي واتنظف لأجل نفسي لأجل الناس يتقبلوني مو ينفرون من ريحتي ابي اهتم بشخصيتي كيف أواجه الناس 
تعرفون كلمه العزله من جت الإجازة انعزلت صار لاجانا أحد ما اطلع
له


لاتقولون تبالغين لو تشوفين حالي تنصدمين 




عندي إصرار وعزيمة من جوى اني اتغير وأكون غير 
لكن ابي أحد ينصحني كيف يروح مني الوسواس كيف اقوي شخصيتي كيف اواجه الناس وودي بعد اترك الخجل لاني استحي
كثير الي يكلمني غريب يالله ارد اتلعثم
انا  اسمع واقرى واشوف لكن مااطبق
انا الحمدالله مايهمني كلام الناس دامني ابتغير وابكون بإذن الله انسانه ثانيه


انا ابطبق كل كلمه تقولونها بإذن الله ماتدرين يمكن رد منك يغيرني ابغى كلامكم يغيرني ويحمسني
ابدعيلكم كلكم كل من يساعدني اعتبروني اختكم وابتقبل كلامكم




أما البنات النفسيات( مايلفظ من قول إلا لديه رقيب عتيد )