صراحه موضوع مهم ودائم اعاني منه خاصه اذا مافيه احد يساعدك انا اشغل التلفزيون بالصاله واجلسهم عنده بس كل شوي جايين واحيانااخليهن يحوسن عندي واعطي الصغيره شي يلهيها والسفره احط المفتاح بالباب من برى وكل ماحطيت شي سكرت الباب والله يعين

يااااا قلبي الله يعينك ..

مالك الا انك ترتبين وقتك معها .. يعنى بمجرد ما تنام في يوم العزيمه .. ترتبين السفره من ملاعق ومناديل وكاسات وتسكرين باب غرفه التقليط..

او خذي لك من السراير اللى على شكل شنطه .. اذا تفتحتيها تصير زي السرير عادي بس قماش تل يعنى تشوفك وتشوفينها وحطيه فيها وعبيه العابها وبكذا ما تقدر تتطلع وتلعب ..

لكن حرام تخلونهم بغرفه مسكر عليهم والله صعبـــــه :(

وموفقه يااااااااااااارب

تسلمون وربي نورتوني ومقترحاتكم الحلوه اخذت فيها

ياطويلة العمر انا اقوووووول اجمعي لها كل العابها اللي عندك وقطعيلها برتقال مع تفاح مع حبة خياره وحطيها في الصاله او مكان امن وصدقيني راح تنشغل عنك باالاكل وبااللعب

هلا وغلا بكل الحوائيات العسل ,,,,:27:

... شوفي حبيبتي ,,, عندي لك نصائح اتبعها وان شاءالله كل شي بيكون حلو ومرتب بأذن الله وعزيمتك تكون تبيض الوجه ... :

أولا __ بصراحه اتفقت أنا وزوجي اذا كان ناوي يسوي عزيمه تستاهل يخبرني قبل يومين من العزيمه عالأقل ... وماشين عالأتفاق والحمدالله .... خصوصا يعني من أسلوب عزايمنا تكون نظام البوفيهات ... يعني كل طبخه وحلى جديد وقديم واختراعات الطبخ والتقديم موجوده :angry:... فعلشان كذا أسوي جرد للثلاجه والمخزن :mad:....وأجهز المقادير وحوستها وأشوف الناقص من الخضار والفواكه وكل شي محتاجه له .

ثانيا __ اكتب منيو بالطبخات اللي بسويها مثل :

(( الطبق الرئيسي + السلطات + حلى القهوه + حلى السفره + وصوني المقبالت والمشاوي ...................... الخ ...... )) ,,,,,,,,,, بكذا ترتاحين وتعلقي الورقه على باب الثلاجه ...........

ثالثا ___ في حاجات تنعمل قبل بيوم مثلا : اذا نام طفلك .... سوي (( صواني حلى القهوه + السفره .... واللي يوضع بالثلاجه أوالسفره غلفيها وخليها جاهزه للتقديم مع وضع الزينه )) .... وراح ترتاحي ...

رابعا __ بعض الطبخات حلوه تنعمل قبل بيوم

مثل **ورق العنب** بصراحه طعمه أحلى اذا صلحتيه وخلتيه يبرد ... وبعدين حطيتيه بالثلاجه لثاني يوم بس دفيه وقدميه روووووووووعه ..........
^^ والمحاشي (( الكوسه + البطاطس + قوارب الكوسه + ............ الخ )) .... صفيها وخليها بالثلاجه... وأول ماتبدأين الشغل سوي الخلطه حقتها وحطيها تطبخ الين تستوي ,,, وقدميها دافيه ....

خامسا _ جهزي أدوات التقديم والسفره من الليل قبل ,,, مع عدة القهوه وصواني التقديم نظيفه ... علشان بس ترتبي الأكل وتقدميه ... ماتتعبين بالبحث ... واهتمي بنظافة المجالس ودورات المياه والمغاسل والمناشف وكل شي قبل بيوم .... صدقيني اذا جهزتي وسويتي جدول لشغلك راح ترتاحين كثير :time:... وعن تجربه شخصيه ،،،، :)

سادسا __ جهزي العصيرات + والمشروبات بالثلاجه قبل بيوم بعد ... الا اذا كانت طازجه يفضل بنفس اليوم ,,,,

سابعا __ بالنسبه لطفلك حاولي وقت شغلك انك تلاعبيه وأهو بالدراجه أو الحباسه وتعطينه شيبس أو حلويات خفيفه وبعد تضعي ألعابه اللي يحبها عنده ولاتنسين وجباته وترى أهو أهم من غيره ومحتاجلك أكثر ,,,,

................ أهم شي النظام والسرعه في الشغل وحاولي تكون يدك خفيفه بالشغل .... وأنا نفس معاناتكن قبل ماتجيني شغاله ... والحمد الله أمشي على النظام اللي فوق وكل شغلي تمام ... وأهم شي انك تطبخين مبكر يعني عالمغرب كل الأكل جاهز ماعدا الطبق الرئيسي طبعا حلاته جاهز قبل التقديم بشوي خصوصا (( الكبسه )) الله لايحرمنا منها يارب ,,,,^^حبيبة الشعب الخليجي ^^

*** والله يساعدالجميع ,,,, وآسفه عالأطاله ... بس حبيت اللي حاب يجرب طريقتي راح تنجح بأذن الله ** وراح تحصلين بوسه وكلمه حلوه من أبو:arb:الشباب ... بعد العزيمه وانك بيضتي وجهه قدام معازيمه ....:icon28:

:39:... وماأبغى الا دعوه حلوة وصادقه من القلب .......

$$$$$$$$$$$$$$$$$$$$$$$$$$$$$$$$$$$$$$$$

تحيتي **** أم الوافي ****