رايكم في زواج البنت بعمر 17 و16

السلام عليكم ورحمة الله وبركاته
رجعت لكم بموضوع جديد معليش تحملوني مالي غيركم استفدت منكم كثير والحمد الله بمساعدتكم لي و نصايحكم لي اموري مستقره وزوجي مافتح موضوع الزواج مره ثانيه ولا عرف اني رسلت لزوج اخته
موضوعي هذا يخص بناتي الكبار وحده 17سنه والثانيه 16 سنه
انا من جبت بناتي وانا اتكلم واقول ماراح ازوجهم وهم صغار مايبي يشفون الي شفته ابي يعيشون حياتهم ويكملون دراستهم لاحقين على الهم والمسؤليه
اول مره انخطبت بنتي الكبيره وجدتها الله يرحمها عايشه وكان عن طريقها وهي رفضت قالت البنت صغيره انا ماتوقعت انا تنخطب بنتي في هالسن واكثر من مره طبعا من غير تردد ارد على اهل الخاطب بكل احترام انا البنت صغيره على الزواج ومابي ازوج بنتي وهي في هالعمر بعد ماخذت الاذن من ابوها وقالي سوي الي تبين البنات بناتك
للان كلشي تمام
قبل ايام اتصلت وحده تبي تزورني تتعرف علي وماجابت طاري خطبه ولا شي تبي تجي لي يوم الجمعه وعرفت عن طريق زوجة اخوي انها تبي تخطب بناتي الثنتين مو وحده تبي الثنتين لاخوانها هالحرمه تقرب لزوجه اخوي انا انصدمت مابي ازوج وحده تنخطب الثنتين
تكلمت مع زوجي في الموضوع قالي تبين نصيحتي خلينا نفرح في البنات لا تقطعين نصيبهم اذا الرجال زينين وكفو ويستاهلون بناتي خل نووافق ونتوكل على الله قلت له وش الي غير رايك وانت مأيد كلامي مانزوجهم وهم صغار قالي بس كذا غيرت رايي ماصدقت قلت له لا تكذب علي اذا فيه شي قوول وش صاير انا مابي ازوج البنات مابي يعيشون هم وعذاب مثلي اصبر وفي النهايه مايبين في عينك مدري وش خلاني اغير السالفه واقلبها عليه
قالي وهو منقهر هم البنات للممات قلت له رجعنا لنفس الموضوع بنات وبنات احمد ربك غيرك يتمنى هالنعمه ويصير عنده عيال احمد ربك بناتك بصحه وعافيه وشوفهم متفوقين بدراستهم وربي موفقهم وهذا ينخطبون وش تبي اكثر من كذا قالي لو تدرين وش صاير ماقلتي كذا قلت وش صاير بتتزوج عشان تجيب ولد تزوج وفكني وريحنا انا وبناتي منك ومن خواتك قالي وهو منقهر لا اختي خربت على بنتي ناس سألينها عن بنتي قالت ابعدو عنها الديره ملينا بنات قلت له حسبي الله ونعم الوكيل عليها وش تبي مني قالي رحت تهاوشت معاها قلت لها تكرهين زوجتي سكت اما انك تخربين سمعتة بنتي لا وعندها خوات يقول هددها ان سمع اي كلمه عني او عن بناتي بتشوف شي عمرها ماشافته وكلم زوجها يقول يربي زوجته انا استغربت كل هذا صار وماتكلم قالي من غير شي وانتو اعداء ومشاكل تبين ازيد الطين بله وذكرني باليوم الي صار فيه هالشي راجع معصب ويسب وكان مواعدنا نسافر كم يوم نغير جووو وغير رايه

قالي زوجي انسى خواتي ولا تفكرين فيهم المهم الحين البنات خل نتوكل ونفرح فيهم يقول ابي اقهر اختي قلت له تبي تقهرها مثل ما قهرتك وشالت يدها من زواجك ترجعها لاختك والضحيه بناتي قالي لا والله ان صح انقهرت منها لانها واعدتني وشالت يدها من زواجي ورمتني على حصى بس الحمد الله فكرت في الموضوع وقلت خيره لي ماتدرين من كرهها لك ولبناتي وش تزوجني قلت له شاكه في الموضوع انك تتهم اختك مهما صار بينا من مشاكل مستحيل تخرب سمعه بنت اخوها قالي تبين تتأكديين كلمي اخوك ابو فلان وتأكدي من صحة كلامي من قالي كذا قلت له دام الموضوع فيه اخوي اكيد جد الموضوع قالي اي اخوانك مايكذبون بس انا اكذب وماتصدقيني
كلمت اخوي وماخذت منه كلام عدل مارضى يقولي كلشي بالتفصيل قالي بس قولي حسبي الله ونعم الوكيل وربي ينصرك وينصر بناتك ابي اعرف وش قالت قالي ماقالت شي عن بناتك قالت بس يبعدو عنهم ليش الله واعلم طيب قلت له وشولون عرف ومين قاله مارضى يقول قالي خلاص انسى الموضوع قلت له تفكر اذا ماقلت برتاح قالي مصيرك بتنسين وبتفرحين في بناتك
والله لي يومين وانا افكر ابي ارتاح حاولت انام ماقدرت قلت مالي الا بنات حواء يساعدوني ارفض ازوجهم بس اخاف عمتهم تطلع لي بسالفه جديده وتخرب عليهم كلشي ولا بناتي اتعب على تربيتهم ويجي من يخرب سمعتهم او اوافق مع اني مو متخيله ازوجهم بهالعمر
اختي تقولي وافقي وزوجة اخوي تقولي والله لو عندي بنت في هالعمر وخطبوها ازوجها ليش اقعدها جمبي خل تعيش حياتها مع زوجها دام نصيبها في هالعمر كثير بنات يتزوجون وهذا احنا تزوجنا ماصار فينا شي