وعليكم السلام ورحمه الله
اقولك تجربتى 00كنت اول سنتين من زواجى بشقه مستقله بس مو بنفس المنطقه 00وكل شى تمام اهل زوجى كنت مااجيهم الا بالسنه مره 00وبعدين زوجى جاه نقل من عمله لنفس مدينه اهله00هنا جينا للمشكله جلسنا عند اهله شهرين على اساس انه يدور شقه وسبحان الله دار راسه وهو ما حصل بعدين جته فتره ماصار يدور شقه ويوم سألته كان اسمع الصاعقه يوم يقول لى تدرين شكلى خلاص ابسكن بالشقه اللي فوق00(بيت اهله شقتين فوق وحده ساكن فيه احد اخوانه بس اللحين انتقل لمنطقه ثانيه00 والشقه التانيه فاضيه00)عاد ان لى شهرين عندهم وذقت الامرين من كل شي جان اكتاب والا بعد تبين اسكن عنده وازعل فتره من زوجى وجاء ابو زوجى يقنعنى بس رفضت بكل قوه واحس احسن قرار اتخذته بحياتى000يمكن لو انى ماجلست عندهم هالشهرين و ماشفت ضيقت الصدر بعيونى يمكن حزتها وافقت000بعد اللي زاد على انى اشوف سلفتى مالها اى استقلاليه ابد طول الوقت عندهم 00
بس الحمدلله انى اللحين ببيت مستقل وياززززين الاستقلاليه00
بس لو كنت اشتغل يمكن وافقت اسكن عندهم علشان ولدي ما احب اتركه عند خدم000

:) هلا اختي دلوعه كيفي شحالج الغالية
حطيتي ايدج على الجرح انا عندي خبرة 7 سنوات اعمال نكد واعمال شاقه في بيت اهل زوجي وبعد عيد الفطر انشاء الله بستقل في بيت بروحي انا وزوجي وعيالي واخيرا برتاح
ادعو لي الله يوصلني بيتي واعيش لين اشوف ذاك اليوم وافرح فيه :)
بقولج خلاصة تجربتي طلعت منها ان الوحده سواء تشتغل والا ما تشتغل احسن لها تستقل بروحها في بيتها عن الحشره والمشاكل وعوار الراس الا اذا كانت عمتها مثل امي الله يخليها ويحفظها من كل شر لانها امي نفس ام الاخت imay تعامل حريم اخواني مثل بناتها واعز ولا تدخل باي شي من امورهم بالعكس تقوم هي برعاية عيالهم وتخدمهم ولا تطالبهم باي شي ابدا
تعالي عاد عند عمتي ام ريلي الله يسامحها اول ماتزوجت الكل كان حاسدني عليها طيبه وحبوبه وهاديه ويازينها وانا كان قلبي قارصني منها سبحان الله كنت احس بشعور مادري خوف مادري ترقب ماعرف مع ذلك انا اصلا كانت شخصيتي قويه من وانا صغيره واحب ابادر واخدم واسوي كل شي وبالفعل اعتمدت علي في كل شي في البيت كلللللللللللللللللللللللللللللللللللللللللللللللللللللللل شي بدون مبالغة من اصغر لين اكبر شي وكنت اسويه بكل طيبة خاطر ومحبه واخدمها بضمير لاني كنت شايله لها جميل انها بترعى عيالي وانا في الدوام لاني موظفه بس تعرفين عمتي من النوع اللي مايشبع يعني مهما سويت لها وعطيتها وساعدتها وقمت عنها بكل شي ماتعتبره من طيب اصلي وشهامه او اي شي لا بالعكس صارت تعتبره واجب من واجباتي ولا حظت انها تهمل عيالي لاخر درجه الا اذا كانت لها حاجه يعني مطرشتني مكان اقضي لها شغله او اشتري لها شي بترعى عيالي بس اذا انا رايحه لحاجة لي تخلي الخدامات يهتمن بعيالي وانا موفره لها خدامتين اعطيهم راتب من جيبي غير خدامتها اللي ماتخدمني ابدا ولا تخدم عيالي مع العلم ان زوجي يشارك بجزء كبير من مصروف البيت ويعطي امه وانا بعد ماقصر من الفنجان لاكبر شي في البيت انا اشتريه بس وين اللي يشكر ويعرف
مشاكلي مع ام زوجي وايد تخيلي دايما تسئ الظن فيه يعني حتى لو امزح قدامها مع حد من العيال حتى لو عيالي تقلب السالفه وتقول تطنز وتعيب علي تخيلي !!!! واذا نصحت او انتقدت حد من عيالها قالت تكره وماتحبه واذا صار بينها وبين زوجي شي قالت اني انا اللي مشيشه ولدها عليها وتارسه راسه ووايد ووايد ..........الخ
اللحين انا بنتقل لبيت بروحي لان حتى زوجي تعب من المشاكل وصارت نفسيته زفت مع انه يعرف طبع امه وعارف زين هي كيف تفكر واول ماعرفت ان احنا بنطلع في البدايه قامت تزيد من جرعت المشاكل وبعدين سفرت السواق وهي تعرف ان ماعندي حد يوصلني للدوام وزوجي دوامه بعيد وبعدين قالت لي تصرفي بعيالج يا تودينهم عند امج او انك تقعدين في البيت ترعينهم انا مالي خص فيهم وبعدين قامت تهمشني انا زوجي وتصير اشياء وايد في البيت ماندري عنها ونكون اخر من يعلم
اللحين اعد الساعات والدقايق متى اروح بيتي لاني خلاص كرهت العيشه عند هالحرمه المشكله انها متقلبه يعني ماتعرفين كيف تفكر اول مابتعدنا انا وزوجي وصرنا في حالنا ماندخل في شي اللحين قامت تتقرب منا وتحاول ترجع علاقتها معانا مثل اول !!!!!
نصيحه ادري طولت عليك وقلت لك قصت حياتي بس والله ومن قلبي انصح كل وحده انها تحاول تستقل ببيت واذا ماتقدر واجبرتها الظروف انها تعيش مع اهل زوجها لا اطيح الميانه معاهم وتخليها رسمية وبحالها خصوصا اذا كانو من نوعية ام زوجي

