تقصيري وزوجي

الأسرة والمجتمع

السلام عليكم بنات انتم اخواتي ماعندي احد اشاوره وينصحني مره مره انا مقصره انا صراحه اليوم صحي مقهوره زوجي جاء من الدوام واتصلت عليه امه وقالت له تعال تغدى عندنا انا صراحه ماطبخ الا العصر انا ماشبع نوم والله نومي خفيف بس مادري ايش صاير لي ثقلان نومي وزوجي مايقضي للبيت الا كل يوم بيومه مقصر تعود اني ماصحى الا العصر وانا تعودت احس اني مقصره كل يوم انام الساعه 3 اقول ان شاء الله اصحى واروح بالنومه نفسيتي قافله احس اني مكركبه والله انامجتهده بس بيتي يبغاه اهتمام اكثر البيبان يبغالها تنظيف والبيت يبغالها اهتمام ابغى اخوات ينصحوني مو يتطنزون علي كيف احصل على حياه زوجيه متكامله من اهتمامي بزوجي من كل النواحي تراه من رواد الاستراحه كل ليله وين يطنشها دلوني تكفون بغى املا عينه
27
5K

يلزم عليك تسجيل الدخول أولًا لكتابة تعليق.

تسجيل دخول

جدار الصمت
جدار الصمت
حبيتي حطي لك جدول تمشين عليه اذا كان زوجك مو موجود غسلي الملابس ونضفي بيتك

عادي اغلب الرجال رواد استراحات:mad:

اذا طلع زوجك للستراحه نضفي بيتك:angry: وبخريه وتشيكي لزوجك وتعطري وخليكي حلوه ونظيفه:27:وبتوفيق حبيبتي
حلم وردي6
حلم وردي6
نظمي وقتك وحبي نفسك قبل اي شيء واشغلي نفسك بشي مفيد وتستمتهي به
برنجز
برنجز
استغفر الله
أطبخ بسرعة
أطبخ بسرعة
قال عليه الصلاة والسلام (بورك لامتي في بكورها) اي في قيام الصباح الباكر
انت نظمي نومك نامي بدري وقومي بدري والصباح كللله خليه لشغل البيت ومن بعد الغداء خلالاص بيكون فقط تنظيف اواني الغرف فقط لان اواني الطبخ تخلصتي منها والعصر القهوة وتجلسي طول اليوم مرتاحة لزيارة او ترفيه او لضيف قادم وغيره
واذا اشتغلتي يومين شغل عميق بترتاحين طول الاسبوع لشغل خفيف
اليوم اللي محددته للغسيل او الكوي والعميق خليه اكل مفرزن مثل الكبب والمقالي وسلطة او صنف خفيف
والغرف الغير مستخدمه مثل غرف الضيوف بتكون دائما نظيفة ومريحة في التنظيف ماتاخذ وقت
واطلعي على جدول الاعمال الاسبوعي والشهري وبيكون بيتك نظيف
والحياة جهاد اعاننا الله واياك
أم لموي العسل
أم لموي العسل
والله حتى انا راعية نوم

وتعذبت فالبدايه بس الحين الحمد لله

صح نومي هو نفسه ماخف ولكن عرفت انظم وقتي

وعندي لك طريقه ممكن تساعدك على الغداء لانك مثلي ننوم الى بعد الظهر شوفي ياحبيبتي اذا بغيتي تصلحين الغداء صلحيه من اليل يعني بالليل اذا راح استراحته قومي يامال العافيه وتسنعي وطلعي دجاجتين او 3 اللي تبين واطبخيها مع بعض كأنك بتسوين كبسه وبعد كذا شيلي كل نص دجاجه بقدر وغطيها ودخليها بالثلاجه وكل يوم اذا صحيتي بعد الظهر طلعي لك قدر وسخنيه وكبي الرز عليه

هذي اسهل طريقه لا مواعين ولا بصل ولاهم يحزنون والله ارتحت معها ماعاد اشيل هم الغدا