زوجي عاق

الأسرة والمجتمع

زوجي عاق والديه مايسأل مايروح لهم امه مايروحلها الا في السنه مره وابوه نادرا يروح له
نصحته كذا مره وزعل مني ان مالي شغل وانا اخاف ان الله يعاقبه '' امه وابوه منفصلين وكل واحد منهم متزوج زمان ابوه يوم طلق امه رمته هو وخته على ابوهم وتزوجت وابوهم كذالك تزوج وامه مكانت تسأل عنهم وكانت زوجة ابوه تضربهم حتى ابوه كان قاسي معاهم ويضربهم .
زوجي يحب اخته اكثر من والديه لانه قبل صارحني انه يحبها اكثر من امه واخته اكبر منه بسنتين
ابوه يحاول يتقرب منه هو واخوانه من ابوه بس هو مطنشهم حتى امه ممكن بالسنه يمرها وياقف يسلم على الباب احيانا ويمشي حاولت فيه بس إذا فتحت معاه الموضوع هذا زعل واخته متزوجه وكل شوي يروحلها
.... طبعا انا متزوجه من عشر سنوات وحاطني فوق راسه ومايقصر بس مشكلتي ودي انه يروح لامه وابوه اخاف الله يبلانا في عيالنا بكره
27
7K

يلزم عليك تسجيل الدخول أولًا لكتابة تعليق.

تسجيل دخول

نورالمساء 29
نورالمساء 29
انا اشوف انك ماتدخلين بينه وبين اهله طالما انه معاك كويس
أحلام رقيقة
أحلام رقيقة
عملتي الي عليك وربك بيجازيك ع النيه ، الباقي ع زوجك، والله يصلح اموركم
بوح المساء
بوح المساء
اللي عليك سويتيه قدمتي النصيحة والله يجزاك خير
بس لا تضغطين عليه كثير
الله يصلح حالهم
شواقه وروحي مشتاقه
الله يصلح الحال بس زوجك مر بظروف صعبه لان ام تخلت عنه والاب يضربه انتي ادعي الله يهديهه
وَرد
وَرد
حب الام والاب لأولادهم حب فطري خلقه الله في قلوبهم
لكن حب الأولاده لأهلهم مايجي الا بالتربيه والمعامله الطيبه منهم لأطفالهم
ولو الطفل وهو صغير ربته غير امه يحبها وينسى امه لكن امه عمرها ماتنساه
والصراحه لا أم زوجك ولا أبوه ماقدمو له الشي اللي يخليه يحبهم بغض النظر عن كونهم والديه يمكن ماسامحهم الى الان
ام تتخلى عنهم وترميهم وأب قاسي ماحن عليهم ولاعوضهم عن فقد امهم
اتركيه على راحته هذول اهله وهو أدرى بأفعاله عليك التذكير فقط من فتره لفتره
مو كل شويه تذكريه فيهم
وأهم شي تعامله معاك طيب خلاص حافظي عليه وعلى بيتك