فديتنا اهل الامارات.اناوياكم بس انا بو شباب مب ناوي يطلع من البيت لان كل شي غالي وامهم تحب يكونون في حضنها . اتخيلوا انا في كليه ما اطلع الا يوم خميس وجمعه وكل تنغزني اني وايد اطلع وكل مشاوير عيالها وبناتها وياي يعني روحي وتعالي . وما اشتكي واذا طلعت روحي يوم ارد ماد بوووز شبيرين.بس حرام ساعات احبها وتغمضني .مشكوره حبيبتي عاى موضوع

صباح الخير..
أنا صار لي متزوجة من سنتين تقريبا، وعيشتي مع أهل زوجي شبه إجبارية!
مب عسب شي، بس لأن زوجي مسافر معظم الوقت للدراسة، فمب عدلة أعيش في بيت لوحدي أو في شقة مثلا.. وعن مسألة إني أعيش ببيت أبوي في الفترة إلي زوجي مو موجود فيها أشوفها صعبة!
بس الحمدلله رب العالمين، أهل زوجي واااايد زينين.. وخصوصا أمه الله يخليها..
منتهى الطيبة، وتحبني وايد يحليلها.. ساعات ما أعرف كيف أرد لها محبتها وتفضيلها لي حتى على بناتها..
"بنات اعدوا لها هي تعاني من مراحل متأخرة من المرض الخبيث الله يشفيها انشالله ويرحمها برحمته"
المهم:
تخرجت السنة اللي فاتت، وطول فترة دراستي كنت أحس إن من حسن حظي إني أعيش معاهم، لأن كل أموري تقريبا خالصة، خصوصا ان دراستي كانت صعبة وتاخذ من وقتي الكثير..
وبالنسبة للخصوصية، ما أعاني فيها بشي، لأني أعيش في ملحق في حوي البيت، يعني مش في غرفة وحدة تطل على صالتهم مثلا.. لذلك تقريبا لي حياتي الخاصة..
بس بعد ما تخرجت وحملت فأحس إن بعد الولادة انشالله يحتاج إني أظهر من البيت..
عشان استقل بحياتي وأبدا أحس إني مسؤولة عن أسرة وزوج بكل تفاصيل حياتهم..

بس بصراحة.. أول ما ييت البيت كنت غييييييييييير..
كنت تقريبا ساذجة وعلى نياتي.. يعني صح هم وايد طيبين بس الموضوع ما يخلى من مواقف سخيفة أو طنازة أو مصخرة.. وكنت آخذها بحسن نية "الحمدلله"!!
أما الحين شوي الوضع اختلف.. أنا تغيرت وشوي بعدت نفسي عنهم، مب عشان شي بس مثل ما يقول المثل :"لا تكثر الدوس على خلانك,,يملونك"
يعني كل ما كان الواحد بعيد.. أحسن له!
وبعد في البداية، كنت وايد أنتبه لذوقهم، يعني أي شي ألبسه مثلا أفكر: يا ترى بيعيبهم؟؟
بس مع الوقت صرت واثقة من نفسي أكثر، واكتشفت إن الناس ما تحترم ولا تقدر إلا اللي واثق من ذوقه ونفسه، يعني أفضل شي الواحد يكون نفسه!

السموحة طولت عليكم، بس الموضوع حلو وخلاني أرمس شوي.. :D


تحياتي :27:

والله انكم دقيتو على الجرح
حبيباتي ترى موبالكيف انك تسكنين او ماتسكنين ..بس بصراحه عجبني موقف الاخوات في انهم تمسكو برايهم ومن البدايه كل شي وااااضح ...لانه احيانا المجاملة مو من صالح الطرفين
شوفوني كيف حالتي النفسيه تراااب ضغوط في ضغوط والله عيوني تعبت من البكى .......
والله ابد ماايد السكنى مع اهل الزوج لانه حتى لو هم طيبين وانتي طيبه معاهم مع كثرة الخلطه ماعاد احد يشوف محاسن احد ماغير كل واحد يتقعد للثاني على كل زلة
والله ماغابني غير اخت زوجي هي عايشه بعيد عن اهلها واهل زوجها وتقول انا مااتمنى السكنى لا في ديرة اهلي ولا ديرة اهل زوجي خليني حبيبه احسن وانا بعيده؟؟؟؟؟؟؟
سبحان الله
طيب ليش تزعلون يوم وحده من حريم العيال قالت ابغى اسكن برا!!!!!
مااقول غير افرجها يااااااارب
تسلمين حبيبتي على الموضوع خليتيني افك عن نفسي شوي واتكلم الله يجزاك الجنه البارده