كوبونات الراقية تسجيل الدخول

بنت القصيم3

ياحريم والله أني تعبت أبي بيــــــــــــــــــــــــت مثل الناس!!!

الأسرة والمجتمع •

السلام عليكم ورحمة الله وبركاته ... مساكم / صباحكم خير ..

أبي أبدأ بمشكلتي بدون مقدمات... أنا سلمكم الله أسكن في نصف الدور الثاني عند أهل زوجي ... يعني لي جزء منه ولهم جزء والدرج طبعا مشترك...
والمدخل الرئيسي باب الشارع أيضا مشترك..

لي هالحين تقريبا عشر سنين عايشه في البيت .. وعندي الله يصلحهم ولد وبنت ...
طبعا أنا مدرسه وعندي شغاله لها غرفه في السطح العلوي.. وطبعا ماأقدر أطلع لمها إلا بتغيير لبسي لأن الدرج مشترك ... فقليل جدا أني أشرف على غسيلنا أو على شغالتي ..

والحين أنا أحاول مع زوجي الله يهديه أننا نطلع ببيت لحالنا ملك ... وأنا اللي بشتريه عن طريق البنك لأني ماني من النوع اللي يمسك أيده ويجمع..
وللأسف ماهو معطيني وجه أبد .. يقول صعبه أني أترك أهلي وأمي مع أنه ماشاء الله البيت مليان بنات وشباب..

وأحيانا يقول خلاص ماعندي مانع وأقوله يالله دق على المكاتب وأسأل عن بيوت يصرفني ..
وقلت طيب أنا بدور .. فال دوري وإذا لقيتي علميني.. ودقيت على مكاتب كثيره ولقيت بيوت سعرها مناسب لراتبي .. ويوم قلت يالله هذي مجموعة بيوت خلنا نشوفها قال أنتي مجنونه..
ترا لو طلعنا من البيت ماراح تشوفيني من العصر إلى الليل أبي أصير عند أهلي..ويقولها بعصبيه
حاولت أهدي الموضوع وسكت فتره.. وهالحين بديت المحاوله وقلت ندور بيت قريب عند أهلك علشان متى مابغيت تمرهم ولا تطول عليهم .. ولا أستفدت شي بس يعصب من أجيب الطاري..

مع أنه قبل كم سنه أقوله طلعني بيت أجار وأنا آخذه قال حلمي بيت إلا إذا كان ملك.. ويوم صرت مقتدره أني أشتري البيت صار يتهرب ويطلع كل يوم عذر شكل...

الله يجزاكم خير يابنات والله أن نفسيتي تعبانه من هالوضع ودي يصير لي بيت ملك ومستقل والله صبري نفذ يكفي تحملت كل هالسنين...

الله يجزاكم خير اللي عندها فكره ولا حل ممكن أتوصل به للي أبيه لاتبخل علي وجزاكم الله خير...
48
7K

هذا الموضوع مغلق.

ام جنو111
ام جنو111 •
مافي حل الا انك تحاولين فيه لين يوافق والله يسخره لك ان شاء الله ويوافق
$القلب الحنون$
$القلب الحنون$ •


مدري ليه انت متضايقه!!!

أنا نفس وضعكـ

وماشاء الله ما عندك غير ولد وبنت

يعني ما زال الوضع مسيطر عليه

شوفي سالفة الطلعة صعبه على الرجال

وما راح يفكر بالاستقلال الا اذا ضاقت بكم الشقه

الله ييسر لك امرك

عليك بالدعاء..
تفاحة سماوية
تفاحة سماوية •
اضن انه يفكر بأنه يشتري بيت من فلوسه هو مش من عندك
يعني مايبي يحس انك متفضلة عليه
طيب اقنعيه ياخذ قرض براتبه هو

الله يسخره لك
ورده خربزيه
ورده خربزيه •
خلاص كانه يبي يروح لهم من العصر لين الليل قولي كانك تبي نام عندهم بعد كلها كم شهر ويمل الله يسخره لك
رذاذ وبس
رذاذ وبس •
نفس كلام الاخت ( تفاحة سماوية ) وهذا اللي اتوقعه وبقووووه ... من خلال كلامك عن اسلوبه

هو ما وافق لك لانه منقهر ليش انتي اللي تشترين البيت مايبيك تصيرين متفضله عليه وتنقص رجولته