بديل البخور ( الكبو ) على طريقة جدتي ... ادخلي وتعرفي عليه ..

السلااااام عليكم ورحمة الله وبركاااته...


حبايبي هذا الموضوع ترددت كثيير في كتابته... لأني متأكدة أنو هالشيء جديد ...


حتى أنا لما سألت جدتي .. كانت معلومة جديدة لي ... فحبيت أشارككم فيها ...


قبل كل شيء...


ثقافة الحريم الصحية وقت النفاس والدورة ... تختلف من منطقة لأخرى...

يعني اللي تعودوا عليه حريم المنطقة الغربية ... يختلف شوي أو كثيير ... عن اللي تعودوا عليه حريم المنطقة الوسطى .. مثلاً ..

وأخواتنا من مصر لهم طريقة ... وأهل المغرب لهم طريقة...


وأهل مكة أدرى بشعابها زي ما يقولو...



المهم .... أنا بعد ما قرأت كثيييير عن البخور وقت النفاس ( الكبو ) وسويت بحث كثييير عنه... ناس تمدحه بشده وناس تذمه... وبصراحة كنت متردددة في استخدامه .. لأن ثقافة البخور مو معروفة عندنا كثييير ... وأنا ماعرفته إلا من النت ..

فقلت لنفسي ليش ما أسأل الحريم الكبار عندنا ؟؟؟ لأنهم مرو بتجارب وخبرات أفضل منا إحنا الشباب ...

وقبل يومين كنت عند جدتي وسألتها ... أول شيء عن البخور؟؟؟ قالت مانعرفه ولا نستخدمه... وعصبت علي :mad: خخخ تقولي مو زين ( هذي ثقافتهم )

طيب يا أمي ايش تسوووون للنفاس ؟؟؟؟



قالت نسوي النجاير


الاسم غريب .... ؟؟؟؟؟



وهي طريقتها ....


يجيبوا قدر ويحطوا فيه ( بشام .. حرمل .. إذخر ) وهذي كلها تنبت طبيعي في البر... ومعرووفة

ويغلونها في موية ... ويتركوها لين تبرد....

وبعدين يجيبوا 5 أحجار .. تكون مسطحة وحجمها متوسط .. ويغسلونها زييين ... ويحطوها على النار حتى تصير حمرااااا ..



وبعدين تجي الحرمة النفاس وتوقف على القدر... أو تستخدم الكرسي اللي فيه فتحة من فوق ويكون القدر تحتها ... تكون متغطية ببطانية او لحاف ثقيل .. وتُرمى الأحجار في موية الأعشاب ... فيطلع منها بخار ماء دااافي .. يدفي النفاس .. ويدر اللبن كماان ... لدرجة أنو اليوم الثاني ماتقدر ترفع يدها من ثقل اللبن بصدرها ...


وطبعاً تحرص أنو ما يجيها هواء بااارد في هالفترة ... وتتغطى مزبووط...





هالطريقة يسوونها للنفاس بعد الولادة بأربع او خمس أيااام...




وهذي طريقتهم .... وحتى ام زوجي سألتها ... وبرضو يستخدم هالطريقة .... حتى الحرمة اللي كانت تولد الحريم في الحي عندنا .. كانت تسوي هالطريقة للنفاس....





وعن نفسي ناوية أجربها في نفاسي هذا إذا ربي كتب لي.... وراح أعطيكم تجربتي بعدها....




وأعيييد.... وأكرر .... لكل ناس طريقتهم...




أنتظر آرائكم.... واللي تعرف هالطريقة ... تعطينا من خبرتها ...




مع كل الود ....................... :)