وشلونك يا مرت اخوي؟!

من عرفت المسلسلات الكويتية و هي دايما يكون فيها علاقة موش و لا بد ما بين الام و مرت الولد ( مع انها هي اللي تكون مختارتها او راضية عنها!!)...طبعا غير موضوع مرت الابو اللي شرها واضح في كل المسلسلات و باختلاف اللهجات..كويتية مصرية سورية و و و

موضوعنا اليوم عن مرت الولد..او مرت الاخو..

علاقة الاخ او الاخت بزوجة اخوهم..دايما تكون فيها شد و جذب...خصوصا البنات..بتأثير من امهم..او بدون...تلقاهم مستلمينها حش...و يمكن هي بعد تسوي نفس الشي في حريم اخوانها...

فيه ناس علاقتهم بحريم اخوانهم مقطوعة تماما تماما...لانهم يتهمونها انها خربت اخوهم عليهم....و طبعا فيه ناس علاقتهم اكيد ممتازة...و هذا ماهو موضوعنا

اما الشباب...فعلاقتهم مع حريم اخوانهم..تكون مختلفة تماما تماما...يا مايكلمها ويسولف معها...يا مسجات ع الجوال و وناستن يحبها قلبك

انا ما اتكلم عن حالة انا شايفها او حاس فيها...لكن انقل وضع هالعلاقة في مجتمعنا من خلال سوالف مع كذا واحد..يعني لاحد يقول لي " كل واحد يتكلم عن نفسه"

مدري اذا انتو شايفين ان هالعلاقة فيها شي غلط و الا لا؟ و انها ممكن تأثر على وضع اسرة بشكل واضح او غير واضح....و وشي الحلول في نظركم من الولد اللي هو مسئول عن الطرفين ( إذا كان يدري فعلا عن الخلافات و الحش و اللزي منه)...

بالنسبه لي
عندي مبدأ عامل الناس كما تحب ان يعاملوك

اثنين من اخواني متزوجين والحمدلله حريمهم طيبات
وكنت اعاملهم كويس ولقيت هالشئ فيهم لماتزوجت ساعدوني كثير ووقفو معي وقفت خوات
والعلاقه ماشاء الله تمام الله لايغير علينا

والحمدلله بعد ماتزوجت خوات زوجي طيبات معي بستثناء وحده الله يستر عليها..

وانتو وش وضعكم؟