السلام عليكم ورحمة الله وبركاته
هذي اول مره اتشجع اكتب قصتي ويمكن اللي خلاني اكتبها رغبتي بتخفيف الالم والجرح اللي فيني
اعرف اني مش الوحيده اللي عندي مشاكل من هالنوع بس صعبه لما الوحده تنصدم وكلما تحط امل يتلاشى
وقبل ما اقول قصتي ما ابي اطلب منكم الا دعوة من قلب صادق
ادعولي ان ربي يرزقني بالذريه الصالحه ويقر عيني وعين زوجي بشوفة طفلنا سليم كعافى و ان شاء الله ربي يرزقني بتوام ويرزق كل محروم
بداية قصتي بعد ما تزوجة بشهرين وانتوا ادرى باهل الزوج كل يوم يسالون عن الحمل لين ما تعبت نفسيتي منهم ورحت انا وزوجي بعد زواجنا بتسع شهور للمستشفى وبعد الفحوصات عرفت ان بويضاتي صغيره واني احناج كلوميد وابر تكبير للبويضه وابرة تفجير لانه الكلوميد ما وصل البويضات للحجم المطلوب والحمد لله خذت الابر والدوا وكان املي كبير اني بحمل بعد الابر والحمد لله ربي رزقني بالحمل بعد العلاج ع طول ولكن للاسف خبرنا اهل زوجي بحملي ووصلني خبر انه اخت زوجي ناشره الخبر لدرجة انه وصل بلد غير بلدنا وبعد ما خبرناهم بيومين بس اجهضت جنيني وكنت بالاسبوع الاول من الحمل بس ما كنت اعرف اني اجهضت بس شفت الله يعزكم قطعة دم نزلت وبعدها وقف الدم فما خطر ببالي ان الجنين نزل وطبعا رحت المستشفى وبعد المذله وتنشيف الدم عرفت اني اجهضت وكانت صدمه بالنسبه لي والحمد لله والشكر لله قلت الله كريم وان شاء الله بحمل وما بخبر اي شخص بحملي لاني من اللي شفته بالحمل الاول انه كلام الناس حتى ولو كان الشخص ما يقصد يمكن يصيب بعين وبعد ما اجهضت بالشهر الثاني بدت النغزات والقيل والقال ولا ليش ما حملتي وجارتنا اجهضت وبالشهر اللي بعده ع طول حملت واكثر اللي اجهضوا بسرعه يحملون ومن هالكلام اللي يضايج وع فكره اهل زوجي ما يعرفون اي شي عن علاجي وكان هذا راي زوجي انا ما نخبرهم عسب ما يجرحوني بكلامهم او يحسسوني بالنقص ومع الوقت عرفت انه كلامه صح وبعدها تميت شهور ما اتعالج ع امل اني احمل طبيعي بس للاسف شفت ان مافيه اي فايده والنفسيه تتعب من كلامهم وقررت اروح اخذ ابر تساعدني ع الحمل
بعدين بكمل لكم قصة حملي الثاني
واسمحولي لاني بكتبها ع اجزاء بس ما اقدر اكتبها مره وحده :44:
ونصيحه كل وحدة تعالجة بالابر اول بويضاتها صغار تقرى قصتي لان فيها عبره
الجزء الثاني لقصتي
http://forum.hawaaworld.com/showthread.php?p=44710503&posted=1#post44710503
الجزء الثالث
http://forum.hawaaworld.com/showthread.php?p=44715809&posted=1#post44715809
الجزء الاخير
http://forum.hawaaworld.com/showthread.php?t=2325076&page=8
اهوى غرامك @aho_ghramk
عضوة نشيطة
يلزم عليك تسجيل الدخول أولًا لكتابة تعليق.
احساسي جالكسي22
•
الله يرزقك ويقر عينك بشوفه ابنائك ويرزقك بالقريييب العااجل
الصفحة الأخيرة