اهم شيئ وش يعجبة موتعبين نفسك وتسوين ويلوي بوزة :16:

ممكن يحب اكل معين تربى علية :D
مثل فول ونواشف

ممكن اهلة يسوون رز او اهو يحب الرز ومشتقاتة

تكفين ذارجال غثاء يبون صبر
وحدة منغثة من العندها :( :angry:

انا زوجي مو راعي عشاء يعني احيانا ينزل يسوي سلطه ومرات ناكل ساندوش صدور دجاج مشويه مررررره روعه وماتاخذ وقت

وأنا مثل نونو عشاء خفيف بس شوربات ومعكرونات ومعجنات صعب على العشا

أحيانا أسوي صحن تبولة أو فتوش أو سانديشات سريعة بالفرن ومرات بطلب بيتزا للأولاد من بره لو ماكنت فاضية .

شكرا لكم جميعا والله فعلا الرجال متعبين وإن شاء الله بعد ما أولد أحاول أنوع في العشا أما الآن والله يادوب ألحق على الغداء لكن غدا وعشا صعب جدا ................

انا اعاني من نفس مشكلتج بس انا اكثر منج زياده لان زوجي ما ياكل لا فول و لا سندويتشات و لا مقالي ...و البلشه اني مرات اتاخر و اجي اسوي العشا الساعه 9 و هو طبعا يرفض بتاتا اننا ناكل من بره ..فشوفي شنو اسوي
اول شي عندي حمص معلب مال السعوديه الي لونه اخضر هذا اخد منه كميه كبيره ..و كل ما قال العشا اروح و احط له بصحن و ارش عليه سماق و زيت زيتون
بعدين يا طويله العمر اذا لي خلق اسوي عجه يعني خضار اسلقهم بعدين احطهم بمقلاه عقب ما اصفيهم و احمسهم شوي ببصل و بهارات و اكسر عليهم بيض و اغطيه ياما تطلع نفس الفطيره ...و اذا مالي خلق اقص شويه شبت او بقدونس و اخلطه مع بيض و احمسه ..
او تفورين بيض و عقب ما تقشرينه حطيه بصحن و رشي عليه كزبره مفرومه و زيت زيتون شوي و كمون و ملح يهببببببببببببببببببل
السلطه اقص طماط قطع كبيره ويا خس و خيار و ارشها بمكعبات جبن و زيت زيون و شوي من تتبيله السلطه تطلع تهبل ...
على ذكر الاجبان احمسي لج طماط شوي ويا اي نوع خضره ورقيه يا بقدونس كزبره شبت ...بعدين لا استوى ضيفي له شرايح جبن حلوم ..هم بعد حلوه
شنو بعد ...احمسي بطاط طبعا تشترينه مثلج ..و جيبي لج حلقات بصل وودجز و احمسيهم بعد
في شورما امريكانا قصي عليها بصل شرايح و فلفل اخضر و احمسيها
ناجتس دجاج ساديا او ناجتس خضار زين بعد حطيهم بصحن و بجنبهم خضره شوي و في فيليه دجاج ساديا بس ترى احمسيه على نار هاديه و لا يطلع لج مثلج من ذاخل ...سويه و حطيه على فراش خس و ابتسمي و قولي انا مسويته
ممكن اذا باقي لج دجاج من الغدا فتفتيه و احمسي لج بطاط و يا طماط و بصل و بهارات شوي و لا استووا زودي عليهم الدجاج المفتفت
المعلبات ترى ما سوووها اعتباطا هي اصلا عشان تفك الازمات ..سوي فاصوليا معلبه و تونه و في باذنجان بالصلصه و في ورق عنب و ما ادراك ما ورق العنب ...
و لا دورتي بالمنتدى تلقين لج وصفات اشكثر ...بس انتي حاولي و انشاء الله لا تذكرت شي مفيد ارد و اكتب لج