الفزعه الفزعه يابنات/تجمع الي أبتلوبالصرع/ رحماك ربي رحماك

الأسرة والمجتمع

مراحب بالحلوات .. كيفكم وشنو أخباركم .. يارب مبسوطين ومرتاحين

صديقة العمر وبنت عمتي بنفس الوقت / تزوجت زوج كلمة حنون بحقه قليله .. كريم /محافظ ع الدين
فيه كل المواصفات الي تتمناها البنت الله يحفظهم .. بعد خمس شهور من زواجهم .. طاح زوجها في افندق وهما مسافرين .. وطلعت برى بملابس النوم وتصارخ وهي تبكي :icon33:زوجي مات زوجي مات ... دخل عليهم كم واحد ونادو الاسعاف وشالوه .. وقالو لها زوجك ياكل حبوب نفسيه قالت لا .. وهي تقول انا متاكده انه ما ياكل ..
المهم بعد ساعه رجع لا شخص طبيعي .. تقول ضميته وقلت له .. وش صاير وانا موقادره اتحمل ابكي وهو وجهه معفوس كثير:44: قال مادري يمكن عشان مانمت من يومين ومواصل وكذا .. واهو على كلامها مايسهر ولايدانس السهر .. تقول قلت يمكن اهو مايتحمل الارهاق وسفر وسهر وكذا .. المهم بعد عشر ايام تكرر ت النوبه وانصرع ثانيه .. وبعد شهرين وتكررت الحاله اكثر من خمس مرات أهم شي المستشفى شخصوه انه شحنات كهربائيه <يعني صرع > اخذ العلاج عشانها والا اهو رافض بتاتا .. لكن هيه تقوله لكيدج انت فيك المرض من قبل وغاشني وانا ما اتحمل اعيش كذا لما تجيه النوبه اطلع برى واصرخ وشهر اجلس تعبانه ومااقدرانام الافزات كثيره .. حلف انه ماكان فيه شي والموضوع هذا جديد.. رحت معه العياده وناقشت الدكتور .. خلاها اتكلم صاحبه كمان دكتور اعصاب .. وحلف صاحبه انه شي جديد عليه .. وانه كان معاه بالجامعه وسافر معه كثير ماكان فيه شي .. الان ياخذ العلاج ومع ذالك تتكرر عليه النوبه وقبل عشر ايام تقول صحيت ماحصلته بمنامه .. طلعت واذا هو في الحمام متشنج .. تقول سحبته وانا مااقدر وتقوية اشويه وطلعت بس راسه من الحمام وجسمه جواء موقادره اطلعه كله .. تقول وسميت عليه .. يوم صحة قال انتي تكذبي انا ماجاني شي .. تقول الا يشوف راسه مجروح من الطيحه ويده .. ويجلس يحضني ويتعذر ويقول الي تبين حاضر .. انا هذا شي جديد علي ومادري شنو السبب .. المهم هي تعبانه تقول ماخبرت اهلي ولااهله ولااحد يقول تكفين خليه سر بينا .. عشان ماحد يتشمت فينا .. مع العلم ان كل النوبات ماتجيه الا بعد النوم يعني وهو نايم او توه من ثواني صاحي من النوم...وهي تقول شنو علاج لهلحاله شنو اسوي .. وهل لي اجر على صبري معه .. اي احد جرب علاج اويعرف دكتور . اواي شي حتى لوكان شعبي .. الي يعرف احد اتشافى من ذا المرض يقول الطريقه ويفيدها احتسبو الاجر ربي لايفجعكم بغالي .. وجعل ايامكم كلها عافيه وسعاده يارب
مسكينه تقول مو قادره اعيش باسفر خايفه بالنوم خايفه بكل شي ياقلبي عليه الدنا ماعمرها ضحكت لها:44:
25
3K

يلزم عليك تسجيل الدخول أولًا لكتابة تعليق.

تسجيل دخول

دلع اطفال
دلع اطفال
الله يشفيه ويصبرها واكيد ماجوره اذا صبرت عليه لان الصابر بالجنه

باذن الله


بس علاجه بعد الله الرقيه الشرعيه

والطب النفسي او العضوي يروح لدكتور اعصاب ويكشف
هبشبش
هبشبش
حبيبتي لازم يروج لدكتور اعصاب ويكشف هاذي الحالات تجيه لانه مااياخذ العلاج بشكل منتظم لو ماياخذ العلاج بشكل منتظم ولو مانام كويس بيرجع لها والله ياجرها يارب
دمعة غلآ
دمعة غلآ
اكيد لها الاجر وضروري توقف معاه وتسانده
لكن الخوف ان المرض ينتقل وقت الحمل للاطفال
وضروري يراجع
دكتور الاعصاب كل فترة ويستمر ع العلاج بوقته وغالبا يستمر العلاج فترات طويلة توصل لسنوات
ومايكون قريب منه اي شي حااد خاصة وقت النوم والافضل يتجنب السواقة لان ممكن تجي الحالة بأي وقت ويتسبب بحادث له لاقدر الله

وتنتبه مايتوتر كثير او يستخدم اجهزة تشد اعصابه مثل العاب الكمبيوتر بأنواعها لفترات طويلة
الله يشفيه عاجلا غير آجل
دلع شرقي
دلع شرقي
تتقي الله في نفسها.. وايش الصراخ وغيره هي موطفله..

وحرام تتركه يوم تعب.. وهي معه شهور..

ويمكن الرجال فعلا الحالة عنده جديده ..ومن توترات الزواج.. ويمكن جاته عين وهي سبب هالعين من مدحه قدام صاحباتها.. والا يوم طلع معها بالزفه..


والامراض اليوم تجي فجأة.. مو شرط يكون سنين.. ولاتجلس تزعجه.. خليها تساعده.. يمكن عنده فقر دم حاد.. يمكن عنده زيادة كهرباء بالمخ من ضغوط نفسيه..
يمكن عين قوويه ويلزم له رقية
اميرة الحلوات
بسم الله اختي لازم تاكدي اللي فيه تشنج ولا صرع لانه
الصراع والعيذ بالله مايجي الا من الشيطان واسمه صرع شيطاني
بنت خالي صغيره وتجذب الكل بشياكتهااوتغنجهاوتفتن الكل مع ان لبسها ساتر وتحلي كل شي عليهاا
جاتهاا فتره وهي واقفه تسرح ولو تحرقيها ماتحس جربنا كل شي معها ماتحس ولما تبول اعزكم الله تبدى تحس
بكل الي سوينا لهااا وراحت لشيخ قال هي لما تسرح تشوف الكلب لانه مرتاعه منه وقت المغرببس ماقال شيطان الي فيها قراء عليهاا وبعد فتره شهر وهي تقرى بدى الصرع معهااا وجلست حوالي سنه تتعالج بااااستمرار
اهم حاجه الاستمرار والحمد لله تحسنت حالتها واتمنى انك تعرفي اذا صرع ولا تشنج لانه عمتي المرحومه كان فيها تشنج بس عادي تاخذ حبوب وعلاجات ومراجعات لاكن الصرع حتى الشيخ يقول مايجي الا من الشيطان بسم الله علينا وعليكم واتمنى تتاكدي ولتاكدتي افضل شي قرايت الشيخ الله يشفيه يارب ويسخركم لبعض ويحفظكم