استفسارات ياخبيرات دبي

وعليكم السلام
رحلة سعيدة ان شاء الله
واختيار موفق



اولا لازم ترخيص من ولي الامر والا يرجعونكم من مطار الرياض ماتطلعون لا انتي ولا اختك وقد صارت معي وواسطات ودنيا يالله طلعوني

بالنسبة للبطاقة عادي بطاقاتنا العادية الراجحي الاهلي وغيره وترى فيه صرافات الراجحي ماياخذون عمولة


بالنسبة للمواصلات ميترو وتكاسي وما انصحكم تستاجرون لأن انظمة المرور عندهم جدا صارمة


افضل الاماكن دبي مول يبي له على الاقل يومين كاملين لان فيه اشياء تهبل غير التسوق مثل النافورة الراقصة والمدينة المائية والقارب الزجاجي يعني مستحيل يوم واحد يكفيه


القرية العالمية يبي لها يوم من اربعة ل12 يوم رائع صراحة


مول ابن بطوطة يوم

الامارات مول يوم وفيها مدينة الثلج وسيينما


للماركات المخفضة فيه الاوت لت مول فيه ماركات قوية بتخفيض يوصل لتسعين بالمية لكن الصراحة يوم جيته منتفينه العالم مالقيت اشياء كثير



وبالتوفيق

يامال العافيه. ماقصرتي الله يجزاك الجنه
كان ودي بردود تكثر
بس الظاهر كل كلامهم عن دبي سوالف ماحد راح لها من هالقسم ولا كان شاركو

انا برحت سكنت بولمان موجود داخل الامارات مول الحين صار اسمه شيرتون اتوقع روووعة وفيه محطة للمترو تروحين اي مكان المترو سهل استخدامه بس المحطات احيانا تكون يبي لها مشي مسافة شوي
فيه مول حديث اسمه مردف عند المطار احنا رحنا له قبل السفر للسعودية لقربه من المطار وكمان الوقت بارد مرة الحين خوذي شتوي وتذكرت كمان برج خليفة طلعنا للمطل حليو يشبه نوعا ما مطل المملكة بالرياض وبالعصر روحي للنافورة الراقصة واجلسوا بالكافيهات المقابلة بس موسيقى معاه صاخبة ما ارتحت

رفع للفائده

اولا لازم تصريح من ولي الامر
الامر الثاني دبي مرررررررره غاليه يعني لازم ميزانيه
شوفي الاشياء الرخيصه انا ماجيت منها الا سوق التنين ماشالله كبير وفي تقليد للماركات بس من يشوفون لبسنا
يعرفون انا حنا سعوديين تضرب الاسعار بس هو ارخص من اللي جيناهم
الامارات مول دبي مول برج خليفه ناسيه الباقين افتر راسي
يمدحون سوق نايف بس ماجيته ويقولون رخيص طبعا
الملاهي او القريه العالميه للاسف روحتنا صادفت انها مغلقه ولا تفتح على كلامهم الا في مارس اظن
موفقين