صباحكم/مساءكم سكر يااحلى اعضاء
احببت ان تكون اول قصيده انزلها هنا من كتابات الشاعر:احمد الصانع
.
.
جاني واحد قال : بسأل كم سؤال
وقبل يسأل قلت : أنا ماني خبير !
قال: جاوب بس , يا ولد الحلال
وكل كلمه حِطَّهَا .. بشطرٍ صغير
قال نبدي : شنهو تعريف المُحال..؟
قلت :
خَل هالكلمه فـ البيت الأخيـر ..!
القهــر : إن شفت دمعـات الرجال
و الوطن : ( إنسان ) .. مِتغيِّر كثير
و الطفل : لعبه على شاطـي الرمال
و الأمل : إحساس في عين الضرير
الوفا : .. يجمَعهُم حلال
و الرَجُل : اللـي علـى أهلـه يغير
و الرجا : لا قلت : للواطـي تعال
و الفشل : مدري .. ولكنـه مرير
و الشعر : في وقتنا .. بدر و طلال
زين أوَّل : حيـل يعجبنـي جرير ..!
و الغلا : إحساس إلى حَـد الخيال
و العِشِق : لا شفت مَعشُوقِك تطير
و الجفا : إعكس مفاهيم / الوصال
و الوَصِل : يعنـي تأكَّـد فيك خير
و العقل : تِسْفَـه أقاويـل الجهال
و الجهل : إن قلت عن نفسك كبير
و الخطر : لا صار ما عندك مجال
و البلا : إن صرت معدوم الضمير
و العجب : لا صرت تسأل منهو قال
و التعب : إن كنت تِبْحَثْ عن مصير
الغنى : بالنفس ما هو راس مال
و الفقر : من كان .. بـ أعماله فقير
يكفي يكفي .. أسئله إنهي الجدال
ويـ الله علمني عَن .. السِّر الخطير
ما أبي تضرب لي في غيرك مثال
قول : عنِّك وإعتبر سِرِّك في بير
جات طعنـه مِن جنوبك والشمال
يعني وضعِك بين مِن حُولك خطير
صاحبـي وإن ضاقت بعينك ليال
لك فرشت القلب مفروش الحرير
في .. ممنوع العقال
والمصيبه الشعب ما إختار الأمير
وما ألومك .. كان شدِّيت الرحال
دام بيتك جرح / وفراشك حصير
هذا تعريفي إلى كلمة : مُحَال
شيء ودِّك فيه ولا يمكن يصير .!
زرعت بقلبي غلاكـ @zraat_bklby_ghlak
عضوة جديدة
يلزم عليك تسجيل الدخول أولًا لكتابة تعليق.
اشواك النجاح
•
خطيييييييييييييييييييييرة رووووووووووووووعة ... أبيات جميلة معبرة سلسة ...... تسلمين أختي على النقل دليل ذوووووووووقك الرائع ......... البيت الأخير مؤثر.
الصفحة الأخيرة