كيف الحال جميعا ؟
طبعا هذا الموضوع لطالبات الجامعه
واللي درسوا فيها
انا الحين ثالث ثانوي الحمدلله
يعني ان شاء الله بتخرج هذي السنه
وبعدها بدخل الجامعه
بس اكيد بعد ما امر بعدة عقبات
اولها الاختبارات النهائية
وبعدين القدرات
واخيرا التحصيلي
غير الدورات اللي لازم اخذها علشان الانجلش
عموما مو هذا الموضوع اللي بغيت اتكلم فيه
اللي بغيت اتكلم فيه
هو عن بنات الجامعه
ودي اسال
كيف الجامعه يابنات ؟
صعبه والا سهله؟
صراحة
ايش اسهل هي والا الثانويه
بالذات اللي لحقوا على الاختبارات الدورية في الثانوي
لاننا متعذبين معها تعذيب الحين
وكيف اول يوم في الجامعه ؟
والسنه التحضيريه كيف ؟
وكيف المناهج ؟
وكيف الدكتورات في الجامعه ؟
حكونا تجاربكم
لاني والله خايفه بجد
ابغى اخذ نظره على الجامعه قبل ما ادخلها واجربها
وبالنسبه لاختبار القدرات
كيف
سهل والا صعب زي البعض يقوول
وهل هو مستحيل اني اعديه
والا اي احد يقدر يعديه هو والتحصيلي
لاني بجد خايفه واحس اني مشتته
الله يخليكم جاوبوا
ولكم دعوه في ظهر الغيب
باذن الله
والله يوفق ويسعد ويهني كل وحده ترد
آآآآآآآآآآآآآمين يارب