شوفوا موقفي مستحيل يكون قد مر على أحد

الأسرة والمجتمع

بسم الله الرحمن الرحيم


أنا عارفه يا بنات أني مشاركاتي قليله وما أكتب إلا إذا عندي مشكله لكن صدقوني ظروفي صعبه

وما أقدر أدخل وأكتب مواضيع أو أشارك فألتمسوا لأختكم العذر ..

بدخل بالموضوع على طول طبعا أنتو عارفين مشكلتي مع زوجي ورفضه للإنجاب ورافض أنه يعلمني السبب

ويقول أنا كذا ما أبي عيال وبدون سبب ومع ذلك صابره ومتحمله وأقول يمكن مع الأيام يغير رايه أو يمكن عشان الظروف

الماديه ينتظر تتحسن طبعا ما في أحد بالدنيا يعرف بمشكلتي حتى أهلي وكل ما سألوني أقول لهم ربي

مابعد كتب وطبعا لا يخفى عليكم مجتمعنا أنتي ماتبين ولا هو مايبي العيب منك ولا منه طيب ليش ماتعالجون ليش ما

تاخذون منشطات وهلما جره وأنا أسكت وأكتم بقلبي بس ما توقعت أني راح أكون منبوذه من الناس لأن ماعندي أطفال

مع أني توني صار لي متزوجه 4 سنوات نجي للموقف تخيلوا مثل العاده أروح لأهلي كل أسبوع عندي أخت تزوجت بعدي

صار لها متزوجه سنه ونص أختي هذي نحيفه وبديت ألاحظ على أختي أنها تسمن تقريبا بعد سنه وشوي من زواجها

وسألتها قلت أنتي حامل قالت لا وش حامل الله يرزقني أدعيلي المهم مرت الأيام وفي ومره كنا مجتمعين

قاعدين ومبسوطين أذن العشا قلت لهم أنا بقوم أصلي رحت الله يعزكم لدورة المياه ولقيت المويه مقطوعه

ورجعت عشان أقول لهم.. توني بدخل المجلس ألا أسمعهم يتكلمون أللي تقول وش جهزتي للبيبي وأللي تقول أخيرا

بنشوف ولد خالتنا تخيلوا بنات أختي صغار أكبر وحد بالمتوسط ويعرفون أن أختي حامل وقايلين لهم مايعلموني

وأللي تقول وين بتولدين فيه المهم دخلت عليهم وهم زي أللي أنفجعوا وسكتوا وحسوا أني سمعتهم قالوا رجعتي

بسرعه قلت أيه المويه مقطوعه بعدها قعدوا ساكتين وحسيت أنهم تضايقوا أني سمعتهم و طبعا أنا تعاملت مع

الموضوع كأني ماسمعت شي ولا باركت ولا شي بس هم حاسين أني عارفه رجعت لبيتي وثاني يوم تدق علي

الوالده وتقول دريتي فلانه حامل قلت لا ما شاء الله مبروك قالت تراها في السادس قلت أيه الله يقومها بالسلامه

وسكرت وقعدت أبكي ليه سوت أختي وأهلي كذا مع أن ذكر الله مايطيح من لساني أي شي أشوفه أذكر الله عليه

طبعا أنا الحين صار لي أسبوعين مارحت ولا باركت لأختي ولا حتى هم أتصلوا مثل عادتهم ولا سألوا ليش ماجيت

أبي نصيحتكم يا أخوات تكفون أنا مالي ألا أنتم أشكي له وهل أبارك لها وإذا ولدت أروح المستشفى ولا

أستعبط مثل ماهم أستعبطوا علي..

الله يوفق اللي ترد ويرزقها دنيا وآخره ويرزقني وكل محرومه بالذريه الصالحه آمين يارب..
99
8K

يلزم عليك تسجيل الدخول أولًا لكتابة تعليق.

تسجيل دخول

ღزيـ أم ـادღ
ღزيـ أم ـادღ
هلا حبوبة طبعا الموقف جدا صعب وخصوصا انو من أقرب المقربين لك

بس استحاااالة تكون نيتهم انهم خايفين من العين او شيء مثل هذا القبيل

لكن هم خايفين بالتأكيد على مشاعرك لكن خانهم التعبير والمفروض مهما كان يكلموك من اول ما صار الحمل سواء اختك او الوالدة

عموما عاتبيها هذي اختك حتى تفهمي وجهة نظرها الصحيحة

وضروري طبعا تباركي وتزوريها في المستشفى اذا ولدت وتقومي بواجبك اتجاهها على أكمل وجه

