بسم الله الرحمن الرحيم
والله يابنات مادري من وين ابدء بنتي جايه من المدرسه تبكي وحالتها حاله من مدرسه مواد الدين الله لايحللها ولايوفقها ولايحرمها مادعت عليها بنتي بنتي مريضه وعندها حساسيه من القلوتين يعني اي شي فيه قمح او شعير او شوفان او مشتقاتهم ماتاكله يعني تصورو احيانا تروح للمدرسه وهي ماافطرت تمل من الكورنفلكس ولاتاكل الوجبات المدرسيه يعني تصورو تروح وتجي ماتذوق شي تقول ماالقى شي يصلح لي كلها بسكوت او خبز او فطاير يعني غصب عليها تتعب نفسيتها وفاتحه لها ملف بالتخصصي والدكتور يقول لاتلومونها اكيد بتتعب نفسيتها خصوصا انهم مااكتشفو مرضها الا يوم كبرت يعني عقب ماتعودت على الاكل العادي فجأه تقولين لها وقفي اكيد بتتعب نفسيتها ومرضها مستمر طول الحياة
انا هالحين بقول لكم وش السالفه الرئيسيه اللي زعلت بنتي وجت اليوم تبكي وحالتها حاله بعد ماعطيتكم مقدمه عن مرض بنتي وظروفها الصحيه
بنتي جت عندي قبل فتره وقالت يمه استاذه == مدرسة الدين اخذه مني موقف ومادري شسالفه وحاطه دوبها دوبي انا قلت لها خليك ممتازه بموادها وخلاص مابقى شي وتروحين للثانوي لان بنتي بثالث متوسط
انا صادفت المعلمه ذي بحفل للابتدائي لان عندي بنتين بالابتدائي وقالت بنتي هذي هي الاستاذه == لان المدرستين جنب بعض المتوسطه والابتدائيه بشرق الرياض وفرحت اني شفتها قلت اشرح لها ظروف بنتي ومرضها وقالت مو شغلتي هذي شغلة المرشده الطلابيه قلت خلاص انتي الحين عرفتي ظروف بنتي ابيك تراعين نفسيتها وعندها قصر شوي وهالسالفه معقدتها شوي وتحس البنات يناظرونها لانها تشتكي منهم لي
وانا اتكلم معها بموضوع بنتي طول الوقت تقول انا اشتغل بذمه وانا جايني خطابات شكر وانا مطلوب مني القي درس نموذجي وانا اذا غبت البنات تضيق صدور
والزبده بالموضوع والنقطه المهمه انها تقول ليش بنتك تحكي عليك طيب تبينها تحكي على مين اذا ماتكلمت معي انا ماشاء الله عندي 4 بنات كلهم اذا جو من المدرسمه يعلموني اخبارهم وش سوو وانا مو مدح لبنتي مؤدبه وكافه خيرها شرها بس مشكلتها حساسه يعني اي شي يصير بالبيت تفكر فيه بالمدرسه
المهم بعد كل اللي قلته لها قلت لبنتي روحي لها واعتذري لها وقولي لها انا اسفه ان كنت اخطات بشي واوعدك ياستاذه اني اتغير واتشطر ونبدء صفحه جديده قالت لها خلاص روحي
تصورو يوم دخلت الفصل لقت بنتي تكلم صديقتها بالفصل ماصدقت طاحت ببنتي تهزئ واللي قهر بنتي وقهرني انا انها قالت لبنتي انتي رايحه تخرطين على امك وخلاص مانبي صفحات جديده وحطمت بنتي لين قالت بس عند البنات يعني انا ماسكتها على جنب .ليش تفضح بنتي عند البنات تعلمهم اني مكلمتها عن بنتي ؟حتى جتني بنتي منهاره
واخير انا بشوف رايكم اروح للمدرسه واكلمها والا اتحسب الله عليها
والله بنتي وابوها يدعون عليها وانا قلت الله يجعلها ان كانت ظالمه بنتي ومتبليتها ان الله يوريها في بناتها وجعل ماصاب بنيتي يصيبهم
نسيت اقول لكم ان المعلمه ذي تقول بنتي تعاملها سئ مع معظم الطالبات وكل شوي تمدح نفسها
انا بانتظار ارائكم واقتراحاتكم وتوجيهكم لي الله لايخليني منكم تعودت اني اشكي عليكم واشاوركم وسبق وشاورتكم بمرض ولدي المفاجئ وبفضل الله ثم دعائكم لولدي تشافى وشاورتكم مره بطبخات تصلح لبنتي برمضان وماقصرتو الحين لاتخيبون ظني فيكم
وسامحوني على الاطاله وعدم الترتيب بالكلام
ام الولدين والاربع @am_aloldyn_oalarbaa
محررة برونزية
يلزم عليك تسجيل الدخول أولًا لكتابة تعليق.
روحي للمديره لاتروحين لها الحقيره ماخذه مقلب من نفسها
وبخصوص بنتك عارفه حالتها يقلبي فيه بنات من اقاربنا فيهم خذي لها الدخن او القمح المقشر اسمه الثاني وسوي لها كللللللل شي مثل الدقيق كيك حلى خبز
الله يشفيها ويعافيه
وبخصوص بنتك عارفه حالتها يقلبي فيه بنات من اقاربنا فيهم خذي لها الدخن او القمح المقشر اسمه الثاني وسوي لها كللللللل شي مثل الدقيق كيك حلى خبز
الله يشفيها ويعافيه
ارتفع ضغطى تخيلتها بنتى الحل الوحيد انكم ماتكبرون الموضوع لانه اصلا صغيرمثل عقليه المعلمه شافتكم عطيتوها وجه تكبرت ماتبى صفحات جديده والله العقد تحمد ربها انكم محترمينها لحد الان
الصفحة الأخيرة
لان الوزاره مع الطالب
حسبي الله على المدرسات اللي كذا