حالتك مثل حالتي تمام
انصحك تروحين عن دكتوره غيرها تعيدلك الخياطه وتتعبين مره احسن من تعب سنين او خياطه تجميليه بعد ست اشهر يعني ترجعين نفاس
قصتي يا طويلة العمر اول مره اولد طبيعي بعد ولاده عمليه يعني ولدي الاول ولدته عمليه وماعندي خلفيه عن النفاس الطبيعي قص وخياطه وعنايه خاصه بصراحه ما عندي اي معلومه وما حد قالي من الي حوالي شي ولدت بولدي الثاني طبيعي وكان اكلي عادي بس اهتم بلمشروبات الدافيه وجاني امساك الله يكرمك كانه ولاده ثانيه فكك الخياطه والتهبت والام اللهم ياكافي فخفت رحت لدكتوره قالت انفك عند غرزتين لكن خذي ميبو واتشطفي بماء والبيتادين وراح يلتأم الجرح من حاله دون اعادت الخياطه
بنسبه للالام والالتهابات الحمد لله ارتحت وخلاص بعد النفاس الاربعين رحت لدكتوره ثانيه وخاصمتني قالت الغرز مفكوكه واللتأمت على كذا مفتوحه ليش ما جرحتها الدكتوره وخيطتها من جديد انتي في فترت النفاس يعني تبغين مرحله نفاس ثانيه انا انهبلت وقالت بعد ست اشهر تعالي اسوي لك تجميليه اذا مابتحملين قريب زوجي رفض قال خلاص خليك كذا لين تجيبي مولود جديد وصلحي ما افسده الدهر هههههههههههههه
والله اني عانيت ومازلت في المعاناه حتى ربي يسهلي ولادتي ان شاء الله حتي اني قررت بأذن الله اولد في مستشفى خاص
مخصوص عشان هذا المشكله فأنتي انتبهي لنفسك بينما انتي في فترة النفاس
وتجنبي الامساك افه لنفاس مصيبه خذي من الصيدليه دواء خاص للامساك
ومعليش على الاطاله لكن من حرت مافي قلبي وما اريد لك الا كل خير

نصييييييييييحه روحي لدكتوره ثانيه
خل تخيييييط لك قبل تندمين بعدين
يمديك تلحقين على عمرك
وترجع تخيطك مره ثانيه

بعضهم يفتح معاها غرزه غرزتين بعد شهر وترجع تخيط من جديد < وطبعا تعب من جديد
بس انتي توك لك اسبوووووووع ..

على فكررررررره
خوذي ملين
انا استخدمت اجيلاكس الاصفررررر
مرتين باليوم ملعقه كبيرررره ..

عشان اتفادى الامساااك

تفضلي نسخت لك نظام الغالية قشر قهوة ونصيحة أمشي عليه ....وبالنسبة للخيطة لازم تعيديه ألأن في نفاسك هذا..

واكتب لكم من وسط عجاجه الكبو والحلتيت

واتمنى تختفى مواضيع الاهمال الملاحق بالاكثريه

وتهتم الوحده شوى بنفاسها ...

واذكروا الله ياخوات

جتنى رسائل ... تقول اكيد زوجك طاير فيك

اكيد انتى خياااال

>> مادرى احس الرجال متغير على عقبها

هههههههههههههه

كنت سعيده بتواجدى معكم

واذا ربى كتب وكنت من الاحياء

رجعت


لكل وحده منكم هنا

حامل تنتظر نفاس

او بدون حمل وتجيها دوره

الكل منكم ... محتاجه اهتمام

مطلوب منكم خطوات بسيطه

ماتكلف منكم جهد ووقت

انفعى نفسك بابسط صوره ..

مشوار واحد للعطار

يكفى ...

اذا انتى بدوره المشوار يكفيك ثلاث شهور

تحطين ادويتك بثلاجه لمده ثلاث دورات قدام

ومشوار واحد اذا انتى نفاس يكفيك الاربعين كلها

مع اخت النفاس ..

لاتقولين ماعرف

عجزت

حوسه


بتصير امورك حوسه اذا اهملتى

طلبت من بنتى تصور لكم طريقتى بالعلب

بس للاسف الجهاز مو راضي

الموضوع بابسط صوره ...


علب النفاس والدوره

علب مهمه وضروريه لكل وحده

علبه .... علبه .... مابين ... رشاد ... وحلبه


خوذى لك كم علبه ....



وحطى عليهم ورقه صغيره وسجلى عليها اسم الدواء


وابدى جهزى العلب بنفسك


علبه الكبو .....