خليك الأفضل وقابلي الاساءة بالحسنة

ومهما صار او كان في الأخير انتو أخوات

والله يرزقك الذرية عاجلا غير آجل ويفرح قلبك فيها
manoy222
manoy222
خذيها بمنطق انها مابغت تجرح احساسج مافي شي اكثر من جي وخلج عاديه ولاتتحسسين واذا تريدي تجيبي عيال اتقدرين وماعليج من ابو الشباب بيشوف اليهال وبينسى ليش مخلتنه هوه الي يتحكم اذا مايبا عيال ليش تزوجك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟وعادي تصير انا اختي حملت والكل كان عارف الا انا ولا زعلت ولا عندي خبر اقسم حتى خدامتي كانت تعرف من خدامات بيت امي وانا مااعرف بس لما دريت رحت وباركت وهنيت عادي هاي اختي ومحبتها محبتي لروحي
*الراقية*
*الراقية*
الله يعينك حبيبتي

بس انت غلطانة هم يفكرون انت ماتنجبي عشان كذا مايجيبون سيرة لك عن الحمل ولا علموك

باالموضوع من البداية يمكن عشان ماتتضايقين انا اقول اجلسي معاهم هذولا اهلك مهما كان

وقوليلهم على الصراحة وخليهم يعرفون ان ماعندك مشكلة عشان مايشفقون عليك

واحسني الظن بهم وكل واحد حر في تصرفاته حتى انت اذا حملت باذن الله لاتعلمين

وممكن تجلسي مع امك وتقولين انك زعلانة انها ماعلمتك وانتم خوات فليش تخبي عنك وغيرك لا

فهميها عشان يحسبون لك الف حساب وارجووووك انك تقولي لأمك على كل شي

اما زوجك فموضوعه غريب اربع سنوات ولا انت عارفة ليش مايبغى قوليها بصراحة وفي وجهه

اذا ماتبغى خلفة خلاص كل واحد يروح في طريق او انك تقول السبب الحقيقي وفهميه انك ممكن تبلغي اهلك

لاتكوني ضعيفة وحساسة موضوعك محتاج لوحدة قوية تاخذ حقها من الجميع اذا ماتقدرين فلا تتحسسين من كل موضوع

وطنشي واذا مو مرتاحة سوي اللي قلتلك عليه وربي يوفقك ويسخر لك قلوب عباده

والله يرزقك باالذرية عاجلا غير اجل وتفرحين بها
رعود الجنوب
رعود الجنوب
خذيها بمنطق انها مابغت تجرح احساسج مافي شي اكثر من جي وخلج عاديه ولاتتحسسين واذا تريدي تجيبي عيال اتقدرين وماعليج من ابو الشباب بيشوف اليهال وبينسى ليش مخلتنه هوه الي يتحكم اذا مايبا عيال ليش تزوجك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟وعادي تصير انا اختي حملت والكل كان عارف الا انا ولا زعلت ولا عندي خبر اقسم حتى خدامتي كانت تعرف من خدامات بيت امي وانا مااعرف بس لما دريت رحت وباركت وهنيت عادي هاي اختي ومحبتها محبتي لروحي
خذيها بمنطق انها مابغت تجرح احساسج مافي شي اكثر من جي وخلج عاديه ولاتتحسسين واذا تريدي تجيبي عيال...
زي ماقالوا لك البنات اكيد كانوا خايفين على مشاعرك لايجرحونها لكن التعبير خانهم
الله يرزقك ولاتتحسسين من الموضوع خذية بقلب رحب واتصلي وعاتبيها بلطف ليه انا اخر من يعلم وانا اختك والله اني فرحت لك ليه خبيتي عليه ماتبغيني افرح لك
وخليك احسن منهم مهما كان هذولي امك واخواتك اقرب الناس لك


اما زوجك فيمكن العيب فيه ومسكين خايف يعلمك وتتركينه لانه يحبك مايبغاك تتركينه لما تعرفين انه عقيم
لكن اصبري ولك التعويض في الجنة ويمكن صبرك مايطول ويرزقك ربي بذرية صالحة الله يرزقك لكن عليك بالاكثار من الاستغفار يارب يكرمك
أول المشوار
أول المشوار
حبيبتي شكلهم ما خبروج مراعاة لمشاعرج
حاولي تظهريلهم العكس أنج مستانسه ومبسوطه لهالخبر
وإذا تميتي على هالحال بيقولوا متأثره وبعد أحسن لو ما عرفت وبتخلي أهلج يحاتونج
فديتج سيري وباركيلها وأفرحي لفرح أختج