بنات الادويه الكثيره مو تضر الجنين ادخلو وطمنوني بموت من الخوف

السلام عليكم بنات كيفكم ان شاء الله بخير
بقولكم حالتي بدون مقدمات انا حملت بعد علاج من التكيس ولله الحمد وفيني قصور في الغده الدرقيه وآخذ ثيروكسين 50 المهم اول ماحملت طرت من الفرحه بشكل مو طبيعي وبعد يومين بالضبط من فرحتي بدا معي نزيف وآلام شديده وقالو لي احتمال يكون حمل خارج الرحم وتخيلو المعناة النفسيه غير الاوجاع وبعد يومين من التحاليل قالو لا الحمدلله الحمل طبيعي بس لازم تاخذين مثبت الدافستون وتحاميل مثبته (غير دوا الغده) بيبي اسبرين وفيتامين بي لأن عندي نقص شديد فيه وتقول الدكتوره هو اللي يسببلك الآلام الشديده في الظهر بديت اخذ هالادويه كلها والحمدلله ليما وقف النزيف( مع عدم الحركه طبعا ) استمر تقريبا اسبوعين كانت صعبه علي كثير المهم مرت على خير والحمدلله على هالنعمه والفضل بس لما دخلت الثالث قالو لي الضغط مرتفع انتبهي وخوفوني مررررررره بس ماعطوني علاج ويوم رحت لمراجعتي الاخيره قالو الحمدلله الضغط كويس بس عندك زلال في البول والغده زاد القصور فيها ولازم نزيد الجرعه .
الحمد لله على كل حال وانا راضيه باللي كاتبه لي ربي بس تخيلو انا الحين أخذ سبع انواع حبوب لما غيرت طبعا الدكتوره حمض الفوليك بحديد وكالسيوم مع حبوب الغده والمثبت وفوار للزلال وفيتامين بي وبيبي اسبرين ماتأثر كل هالادويه على الجنين والله اني بس خايفه وادعي ربي لأن حملت قبلها الحمدلله مرتين وماكانو يصرفون الا حمض الفوليك بس وباول الاشهر بعد وبس والحين شي مرره كثير هذا غير حبوب اللي تخفف الغثيان واللي رفضت اخذها
قلت اتحمل الغثيان ولا ازيد هالحبوب اللي ذبحتني.
هذا غير الوسوسه قبل امس اقر موضوع في المنتدى وحده تسأل هل الغده تسبب ولادة طفل يعاني من متلازمة داون (مغولي) تخيلو من قريت هالموضوع وانا بس اصيح مع اني الحمدلله ماتركت علاج الغده من حملت ولايوم بس كان القصور زايد ومااخذت نتيجة الحليل الا بعد شهر لما جا موعدي الثاني خلاص تعبت نفسيتي ودايما معصبه على اللي حولي وبس اصيح وخايفه على جنيني وش اسوي اترك الادويه من نفسي او اقللها او اترك المراجعات لأن كل مره اروح يطلعون فيني شي جديد انصحوني وادعولي تكفون والله اني في حالة مايعلم فيها الا الله