ياسمينة السلام عليكم

بما أنك جربتي هذا الطبق اللي باين عليه بالفعل رائع حبيت أسألك كم سؤال إذا سمحت :

1- بالنسبة للمقادير ذكرتي مرتين زنجبيل مرة قطعة متوسطة والثانية م ص زنجبيل (تقصدين الثانية بودرة ولا هم طازج).

2- الحين الزنجبيل لما تخلطينه مع الثوم الفصوص شلون يصير صلصة راح يكون ناشف لأن الثوم عبارة عن فصوص والزنجبيل بعد ؟؟؟

بصراحة أسئلتي وايدة (اللي يقول ماأعرف أطبخ) بس حبيبتي ممكن تعيدين الطريقة مع ذكر الانواع المضافة يعني لما تقولين زنجبيل قولي أي واحد فيهم والثوم بعد وكل شي واللي يعافيك ؟؟ ناوية أسويه هاليومين

ومشكورة

شوفي يالغالية .. انا هم نفسك قريت الكلام 10 مرات عشان افهمه ..
في النهاية سويت اللي يمليه علي ضميري هههههههههههههه

راح اعطيك طريقتي اللي اتبعتها بالتفصيييييييييل و الخياطة :)

2 دجاج منقوع في ( 1 م ص فلفل احمر + 1 م ص كارام مسالا - هذه اضفتها من عندي - + 2 علبة روب + ملح + 6 ثوم مهروس + 1 م ص زنجبيل مهروس + قليل من لون البرياني الأصفر )


بعدين سخنت الزيت و حمرت فيه البهارات الصحيحة اللي مذكورة بالمقادير ثم حمرت بصل مفروم ناعم و اضفت 5 ثوم مهروس + 1 م ص زنجبيل مهروس ثم الطماطم ثم الكمون و الكزبرة المطحونتان و الفلفل الاحمر البودرة

بعدين اضفت خلطة الدججاج ثم الحليب و الكريمة و الزعفران و الملح

و بعدين الرز ... بس انتبهيييييييييييييي .... انا ضاعفت المقادير .. و حطيت كوبين حليب و علبة كريمة مخفوقة .. و مع ذلك الماء كان كثير شوي ... يعني لا تحطي كمية الحليب المذكورة كلها ... اضيفي الرز و بعدين شوي شوي صبي الحليب عشان تتأكدين من مقياس الماء فوق الرز


و طبعا قدمته مزينا بالكازو و الزبيب و البصل المقلي

و قدمت بجانبه سلطة الرايتا ( روب بالبصل و الطماطم و الفلفل الاخضر الحار )....

كان لذيذ معه جدا

شكرا لك عزيزتي

شكرا لك يا ام دانة على الوصفة والله لايحرمنا من الناس الطيبة اللى تفرحنا باطباقها الحلوة :cook: :26:

شكرا لك ياسمينة على التجربة :26: :27:
وحفظتة عندي ليوم عوزة :)))))))))
لان اللى عندي ما يحبون الاكل العيوش ...يسوون في البيت ولا حد ياكل كثر العيش الابيض الذي يحتل الصدارة

ياسمينة يعجبني ذوقج واسلوبج في العرض ...ما شاء الله عليك ...تشجعين

بس لاحظت انج تحبين الرز والمقبلات بشدة :24: :cook:

تحياتي يا عسسسل

اختي رقيقة

العفو يا حياتي وحنا بالخدمة



:26:




اختي الغالية جدا جدا جدا مس شيف
ام دانة ما تقصر و تستاهل كل اللي نسويه عشانها
ونت بعد تستاهلين لكن اشوفك هالأيام مقصرة بنشر الأطباق ... عسى ما شر ؟؟؟
ترى اطباقك روعة و معتمدة و حرام وحدة مثلك تبخل علينا :(
يالله ورينا شطارتك و خلي ايام زمان ترجع :27:

عن نفسي صدقتي .. احب طبخ الرز بشدة ... و اشعر ان المتميزة هي اللي تعمل اطباق غداء مميزة
و بالنسة للسلطة .. يمكن لأن احنا نحب الاطعمة الصحية و نحاول دائما نخفف من الاطعمة الدسمة .. لذلك السلطة وجبة اساسية بالنسبة لنا :)