أروع كوشات الأعراس في دبي

أعتقد ان عدنا محلات وايده في البلاد متخصصه في تجهيز الأعراس والصالات ، بس بصراحه كله مكرر والتنفيذ مب شي. وأنا أموت ع الهاي كواليتي في كل شي وأدور الفينيشينج أكثر من التصميم نفسه.

عرس أختي اضطرينا نجيب شركه أمريكيه عشان تجهز القاعه واضطرينا ندفع دم قلبنا، بس عرس أختي الثانيه اللي كان بعدها بفتره بسيطه تعاملنا مع "جنين" لتجهيز الحفلات في دبي وموقعهم ع الشارع الرئيسي في الجميرا ، في فيللا وايد حلوه. بصراحه شغلهم روعه والمصممين عندهم كلهم شباب صغار خريجين ديكور.

أنا درت المحلات كلها الغالي والرخيص ، مثل تصاميمهم ماشفت، شي روعه وأفكار جديده، توهم فاتحين ماصار لهم سنه ، وكلهم من تركمانستان.

والله أنهم يكونون معاج خطوه بخطوه في كل التفاصيل. والأهم أن أسعارهم جدا رخيصه مقارنة بالسوق. لأنهم يبغون ينشهرون في البدايه فأسعارهم كانت صدمه لنا من كثر ماكانت رخيصه.

والبنيه اللي تتعامل مع الزباين أسمها " ألر" قمه في الأخلاق والأدب.

عرس أختي كان شي ماأستوى ولا حصل ، حتى الفندق طلبوا انهم يشترون الكوشه. ادارة الفندق اتصلوا فينا وقالوا ان هذي أول مره يشوفون ديكور بهالروعه (الفندق جراند حياه دبي).

ع العموم أنا بس حبيت أشارك خواتي في المنتدى بهالمعلومه اللي راح تفيد كل العرايس، وعقبال الكل.

:)