حبيبتي هاويه حنان
المشكله بنتي اهي بكري ولاعندي غيرها^^ توها صغنونه
وبالنسبه لغرفه الالعاب تخافين تحبسينها تخافين تطيح على الارض
او تصقع في الجدار يعني اشياء كثيره انا في غنى عنها ^^
مشكوره واكيد افديتني يكفي طلتك الحلوه

والله قلبتي المواجع علي يا أختي ...

أنا زوجي أبو العزااااااااايمممم .. و أنا في غربة و وحيدة لا أهل و لا حبايب ,, و جيراني مب فاضيين .. و كل يوم و جايب لي شباب و عزايم ..

سواء كنت حامل أو والدة أو أربي ... في كل الظروف...

ألحين عندي بنتي 3 سنوات عمرها و ولدي 10 شهور و هذاني أحوس حواسة معاهم حزة العزايم لدرجة إني أبكيييي و اصيييييح و أنا أجهزز الأطباق والأنواع المختلفة و المشكلة ... و بنتي ما شاء الله عليها تحوووس في السفرة و في الأغراض .. و ولدي كلله يبيني أشيله و إذا تحركت عنه يبكييييييييي بكاء مو طبيعي يفزع القلب و يخليني متوترة متوترة متوترة ...


على شنو عاد ؟؟؟


على أكل ؟؟؟


يبة هكو مطاعم الدنيا موجودة ..

فإتخذت هذا القرار ,,, و هو إن المقبلات و الأكلات الجانبية كللها من برة ,, و آنة بس أسوي الطبق الرئيسي العيش والإيدام إذا كان غداء..


لأني وصلت مرحلة أظلم فيها عيالي بصراحة ... يقطعون قلبي لما أكون متوترة و عندي عزيمة ..

بنتي الكبيرة ألحين قمت ألهيها بسبيس تون و الديفيدي لأني معودتها إنها ما تشوف تلفزيون في أي وقت إلا بإذني .. فلما أشغل لها حزة التجهيز للعزيمة تحسه شي مهم و تقعد تجابل التلفزيون بإهتمام ..

أما أخوها هذا الي معذبني أحطه في المشاية و أخليه يحوس في المطبخ معاي عقب ما أخلص الطباخ و يقعد معاي في التجهيزات بحيث ما يكون فيه نيران أو شي خطير ...

بس إذا كانت العزيمة كبيرة كبيرة جدا .. فأجهز لها بصراحة الفجر عقب صلاة الصبح و يكونوا اليهال نايمين و غرقانين في النومة .. يعني أجهز الصحون و الملاعق و كل شي في هالوقت .. و أنقع العيش و وووو و يبقى بس الطباخ اطبخه حزة الغداء العادية و المقبلات و هالسوالف يجيبها زوجي حزة الغداء يساعدني هو في تجهيزها قبل لا يجون الضيوف...


و بعد الغداء بصراحة ما عندي شغالة و ما اقدر على المطبخ العفسة و الوسخ ..فأجيب شغالة بالساعات تغسل لي المواعين و أنام بعدها..


بصراحة إذا هو يبي يعزم .. خله يتحمل شوية .

أنا شابة و أحس روحي عجزت من هالعزايم .. كنت أسويها من الصفر .. من البداية إلى النهاية من المقبلات و انتهاءً بالحلويات كلله بروحي ..

والله الوحدة ما يسوى عليها تهدم صحتها و عافيتها و توتر روحها و عيالها على بلعة رجال!!

و حتى شكرا ما يقولون !



و إن شاء الله أكون أفدتج من تجربتي البسيططة ..


تحياتي...

هلا ام كوثوره
ياحبيلك والله فكره حلوه انهم يجيبون من بره بس مو كل الرجال يقتنعون
صادقه اانا اذكر مره حامل ووحم واللي اني اجلس في السيب عشان ارتاح شوي مصفره كان احد صافقني كف على وجههي

مشكوره والله يالغلى شرفتي

الله يعين عليهم انتو في العزايم مشكلتكم.انا مصيبتي كل يوم والله حتى الغدا مااسويها الا طالعه روحي من صياح بنتي الله يحفظها جننتني.حتى صرت انسى شنو حطيت بالاكل.وكل شي يتاجل لما تنام.الله يحفظهم لنا .

انا نادر ما اسوي عزايم لان رجال عيلتنا كسلانين يقولو لحريمهم بيتها بعيد ( المسافه 10 دقايق فقط و اقل اذا مافي زحمه )

بس بنتي عمرها سنه و شهرين تتعبني وقت الغدا

مره كنت تو حاطه الملوخيه عالسفره و بنتي عالكنبه و طااااااخ طاحت البنت مافي بينها و بين املوخيه كم سنتيمتر

انا طاح قلبي و قمت ارجف

من وقتها قبل ما احط الغدا احطها بالكرسي و اربطها بحزام المان

و اللحين تعودت اول ما تشوف السفره تجلس عالكرسي

و كمان لما امسح السيراميك علشان ما تتزحلق احطها بسريرها

بس للفائده