أنوي أحمل ولا أنتظر.. دلوني لو سمحتوا

بعد التحية والسلام. المشكلة باتخصار اني متزوجة ومعي ولد عمره 4 سنين. حملت فيه من اول الزواج يعني ما امداني اتهنى. والحمدلله زوجي لقى شغل بس كله سفر. ولدي يروح الروضة يوميا والحمدلله حياتنا منظمة. نوينا انا وزوجي الحمل بعد العيد هذا لكن الحين بينقلونه لدولة ثانية كل شهرين, يعني كل شهرين في بلد ويرجع لنا شهرين وبعدين شهرين بلد ثاني وكذا. يغيب شهريب ويرد لنا شهرين. صعب انتقل معه من بلد لبلد وبنفس الوقت صعب احمل وأولد و نفاس لوحدي ما حولي اهل ولا صديقات ابد ابد. اهل ببلد وانا ببلد. يمديني اجيب امي للنفاس تقعد معي شهر بس اخاف من التربية. طفلين لوحدي خصوصا اخذ الكبير مدرسته بنفسي كل يوم الصبح مع طفل رضيع في البرد والمطر والثلوج. والعصر ارجع اخذه بنفسي. ما حولي جيران اامن عليهم. مواعيد طبيب ولو مرض حد منهم لا سمح الله والمشتريات من اكل وشرب وملابس كلها علي بغياب زوجي. مقدر اجيب خدامة ابددد.. ابغى احمل بس عشان ولدي وحيد كاسر خاطري ولا انا مرتاحة بطفل واحد للحين. زوجي يقول انتظري للعيد الجاي, بس احس فارق العمر بيصير 6 سنوات يعني مافي انسجام.
الخلاصة.. احمل الحين وابتلش لوحدي عشان خاطر ولدي؟ الفرق بيكون 5 سنوات.. ولا انتظر سنة ونتقاسم انا وزوجي التربية؟ الفرق بيكون 6 سنوات
وهل فارق العمر يشكل مشكلة بالانسجام؟