انا مبسوطة قوى انكوا رديتوا عليا و مبسوطة كمان ان الموضوع عجبكوا قوى
علشان كده
عايزين نبتدى المشوار بتاعنا
اولا : عايزين نشوف الأسماء و الحاجات اللى اخواتنا بيستخدموها و نسأل عليها عند حراز و نشوف ايه اللى موجود هنا و اللى مش موجود نحاول نوفره و نجيب طلب واحد بالجملة لينا و نوزعه على بعض هنا فى مصر و فى نفي الوقت نقسم سعر الحاجة الواحدة علينا لو هانجيبها من بره لإن طبعا أنتو عارفين إن سعر الشحن غالى فعلشان كده بقول ان مثلا لو كذا واحدة عايزين حاجة معينة مش موجودة فى مصر نقول لواحدة من إصحابنا اللى بره و تبعتها و نقسم المبلغ بالشحن بتاعه على عدد البنات اللى طلبت .
ثانيا : معظم الخلطات اللى موجودة فى المنتدى أكيد كلنا جربناها بس مش كل حاجة هاتنفع لكل البنات
علشان كده يا ريت الللى تستخدم ماسك تقول ظروف بشرتها ايه بالظبط .
ثالثا : عايزين نعرف كل واحدة منين بالظبط من مصر علشان لو فى حاجة نقدر نوصلها لبعض نبقى عارفين أماكن بعض و ممكن نستخدم الخاص بتاعنا فى كده
يعنى كل واحدة تبعت عنوانها و شغلها و سنها كنوع من أنواع التعارف فى رسالة على الخاص لكل البنات المصريات المشتركات فى الموضوع ده
ايه رأيكوا ردوا عليا و قوللولى
عموما انا هابتدى بنفسى هابعت لكل البنات اللى شاركوا فى الموضوع
:26:

احلي حاجة اني عارفة اقرأ الكلام كويس اصل في كلام مش بفهمه خالص

بصوا في كريم اسمه كريم العروسة من عند حراز لي اصحاب استعملوا وهو للسنفرة وكدة !!!!!!!!!!!!
ومش غالي سعره 15 ج
وبالنسبة للمسك بالشبة دي عند خضر العطار اللي في الحسين وبتباع بالجرام لان المسك غالي طبعا(لرائحة العرق)
واي خدمة في تبادل المعلومات

استنوا انا كمان عايزه ابقى معاكو دى فكره روعه وانتى اللى سبقتى الكل يا سمول روز شكرا ليكى
بس انا مشكلتى اكبر لانى فى الصعيد وفعلا زى ماقالت حبيبتى شاطئ الحياة كل ماسأل الصيدلى على كريم او حاجه يقولى ايه دى جبتيها من فين
سمعت ان عند حراز كريم اسمه كريم الانوثه حد سمع عنه او جربه وبكام
هاى a_one164 ازيك عامله ايه اخبار الخلطات ايه انا لسه كسلانه ماعملتش حاجه جبت الحاجات ومخلطتهاش وقاعده عندى وانتى عملتى ايه
وشكرا ليكى سمول روز

بالمناسبه بقى حد لقى الكريم ده هنا
DALTON
BEAUTE DE LA MER
WHITENER
ANTI PIGMENTAM


ESSENCE CONCENTRE
هو لتفتيح المنطقه اكيد قريتو موضوع الاخت الخنساء عنه