رحلة تجارية الى الهند

المشاريع والافكار التجارية الشاملة

الاثنين الماضي سافرت الى الهند لعمل طلبيه للجلابيات من المصنع ،

في البداية بعرض لكم عدة عوامل لازم الواحد ينتبه لها اذا فكر يسافر سفره تجارية الى الهند

اهم شي يكون عندج حجز للفندق من بلدك لانك لو حجزتي من المطار يكون غالي عليك

حول المطار اكثر من فندق مثل:
لي مريديان
الانتر كونتنتل
ليلا

في فنادق على البحر بس المشكله ان بومباي زحمه موت فيفضل من الفنادق الي حطيت اسماءها،
السيارة ضروري تكون ثقة وافضل سيارة الفندق او سيارة المصنع الي تتعاملين وياه

نبدا الحين مع شغل المصانع :
المصانع لازم يكون عندك عناوينها قبل ما تسفرين لان المصانع عباره عن مكاتب في اماكن صناعية استحاله تعرفينها اذا ما كان عندك عنوانها ، والمصنع اذا اتصلتي فيهم يطرشون لك سيارة .

المصنع الاول الي زرته هو شيتل وطبعا هو معروف بس الي نعرفها عندنا غير الي عندهم ، اولا مو بس الجلابيات بعد عنده ملابس اطفال وعنده ملابس سهر روعه بس سعرها غالي يوصل لين 3000 درهم وممكن تطلبين عن طريق النت بس صراحه تستاهل سعرها .

خذيت لفه في المصنع وراواني كروت ناس من بينهم كرت مصممت بيت الاصاله اذا تعرفونه الي في فتوح الخير .. المهم شفت اسعاره مبالغ فيها حتى كسعر جمله فما خذيت منه شي .

بحط لكم اسماء عدة مصانع شغلهم حلو وومكن تستفيدون من عناوينهم اذا فكرتوا تسافرون او تطلبون من النت عموما هم يطلبون عربون وقبل ما يخلصون يطلبون باقي الفلوس وبعدين يطرشون البضاعه تأخذ تقريبا من شهر ونص الين شهرين .

جلابيات مميزة وبنزل صورها بس يبا للصور تعديل :
------------------------------------------------
Devendra L
Kalindi Overseas
704 Gokul Vatika,
M.G. Cross Road No.4,
Kandivali (West),
Mumbai - 400 067
INDIA.

Tel : 0091-22-55731519
Fax : 0091-22-28012506
Email : kalindioverseas@vsnl.net
kalindioverseas@yahoo.co.in
------------------------------------------------------------

المصنع الثاني :
-----------------------------------------------------------
MR.KISHOR.TITTA,
KALAMBIKAS,
DADABHAI CROSS ROAD,
MAYUR APARTMENTS,
VILE PARLE ( WEST ),
MUMBAI - 400056.
TELEPHONE NUMBERS - +91-22-26713481
MOBILE NUMBER - +91-9820241965.
-------------------------------------------------------------

بالنسبه للسوق الخارجي اما تلاقين سوق تعبان ما يسوى او تلاقين سوق غالي نفس اسعارنا ، الهند عندهم طبقتين اما الفقيره او الغنيه وهذا الي حسيته من اسواقهم .

كسياحه ما في اي شي يلفت الانظار في بومباي اولا الزحمه شديده جدا يعني الي مفروض توصلينه في نص ساعه ياخذ في الطريق ساعة ونص .

طلبت 26 موديل للجلابيات وان شاء الله انزلها في المنتدى والمحل اول شهر سبعه لان الطلبيه كبيرة وبتاخذ 45 يوم

اتمنى اني افدتكم وبنزل صور الجلابيات للمصانع الي حطيتها ان شاء الله .
51
42K

يلزم عليك تسجيل الدخول أولًا لكتابة تعليق.

تسجيل دخول

·!¦[· منى ·]¦!·
·!¦[· منى ·]¦!·
حمدلله على السلامه
والله يجزاتس الجنه ومن تحبين
ويرزقك من اوسع ابوابه
طموحه بوظبي
طموحه بوظبي
حمدلله على السلامه والله يجزاتس الجنه ومن تحبين ويرزقك من اوسع ابوابه
حمدلله على السلامه والله يجزاتس الجنه ومن تحبين ويرزقك من اوسع ابوابه
الله يسلمج ويعافيك
غزال غزال
غزال غزال
بصراحه إنتي إنسانه أصيله و تحبي الخير لغيرك رينا يوفقك و يرزقك و يرزقنا جميعاً يارب العالمين
مشمشه.
مشمشه.
مشكوووووووووووووووره يا عمري

والله يزرقك من اوسع ابوابه

ويفتح لك كل ابواب الخير
لوللي
لوللي
تسلمين على هالمواضيع طموحه