هذا سلمكم الله في خاطري الي كم يوم ابسألكم وأسال مشرفات المنتدى (( علاموه المنتدى )) (( بووه شيء )) بعض المواضيع تطلع عندي بالكتابه الصينيه او اليابانيه ... :44:
واحيانا اذا رديت او اقتبست نفس الشيء يطلع هالكلام اللي مادري وش يبي ..:mad:
فا ابسألكن ياجعل ابيكن في الجنه هو عندي لحالي في ذا ... والا انتن مثلي ..:icon33:
تكفن ياراعيات السناعيس >>> ترى اسمعهم لامدحوا واحد قالوا هالكلمه والا انا مادري وش تعني ..
ايه اقول ياسناعيس المنتدى ومشرفاته وش الحل .. اندبلت كبدي والله ...
تكفن لا تقولن ارسلي لقسم الشكاوى والله لو يطق الظاهر فيني عرق ماحد رد علي ...
فا شوفو حل ... انا بنتن اجوديه ولي جمهور يحتريني ,,ياما انزل موضوع .
والا ارد فالهمام الهمام يامال الجنه .. صلحوا العطال ...
شسمه بعد فيه تنبيه ثاني الحين لابغيت اني ادخل موضوع والا ارد يبطي عندي والا الطامه الكبيره لسوويت موضوع وجلست ازين فيه ساعات وبكل سهووله لايمكن والا يتعذر ,,
هاه يامشرفات تراني والله واصلتن معي منكن لو حذفتوا موضوعي والا اغلقتنه مدري شسوي !!!
الا على طاري الحذف مادريتاا ...
ياطويلات العمر قبل اسبوع كل مانزلت موضوع احذفنه المشرفات يامال الصلاح وانزل موضوع اخير قلت ياقاتل يامقتوول :mad:
مير وينقلن المشرفات موضوعي عند جيرانا يم الصحه والتغذيه وياصل معي الضغط الف ..
وازعل واترك المنتدى يوم اخذت يوم الا رساله جايتني قلت خير اكيد حذفوا موضوعي وافتح الرساله الا مثبتين موضوعي يازينه وهو مرتز في راس التغذيه ..
اثر يابنات له شعور خاص وبغيت اشوف نفسي ويجيني غرور بس امس شالوا التثبيت وايقنت ان الحياه قصيره ومااحد اخذ منها شيء الا العمل الصالح ..
ومهما رقيت لازم تنزل >> حكمه من عقلي
المهم هذريت واجد لا تنسوون ..
صلحوا عطالكم وخراب منتداكم .. ايه لا تقولون من لاب توبي . لان جهازي جديد وموديته المحل مافيه شيء ...
ايه قولن امين يارب تنصر اهل سوريا وتعجل بهلاك بشار الاسد ..
يارب توفق وتيسر لي الوظيفه انا وبنات المسلمين .. امين
خلاص طالعه لا تدفن :44:
وخصوصاً ردود سكره مالحه
شكله نوع من الخطوط اللي معتمدينها البنات بس تدرين شسوي
انسخ هالطلاسم والصقها في الرد السسريع وبكذا اقرا مشاركاتهم << مشوار صح هههههههههههه