هذه تكون وسط .. وتكتبين عليها بورقه صغيره كبو

ويفضل تكون بحمام .. دائم ...

والكبو ...

خواجوا

قرن بقره

فلفل هواء
كمون

قشر بصل

مره

وتطحن المقادير

لان الكبو الناعم يطول معك على الفحم وتستفدين اكثر

وتغلفين صحن بلاستيك قديم بقصدير

وتحطين فحم

وشوى من الكبو

بوسط كرسى الحمام

واجلسى كانك تقضين حاجه

والبسى فوطه حتى بدون دم ....

الكبو اخر الايام

من دوره ونفاس

واكتبى على العلبه

اخر الايام ...

____________


علبه .... الطبخ


تكون كبيره شوى

اجمعى فيها

حبه سوداء

ماش

رشاد

حب بدون طحن

وتحطين مع طبخك

المرقوق

المرقه

______________

علبه صغيرونه دواء قهوه

وهذا دواء قهوه شكل مبسط لكل مبتدئه

يكفيك تحطين كسره مره بفنجالك

او تجمعين بشكل مبسط

مره

عنزروت

مقل

وتطحن

وتحطين بفنجالك شوى ويكون فنجال كبير

وتشربين عليه قهوه عاديه بس بدون هيل

لان الهيل حار.. وانتى بدوره او نفاس تاكلين لهوم وتحر عليك بزياده

__________


علبه

سفوف اولى ... ايام اولى

ابسطها

ماش + حلب

تطحن ..

ملعقتين صبح

وملعقتين بالليل

واى لهوم او سفوف ماتشربين بعده مويه

او عصير

اشربى شاهى اعشاب

او حليب دافئ

___________


علبه سفوف اخيره .. ايام اخيره

وابسطها ..

محلب

رشاد

حبه حلوه

تطحن

وملعقتين صبح

وملعقتين بالليل

_________

علبه شاهى اعشاب

وتكون كبيره

وتجمعين فيها

كمون

دارسين

فوه

قيصوم

بدون طحن

وتطبخين مويه بابريق

وتحطين شوى من الشاهى

ويطبخ

ويحلى عادى ...

الشاهى طول الايام

ايام اولى + ايام اخيره بكل وقت

___________

علبه الخمس الفنجايل

وهذه مقاديره معروفه عندكم

تكون اخر ايام دورتك

واخر ايام نفاسك

والعلبه تكفيك شهور قدام بس تكون بثلاجه

__________

علبه صغيره

فلفل اسود

مطحون

رشه مع اكلك

رشه مع الحليب الساخن

واكتبى عليها فلفل رشه

والفلفل طول الوقت

______________

علبه صغيره رزنه

مطحون

مع كاسه الشاهى حطى شوى واشربى

هذه كل وقت طول النفاس والدوره


___________

علبه غسول

وتكون وسط

اجمعى فيها

ارطا اعواد وقشر مان

واطبخى شوى منهم

بقدر ويركد

ويستعمل غسول

اخر الايام من دوره ونفاس

اول الايام ملح ومره افضل

__________



هذه عشره علب


10

انتى بحاجه لها ....

بكل دوره

وكل نفاس

بشكل مبسط

طبعا فيه ادويه وخلطات تدخل بتركيبها مكونات كثيره

وصعبه

بس اعذرونى ماقدر اقولها تخص الوالده ... وهى تاجره فيهم

بس الى قدرت اكتبه ويفيدكم كتبته ...

نظام علب بسيط

بس فيه فايده

اذا استخدمتتى العلب وسط جو صح

يعنى وسط محافظه

من الجوع

والهواء

والشمم

والترويش الغلط

والمشى حافيه

والاكل الممنوع

بتكون امورك بخير

بس لازم تلاحظون ان اذا الوحده عندها اهمال كبير قبل

ومعها مويات وصوت

وغيرها

ممكن تحتاج ادويه زياده

او اضافه للادويه ..

بس العلب شامله للجميع

واى وحده منكم عندها العلب

بكل دوره

وكل نفاس

بكون مرتاحه انها بخير

وماعليها ...
المغتربات بالخارج

ياليت تهتم كل وحده تاخذ معها علب بالسفر

لانى اوقف عاجزه عند كل رساله مغتربه

وتعبانه ... وماعندها ادويه !!

الله الله بعلبكم

اقصد بانفاسكم ودورتكم

موفقين خير ....

اللي رحت لها دكتورة ثاانية اخصائية غير اللي ولدت عندها
د. اسماء شحرور وقالت الان ما اخيط لك استخدمي الغسول والمرهم وراجعي بعد اسبوع!!!!!!!!