طلب مساااعده

نسيت اقولكم وش رايكم بالفيليه يواجه اولا
لاني ناويه اسوي طريقة رز بالخلطه اللي بنخبة الاطباق لذيذه مرة بس متوقفه على نوع السمك
بنات من قد جربت منكم طريقه لعمل السمك مضاف له اناناس دايم اقرا بكتب وبقناة فتافيت بس ماحسيت انه يطلع زين انتم وش رايكم

اللي اعرفه ان في اطباق يفضل لها الكنعد واخرى الهامور

للاسف انا ما اكل السمج الكبار فما اقدر افيدج بالنسبة للطعم

وبالنسبة للربيان اللي اهو الجمبري نفس الشي ما اعرف عنه شي لاني ما اكله

هذا مطبق زبيدي

http://forum.hawaaworld.com/showthread.php?t=890037

هذي طريقة المطبق الزبيدي الكويتي الأصلي ..

هذي الطريقه بالضبط خذيتها من الوالده وطبقتها معاها بحذافيرها ..

وصورت لكم بعض اللقطات ..

نوع السمج : زبيدي

العدد : 3

نبدأ بسم الله ..

1- نغسل السمج من كل الشوائب .

2- نعصر عليه ليمون و نرش عليه ملح

3 - حشوة السمج :

( 2 بصل كبير ، 2 ثوم ، كزبرة ، بقدونس ، شبنت ، بهارات السمج ( مشكله ) ) طبعا نقصصهم صغار صغار وندق الثوم ونحط نص الكميه حشوة داخل السمج ومن برى ونصها نخشه لبعدين الحشو فوق العيش ..





- الحين بنسوي الحشو للعيش ندق شوية ثوم + بصلة وحده + شبنت وكزبره كميه قليله قد الكف

5- نخيط السمج من صوب اللي حشيناه حتى ان قليناه ما تطلع الحشوة طبعا انا مسافره ماحصلت بالمطبخ خيط ولا ابره حطيت دبابيس اسم ان شي يثبت الحشوه داخل عقب نحط زيت على النار تقريبا نص المقلى ونطبق المقلى ونعلي على النار حتى يسخن الزيت عقب نقلي السمج لين يتحمش الطرف الاول ونقلبه على الطرف الثاني بعد مايخلص نكرر العمليه على عدد السمج اللي عندنا لين نطفي النار ونحفظ السمج بمكان دافي ..

طبعا الطريقة منقولة

وهذي بعض الطرق للربيان

برياني الربيان

الطريقه

نغسل العيش وننقعه نص ساعه ونطبخه بماي وملح نخليه يستوي ثلاث ارباع السوا ونشخله

نقصص شده اشبنت ونحطه مع العيش واهو بالمشخل

اللحين نسوي حمسه الربيان نحمس الربيان مع البصل والثوم والزنجبيل بعدها حطي شده كزبره خظرا وبهارات وملح وكاري

حمسيه زين وحطي فوقهم طماط طري ومص كوب ماي مغلي وخليه خمس دقايق عشان تتشرب البهار والطماط

نقعي شويه زعفران بماي حار

سلقي يزاليا مثلجه بشويه ماي مغلي

قصصي بطاط مكعبات واقليهم

واحمسي يصل الي قاصته جوانج وحمريه عدل

اللحين بالجدر صفي العيش طبقات مع البزاليا والبطاط وحمسه الربيان

واخر شي حطي عيش وفوقه الزعفران

نسيت اقولكم شيلي شويه ربيان حق التزيين للويه



- الحين نقلي الحشو ( للعيش ) نحط البصل على المقلى بدون زيت ونقلبه على النار وبعدها نضيف شويه ماي حتى يتحمش يصير لونه بني بعده نضيف الثوم + نص قطعه زبده + لومي اسود مطحون + بهارات مشكله + رشه هيل + ملح على قد اليد + كزبره + شبنت اللي جهزناهم بخطوة رقم 4 + نضيف الحشوو السمج اللي خاشين نصه في البدايه مع حشو العيش ونخلطهم كلهم مع بعض بالمقلى لين يصير لونه حلووو مثل الصوره ونصكر على النار ونطبقه ..

