والله انا عكسج ليت اخو زوجي اللي اصغر منه يتزوج عشان افتك من غيرة زوجات حمواني الكبار لاني اخر وحده تزوجت فيهم وحاطين عينهم علي في كل شي وعلى طول ينتقدوني وانا طبعي هاديه وساكته ,, ياليت اخو زوجي الصغير يتزوج عشان ينشغلون عني بالعروس الجديده وارتاح منهم ههههههههه

لا يابنات


الاخت معها حق تغار


شي طبيعي سبحان الله


انا افكر لو بيخطب اخو زوجي بغار احس ان الاضواء بتروح




المهم اختي


والله اني اتمنى ان اني اصادق سلفتي واحبها بالعكس


وحتى دعيت لها وانا اولد ولا دعيت لهل زوجي

بس طبعا ماقلت لها اني دعيت لها

بس هي اذا صرنا لحالنا تعاملني كويس


واذا صرنا عند اهل زوجي تحاول تسفهني وتغلطني


وكل شي اقولة غلط وكل شي اجيبه قديم


لان اهل زوجي بما اني عروس يطيرون بااي شي مني


بس نصيحة صادقيها

انا احس اني عادي اقولها اسرار بس مستحيل اقول لخت زوجي اسرار

عشان كذا اكسبيها وخليك راعية الاولة

عزيزتي احلى ام
كان لي نفس تجربتك حسيت نفس احساسج مع العلم انا جميله ولله الحمد وزوجة حماي الجديده كمان جميله لكن من زود الحاله النفسيه سويت تغيير كبير في ملابسي ومكياجي وعند وصول العروس الجديده اصبحت انا العروس وليست هي ولاحظ الجميع الفرق وانتبه الجميع لاناقتي وعدم اناقة العروس الجديده بحكم انها بنت خالهم وهي اعتبرت روحها بنتهم ولم تكلف نفسها بالتجهيز بمستوى كبير لكن تدرين هالشي سبب لها غيييييييره كبيره مني وكرهتني واستمر الوضع الى الآن تنافر بينااااااا كبير وانقطعت الصلات
عزيزتي اتركي الغيره وحسني علاقاتك مع الجميع ارجو لك التوفيق

سبحان الله ليه الغيره ؟احس ان الموضوع مره عادى خطب وتزوج وبعدين؟
خصوصا انو علاقتي معها بتكون رسميه مجرد وحده بتزيد في العائله بالعكس لازم تفرحين له
احس انها انانيه انى اغار بس لان الاضواء بتروح منى
وبعدين انتى قلتى علاقتك مع اهل زوجك مو ذاك الزود يعنى بالعكس افرحى لانهم
بيلقون وحده يلهون فيها عنك
انا قد وحده من صحباتى قالت لي انها تغار لان اخو زوجها تزوج بس كان معها عذر تقول المهر اللى قدموه اهله اكثر بكثير من مهرها
وشبكتهم احلى بكثير من شبكتها تقول كل هاذا لان العروس كانت تقرب لخالتها ام زوجها
لكن هى قالت كان كل شي على اهلها
يعنى هاذى ممكن اعذرها انها تنقهر وتبكى لانهم ما حشموها زي مرة ولدهم الجديده لكن بس كذا اغار
من غير سبب :09: مستحيل اغار لانى واثقه من نفسي ومافي سبب اصلا اغار عليه الا بالعكس افرحله واجهز معهم في زواجه:):)

انا عكسج مب غيره خووووف
لانهم يفكرون يزوجون ولدهم
ومشكلة عمتى الله يسامحها اول ماتزوجت عبت راسي على سلفاتي..اللي بغت زوجي لاختها.واللي قالت عني ماعرف شو يوم درت انهم خطبوني..صدقوني سنه وانا قلبي اسود عليهن مساكين
مع العشره عرفت انهن طيبات وفهمتهن..والكلام اللي انقال عالكس تمااام.وصارلهن نفس اللي صارلي يوم اتزوجت من كلام عمتي
والحين وحده منهن مصره اول مانتأكد انهم خطبوا لولدهم بتكلم عمتي بصراحه لاتسب فينا او اتكره بنت الناس فينا..
انا عني بسوي بأصلي واصاحبها..ومعروف ان عمتي بتسب فيني انا اكثر هالمره لاني الاخيره خخخخخ

ويابنت افرحي شوفيني اسوي ريجيم استعداد لعرسه خخخ
خذي الموضوع بروح رياضيه..ابى اضعف عشان مايقولون هذه الدبه حرمة اخوه :)

يالله اشغلي عمرج بالاستعداد وفكري اي هديه بتهدينهم بس لاتبالغي فيها

وحطي في بالج انها بتكون اختج بهالبيت:)