الله يهون عليك اجل نصف الهم طاح عنك لان البيبي الجاي اهم نقطة بيستقوي
ولدك فيها اخ وسند وبيكونون قريبين من بعض الله يصلحهم ويوفقهم
بالنسبة لسؤالك فرصة تجاهلة خليها اكبر من فرصة الانتباه له
بمعنى انة اذا اقبل عليك اعطيه اهتمام وحاورية وخلي عينك بعينة واسالية
وخلية يتكلم ويعبر حتى لو تمتمات غير مفهومة
وبعد كذا وجهيه واعطي اوامرك وهوبيفهم وخلي تعابير وجهك صارمة واذا
اعطيتية الامر تجاهلية واذا حاول يكلمك تجاهلية حتى ينفذ امرك
اما بالنسبة لاطفال الغير لاتهتمين ولاتشغلين بالك كل هذا بيزول وتتغير الاوضاع
انتِ حساسة حبتين قوي قلبك وبماانك حامل غريزة الحنان بحكم الهرمونات بتكون
اقوى واحيانا تبكين من حاله ابنك وسلبيتة احب اطمئنك طفلك صغير وعجينة
بيدك انتِ تشكلينة على هواك

المشتاقة للجنة
^^^
هلا بك أختي..شكرا على الرفع
.......
عطر الزمن
^^^
اسعدني مرورك
وبالنسبة لموضوعك سبق واطلعت عليه واسجل اعجابي الشديد بما يحتويه
وان شاء الله لي رجعة له عشان اقرا الردود اللي ذكرتيها
سلمت..
.........
الواثقة من نفسها
^^^
يعطيك العافيه على تجاوبك معايا مرة أخرى
راح احاول اطبق نصايحك والله يقويني
الف شكر يالغالية وماقصرتي...

علميه على القصاص <<<<كلمه كبيره صح؟؟
العين بالعين
والسن بالسن
والبادي اظلم

انا كانت بنتي كذا
فعلمتها
اللي يضربك اضربيه
اللي يشتمك اشتميه ((بنفس الكلمه))
اللي يصرخ بوجهك صرخي بوجهه

ما اخبي عليك البدايه صعبه لان بنتي((اكلات اعشاب# رخويات #ناعمه #دلوعه #مسالمه ....
وهي عايشه بين كواسر وجوارح ووحوش واكلات لحوم....

والحين الحمد لله تحسنت كثير عن اول
ومازلت مستمره معاها
((ان لم تكن ذئبا اكلتك الذئاب ))

سعودية اصيلة
لا موللدرجة هذه ....انا ابغاه قوي صح بس من غير مايسب ولا يصير وحش كاسر..والتسامح مطلوب احيانا
شكلك تحمست مررررة
الله يخلي لك بنتك يارب بس ترى حلاة البنت نعووومة وهادية ..لوكانت ولد تنبلع بس بنت لا انصحك خليها ناااعمة ولايؤثرون فيها وتطلع متمردة على طبيعتها

...............