7- الحين نسوي الداقوس نحط قدر الداقوس على النار نحط فيه نص زبده على النار و نقص 5 طماط قطع صغيره جدآ ونحطه + ندق 4 فصوص ثوم+ فلفل بارد + لي طبخ نحط 4 فصوص ثوم مقصوصه نصين للنكهه + كمون (بهارات ) + كزبرة ( بهارات ) + بهارات مشكله + نضيف ماي بالقدر + نضيف ملح على قد اليد +نضيف معجون ملعقتين تقريبا .

8 - نحط 5 اكواب عيش ونغسله عقب ننقعه نص ساعه عقب نحط قدر متوسط فيه ماي متروس وليمونه وحده نقصها نصين +نص زبده + وقفشة ملح يطبخ شوووي بعدين نضيف عليه شويه زيت

9- نحط قدر ثاني كبير اول شي نحط فيه نص بصله مقطع صغار + فلفل بارد أي لون سواء اصفر اخضر احمر انا انوجد عندي الاحمر+ ملح + ثوم + زيت + حشوة اخر ما تبقى من حشوة السمج بعدين نحط السمج فوقه القدر سمح لي احط سمجتين فوق الحشوو بعده نحط العيش بعد مانشخل الماي منه وهو نيّ عقب نحط الماي اللي بالقدر الثاني اللي فيه الليمون والزبده نحط منه كميه فوق العيش لين يغطيه ويكون الماي مرتفع بأصبع تقريبا عن العيش ونطبقه ونخليه يطبخ بدرجه حراره مرتفعه .. بعد ماينشف شوي العيش نحط فوقه الزبده

وكل ما حسينا انه نشف زدنا عليه الماي حق العيش اللي بالقدر الثاني .. وبعده نحط اخر سمجه عندنا بعد مايجف العيش وينجح .. ونجهز صحن النجاب ونحط العيش وبعده السمج ونحط الحشووو اللي مجهزينه للعيش

باستا الربيان بالكريمه الحامضه بالصور

--------------------------------------------------------------------------------

على طول بدش بالطريقه
تفوحين المكرونه الي تحبينها بالطريقه العاديه وتصفينها بالمشخل وخليها على جنب

تاخذين ربيان مغسول ومنظف وتحطينه دقايق عالنار ينزل مايه عن الزفره وتشخلينه وتحطين بالجدر بصل وتحمسينه وتحطين عليه الربيان وتقلبينهم

حطي عليهم فصين ثوم مقصصين وبهارات (فلفل اسود وكزبره ناشفه وشويه كزبره خضره مع ملح وتقلبينهم زين انا حطيت شويه ملفوف وجزر بس موظروريين للطبخه)

تيبين علبتين كريمه وتصبينهم على الربيان المحموس وخليهم يطبخون شويه وبعدها حطي فوقهم عصير ليمونتين كبار او3 صغار

وسكري النار عليهم وحطي المكرونه على الربيان وخلطيهم

وقدميهم واهي حاره قبل لاتجمد الكريمه احلى شي

ان شاء الله تستفيدين من اللي كتبته لج

وتقدرين تبحثين بقوقل

الله يسعدك ياربي ماقصرتي والله يحفظ لك ولدك من كل عين حاسد وحقود
الله يخليكم بنات اللي تدخل وماعندها رد ترفع الموضوع

السمك الي يعجبني وطعمه حلو
اسمه(الشعور)..
ومدري هو نفسه الي انتي كاتبته الشعري
ولا واحد ثاني..
والربيان هو الجمبري...
وبس هذا الي عندي..وان شاءالله عزيمتك تطلع جنااااااااااان...

الله يوفقك يانسيم الصباح وممكن الشعري هو الشعور