حبيت اشارك معكم في موضوع الهدايا

بالنسبة للوالدات الاقارب جدا مثل مرة اخوي او اختي اهديهم بقيمة الف ريال

اما اخت زوجي وسلفتي غالبا اهديهم فلوس وتكون ميتين لكن مع الغلا زودناها الى 300

اما باقي الاقارب فانا اقاربي ماشاء الله كثار جدا جدا فمين اهدي ومين اخلي يبي لهم ميزانية دولة ماشاء الله وبعض الاحيان ما الحق اسلم عليهم .. فاكتفي بالقهوة اسوي قهوة ومعها طبق حلى اما من شغل البيت او جاهز ما يكلف سبعين ريال وبس .. بعض الاحيان اشتري جلاسة للبيبي اللي تجي عملية وقيمتها رحيصة بحدود الستين او السبعين وطبعا الغي طبق الحلا اللي من برا

بالنسبة لهدايا اللي نازلين بيوت جدد ... هذي بتكون للخاصين جدا من اقارب واصدقاء وتكون قيمتها الفين او ثلاثة على حسب وطبعا بشرط يكون بيت العمر يعني بيت ملك او نشوف وش ناقص عليهم واهدي لهم مثلا لو غسالة او مكيف او ثلاجة

طيب هدايا العرايس .. بصراحة اول امي لازم تهدي اقاربها اطقم ذهب .. لكن اشوف هالطبع اندثر من زمان بسبب الغلاء فيكتفى بالسلام والمباركة .. اختي يوم زواجها كنت مريضة وخيرتها بين اسوي لها عزيمة كبيرة او اعطيها اياها فلوس فهي تقديرا لظروفي قبلتها مني فلوس ...
اه نسيت اقول لكم اخوي لما تخرج حطيت له ذبيحة ببيت اهلي وجمعت اهلي واخواني عليها وبس
وكل هالهدايا والشغلات وانا من النوع اللي ما أيد الهدية الثمينة الا من اللي مقتدرين صح وظروفهم ميسورة جدا

وبس سلامتكم

ونراي معاكم بس هاليومين مشغولة مرة فاتابعكم بصمت ..

طيب وش رايكم في اختي جاها بنوته قبل سنه وسمتها باسمي .. وماقدرت اروح لها واشوفها لي سنننه لانها بعيده عني :( << لا تعاتبوني وتحرقون دمي تكفووون مو بيدي وربي ..

بس هالشهر باروح لها ..

وش اعطيها ؟؟؟؟ مع العلم ميزانيتي محدوده جدا جدا وزوجي يقول حدك 500 هذا منطق ؟

ابي رايكم بالله ..

حلو جدا فتحت لكم موضوع النقاش بالهدايا ورجعنا للموضوع حيويته

موضوع حلو ومفيد
انا ابي استشيركم زوجي يقول ابعطيك في الشهر 2000 ريال مصروف
عددنا 3 اشخاص انا وزوجي وولدي
وانا حامل كلها اسبوع او اكثر ويشرف المولود الجديد
طبعا المصروف يشمل مصاريف البيت من اكل وشرب ومنظفات فقط
ويشمل مصروفي ومصاريف الاولاد وحليب المولود والحفائض
وش رايكم اقبل ولا اريح راسي اخاف ماتكفي واتوهق

بالنسبه للهدايا
انا معارفي كثير وعندنا لازم تهدين لو وحده فتحت الباب يعني قمه الارهاق في ا قالوا اذالولاده نهدي في العيد نهدي القريبين امي وام زوجي امي الله يخليها تردها قبل لااهديها كل سنه تشتري لبنتي ذهب واخواني مايقصرون بالعيديه لبنتي واذا جيت اعطيهم يحلفون ماياخذون شيء الله يعافيهم كفوا ووفوا
سعوديه ذوق اذا الختك مسميه عليك لازم السماوه من طبعنا اهلي يومي حامل قالو اخواني اذا ولد وبتسمينه عبد العزيز على ابوي لك 10 الاف من كل واحد وهم 3 يعني 30 بس ماجاء الله يجيبه موب عشان السماوه لا نفسي اسمي على ابوي الله يرحمه
وان خالتي ولدت وسمت على عبد العزيز عطيتها 1000 اذا تقدرين تزودينها من مصروفك خير وبركه اقل شيء

القلب المهجور انت شوفي وش مصروفاتكم واحسبيها يمكن تكفي ويمكن لا كل واحد وحسب صرفه